Sri Hari Stotram

जगज्जालपालं चलत्कण्ठमालं
शरच्चन्द्रभालं महादैत्यकालम्‌।
नभोनीलकायं दुरावारमायं
सुपद्मासहायं भजेऽहं भजेऽहम्।
सदाम्भोधिवासं गलत्पुष्पहासं
जगत्सन्निवासं शतादित्यभासम्।
गदाचक्रशस्त्रं लसत्पीतवस्त्रं
हसच्चारुवक्त्रं भजेऽहं भजेऽहम्।
रमाकण्ठहारं श्रुतिव्रातसारं
जलान्तर्विहारं धराभारहारम्।
चिदानन्दरूपं मनोज्ञस्वरूपं
धृतानेकरूपं भजेऽहं भजेऽहम्।
जराजन्महीनं परानन्दपीनं
समाधानलीनं सदैवानवीनम्।
जगज्जन्महेतुं सुरानीककेतुं
त्रिलोकैकसेतुं भजेऽहं भजेऽहम्।
कृताम्नायगानं खगाधीशयानं
विमुक्तेर्निदानं हरारातिमानम्।
स्वभक्तानुकूलं जगद्वृक्षमूलं
निरस्तार्तशूलं भजेऽहं भजेऽहम्।
समस्तामरेशं द्विरेफाभकेशं
जगद्बिम्बलेशं हृदाकाशदेशम्।
सदा दिव्यदेहं विमुक्ताखिलेहं
सुवैकुण्ठगेहं भजेऽहं भजेऽहम्।
सुरालीबलिष्ठं त्रिलोकीवरिष्ठं
गुरूणां गरिष्ठं स्वरूपैकनिष्ठम्।
सदा युद्धधीरं महावीरवीरं
महाम्भोधितीरं भजेऽहं भजेऽहम्।
रमावामभागं तलानग्रनागं
कृताधीनयागं गतारागरागम्।
मुनीन्द्रैः सुगीतं सुरैः सम्परीतं
गुणौघैरतीतं भजेऽहं भजेऽहम्।
इदं यस्तु नित्यं समाधाय चित्तं
पठेदष्टकं कण्ठहारं मुरारे:।
स विष्णोर्विशोकं ध्रुवं याति लोकं
जराजन्मशोकं पुनर्विन्दते नो।

jagajjaalapaalam chalatkant'hamaalam
sharachchandrabhaalam mahaadaityakaalam.
nabhoneelakaayam duraavaaramaayam
supadmaasahaayam bhaje'ham bhaje'ham.
sadaambhodhivaasam galatpushpahaasam
jagatsannivaasam shataadityabhaasam.
gadaachakrashastram lasatpeetavastram
hasachchaaruvaktram bhaje'ham bhaje'ham.
ramaakant'hahaaram shrutivraatasaaram
jalaantarvihaaram dharaabhaarahaaram.
chidaanandaroopam manojnyasvaroopam
dhri'taanekaroopam bhaje'ham bhaje'ham.
jaraajanmaheenam paraanandapeenam
samaadhaanaleenam sadaivaanaveenam.
jagajjanmahetum suraaneekaketum
trilokaikasetum bhaje'ham bhaje'ham.
kri'taamnaayagaanam khagaadheeshayaanam
vimukternidaanam haraaraatimaanam.
svabhaktaanukoolam jagadvri'kshamoolam
nirastaartashoolam bhaje'ham bhaje'ham.
samastaamaresham dvirephaabhakesham
jagadbimbalesham hri'daakaashadesham.
sadaa divyadeham vimuktaakhileham
suvaikunt'hageham bhaje'ham bhaje'ham.
suraaleebalisht'ham trilokeevarisht'ham
guroonaam garisht'ham svaroopaikanisht'ham.
sadaa yuddhadheeram mahaaveeraveeram
mahaambhodhiteeram bhaje'ham bhaje'ham.
ramaavaamabhaagam talaanagranaagam
kri'taadheenayaagam gataaraagaraagam.
muneendraih' sugeetam suraih' sampareetam
gunaughairateetam bhaje'ham bhaje'ham.
idam yastu nityam samaadhaaya chittam
pat'hedasht'akam kant'hahaaram muraare:.
sa vishnorvishokam dhruvam yaati lokam
jaraajanmashokam punarvindate no. 

 

 

Ramaswamy Sastry and Vighnesh Ghanapaathi

81.6K

Comments English

4nq5c
Impressive! 😲🌟👏 -Anjali Iyer

Brilliant! 🔥🌟 -Sudhanshu

Shastanga dandavata to all gurus and saints of vedadhara..shree Vishnu bless you always -User_se15pg

🙏🙏🙏 -Geetha Raman

Nice -Same RD

Read more comments

Other stotras

Copyright © 2024 | Vedadhara | All Rights Reserved. | Designed & Developed by Claps and Whistles
| | | | |