Ranganatha Ashtakam
आनन्दरूपे निजबोधरूपे ब्रह्मस्वरूपे श्रुतिमूर्तिरूपे ।
शशाङ्करूपे रमणीयरूपे श्रीरङ्गरूपे रमतां मनो मे ॥
कावेरितीरे करुणाविलोले मन्दारमूले धृतचारुचेले ।
दैत्यान्तकालेऽखिललोकलीले श्रीरङ्गलीले रमतां मनो मे ॥
लक्ष्मीनिवासे जगतां निवासे हृत्पद्मवासे रविबिम्बवासे ।
कृपानिवासे गुणवृन्दवासे श्रीरङ्गवासे रमतां मनो मे ॥
ब्रह्मादिवन्द्ये जगदेकवन्द्ये मुकुन्दवन्द्ये सुरनाथवन्द्ये ।
व्यासादिवन्द्ये सनकादिवन्द्ये श्रीरङ्गवन्द्ये रमतां मनो मे ॥
ब्रह्माधिराजे गरुडाधिराजे वैकुण्ठराजे सुरराजराजे ।
त्रैलोक्यराजेऽखिललोकराजे श्रीरङ्गराजे रमतां मनो मे ॥
अमोघमुद्रे परिपूर्णनिद्रे श्रीयोगनिद्रे ससमुद्रनिद्रे ।
श्रितैकभद्रे जगदेकनिद्रे श्रीरङ्गभद्रे रमतां मनो मे ॥
स चित्रशायी भुजगेन्द्रशायी नन्दाङ्कशायी कमलाङ्कशायी ।
क्षीराब्धिशायी वटपत्रशायी श्रीरङ्गशायी रमतां मनो मे ॥
इदं हि रङ्गं त्यजतामिहाङ्गं पुनर्नचाङ्कं यदि चाङ्गमेति ।
पाणौ रथाङ्गं चरणेम्बु गाङ्गम् याने विहङ्गं शयने भुजङ्गम् ॥
रङ्गनाथाष्टकं पुण्यम् प्रातरुत्थाय यः पठेत् ।
सर्वान् कामानवाप्नोति रङ्गिसायुज्यमाप्नुयात् ॥
aanandaroope nijabodharoope brahmasvaroope shrutimoortiroope .
shashaankaroope ramaneeyaroope shreerangaroope ramataam' mano me ..
kaaveriteere karunaavilole mandaaramoole dhri'tachaaruchele .
daityaantakaale'khilalokaleele shreerangaleele ramataam' mano me ..
lakshmeenivaase jagataam' nivaase hri'tpadmavaase ravibimbavaase .
kri'paanivaase gunavri'ndavaase shreerangavaase ramataam' mano me ..
brahmaadivandye jagadekavandye mukundavandye suranaathavandye .
vyaasaadivandye sanakaadivandye shreerangavandye ramataam' mano me ..
brahmaadhiraaje garud'aadhiraaje vaikunt'haraaje suraraajaraaje .
trailokyaraaje'khilalokaraaje shreerangaraaje ramataam' mano me ..
amoghamudre paripoornanidre shreeyoganidre sasamudranidre .
shritaikabhadre jagadekanidre shreerangabhadre ramataam' mano me ..
sa chitrashaayee bhujagendrashaayee nandaankashaayee kamalaankashaayee .
ksheeraabdhishaayee vat'apatrashaayee shreerangashaayee ramataam' mano me ..
idam' hi rangam' tyajataamihaangam' punarnachaankam' yadi chaangameti .
paanau rathaangam' charanembu gaangam yaane vihangam' shayane bhujangam ..
ranganaathaasht'akam' punyam praatarutthaaya yah' pat'het .
sarvaan kaamaanavaapnoti rangisaayujyamaapnuyaat ..
Other stotras
