బాల ముకుంద పంచక స్తోత్రం

అవ్యక్తమింద్రవరదం వనమాలినం తం
పుణ్యం మహాబలవరేణ్యమనాదిమీశం.
దామోదరం జయినమద్వయవేదమూర్తిం
బాలం ముకుందమమరం సతతం నమామి.
గోలోకపుణ్యభవనే చ విరాజమానం
పీతాంబరం హరిమనంతగుణాదినాథం.
రాధేశమచ్యుతపరం నరకాంతకం తం
బాలం ముకుందమమరం సతతం నమామి.
గోపీశ్వరం చ బలభద్రకనిష్ఠమేకం
సర్వాధిపం చ నవనీతవిలేపితాంగం.
మాయామయం చ నమనీయమిళాపతిం తం
బాలం ముకుందమమరం సతతం నమామి.
పంకేరుహప్రణయనం పరమార్థతత్త్వం
యజ్ఞేశ్వరం సుమధురం యమునాతటస్థం.
మాంగల్యభూతికరణం మథురాధినాథం
బాలం ముకుందమమరం సతతం నమామి.
సంసారవైరిణమధోక్షజమాదిపూజ్యం
కామప్రదం కమలమాభమనంతకీర్తిం.
నారాయణం సకలదం గరుడధ్వజం తం
బాలం ముకుందమమరం సతతం నమామి.
కృష్ణస్య సంస్తవమిమం సతతం జపేద్యః
ప్రాప్నోతి కృష్ణకృపయా నిఖిలార్థభోగాన్.
పుణ్యాపవర్గసకలాన్ సకలాన్ నికామాన్
నిఃశేషకీర్తిగుణగానవరాన్ నరః సః.

Ramaswamy Sastry and Vighnesh Ghanapaathi

Other stotras