जगदादिमनादिमजं पुरुषं शरदम्बरतुल्यतनुं वितनुम्।
धृतकञ्जरथाङ्गगदं विगदं प्रणमामि रमाधिपतिं तमहम्।
कमलाननकञ्जरतं विरतं हृदि योगिजनैः कलितं ललितम्।
कुजनैः सुजनैरलभं सुलभं प्रणमामि रमाधिपतिं तमहम्।
मुनिवृन्दहृदिस्थपदं सुपदं निखिलाध्वरभागभुजं सुभुजम्।
हृतवासवमुख्यमदं विमदं प्रणमामि रमाधिपतिं तमहम्।
हृतदानवदृप्तबलं सुबलं स्वजनास्तसमस्तमलं विमलम्।
समपास्त गजेन्द्रदरं सुदरं प्रणमामि रमाधिपतिं तमहम्।
परिकल्पितसर्वकलं विकलं सकलागमगीतगुणं विगुणम्।
भवपाशनिराकरणं शरणं प्रणमामि रमाधिपतिं तमहम्।
मृतिजन्मजराशमनं कमनं शरणागतभीतिहरं दहरम्।
परितुष्टरमाहृदयं सुदयं प्रणमामि रमाधिपतिं तमहम्।
सकलावनिबिम्बधरं स्वधरं परिपूरितसर्वदिशं सुदृशम्।
गतशोकमशोककरं सुकरं प्रणमामि रमाधिपतिं तमहम्।
मथितार्णवराजरसं सरसं ग्रथिताखिललोकहृदं सुहृदम्।
प्रथिताद्भुतशक्तिगणं सुगणं प्रणमामि रमाधिपतिं तमहम्।
सुखराशिकरं भवबन्धहरं परमाष्टकमेतदनन्यमतिः।
पठतीह तु योऽनिशमेव नरो लभते खलु विष्णुपदं स परम्।
jagadaadimanaadimajam purusham sharadambaratulyatanum vitanum.
dhri'takanjarathaangagadam vigadam pranamaami ramaadhipatim tamaham.
kamalaananakanjaratam viratam hri'di yogijanaih' kalitam lalitam.
kujanaih' sujanairalabham sulabham pranamaami ramaadhipatim tamaham.
munivri'ndahri'disthapadam supadam nikhilaadhvarabhaagabhujam subhujam.
hri'tavaasavamukhyamadam vimadam pranamaami ramaadhipatim tamaham.
hri'tadaanavadri'ptabalam subalam svajanaastasamastamalam vimalam.
samapaasta gajendradaram sudaram pranamaami ramaadhipatim tamaham.
parikalpitasarvakalam vikalam sakalaagamageetagunam vigunam.
bhavapaashaniraakaranam sharanam pranamaami ramaadhipatim tamaham.
mri'tijanmajaraashamanam kamanam sharanaagatabheetiharam daharam.
paritusht'aramaahri'dayam sudayam pranamaami ramaadhipatim tamaham.
sakalaavanibimbadharam svadharam paripooritasarvadisham sudri'sham.
gatashokamashokakaram sukaram pranamaami ramaadhipatim tamaham.
mathitaarnavaraajarasam sarasam grathitaakhilalokahri'dam suhri'dam.
prathitaadbhutashaktiganam suganam pranamaami ramaadhipatim tamaham.
sukharaashikaram bhavabandhaharam paramaasht'akametadananyamatih'.
pat'hateeha tu yo'nishameva naro labhate khalu vishnupadam sa param.
Rahu Kavacham
bhaktyaa pat'hatyanudinam niyatah' shuchih' san. praapnoti keertimatulaam shriyamri'ddhimaayu- raarogyamaatmavijayam cha hi tatprasaadaat.....
Click here to know more..Kashi Vishwanatha Suprabhatam
vaacham tavaiva yashasaa'nagha bhooshayaami vaaraanaseepurapate tava suprabhaatam. naareenateshvarayutam nijachaaruroopam streegauravam jagati vardhay....
Click here to know more..Purvashada Nakshatra Features
Everything you wanted to know about Purvashada Nakshatra - Characteristics, career, health issues, marriage life........
Click here to know more..