Mrityuharana Narayana Stotram

नारायणं सहस्राक्षं पद्मनाभं पुरातनम्।
हृषीकेशं प्रपन्नोऽस्मि किं मे मृत्युः करिष्यति।
गोविन्दं पुण्डरीकाक्ष- मनन्तमजमव्ययम्।
केशवं च प्रपन्नोऽस्मि किं मे मृत्युः करिष्यति।
वासुदेवं जगद्योनिं भानुवर्णमतीन्द्रियम्।
दामोदरं प्रपन्नोऽस्मि किं मे मृत्युः करिष्यति।
शङ्खचक्रधरं देवं छत्ररूपिणमव्ययम्।
अधोक्षजं प्रपन्नोऽस्मि किं मे मृत्युः करिष्यति।
वाराहं वामनं विष्णुं नरसिंहं जनार्दनम्।
माधवं च प्रपन्नोऽस्मि किं मे मृत्युः करिष्यति।
पुरुषं पुष्करं पुण्यं क्षेमबीजं जगत्पतिम्।
लोकनाथं प्रपन्नोऽस्मि किं मे मृत्युः करिष्यति।
भूतात्मानं महात्मानं जगद्योनिमयोनिजम्।
विश्वरूपं प्रपन्नोऽस्मि किं मे मृत्युः करिष्यति।
सहस्रशिरसं देवं व्यक्ताव्यक्तं सनातनम्।
महायोगं प्रपन्नोऽस्मि किं मे मृत्युः करिष्यति।

naaraayanam sahasraaksham padmanaabham puraatanam.
hri'sheekesham prapanno'smi kim me mri'tyuh' karishyati.
govindam pund'areekaaksha- manantamajamavyayam.
keshavam cha prapanno'smi kim me mri'tyuh' karishyati.
vaasudevam jagadyonim bhaanuvarnamateendriyam.
daamodaram prapanno'smi kim me mri'tyuh' karishyati.
shankhachakradharam devam chhatraroopinamavyayam.
adhokshajam prapanno'smi kim me mri'tyuh' karishyati.
vaaraaham vaamanam vishnum narasimham janaardanam.
maadhavam cha prapanno'smi kim me mri'tyuh' karishyati.
purusham pushkaram punyam kshemabeejam jagatpatim.
lokanaatham prapanno'smi kim me mri'tyuh' karishyati.
bhootaatmaanam mahaatmaanam jagadyonimayonijam.
vishvaroopam prapanno'smi kim me mri'tyuh' karishyati.
sahasrashirasam devam vyaktaavyaktam sanaatanam.
mahaayogam prapanno'smi kim me mri'tyuh' karishyati.

Ramaswamy Sastry and Vighnesh Ghanapaathi

Other stotras