Krishna Ashtakam

वसुदेवसुतं देवं कंसचाणूरमर्दनम्।
देवकीपरमानन्दं कृष्णं वन्दे जगद्गुरुम्।
अतसीपुष्पसङ्काशं हारनूपुरशोभितम्।
रत्नकङ्कणकेयूरं कृष्णं वन्दे जगद्गुरुम्।
कुटिलालकसंयुक्तं पूर्णचन्द्रनिभाननम्।
विलसत्कुन्डलधरं कृष्णं वन्दे जगद्गुरुम्।
मन्दारगन्धसंयुक्तं चारुहासं चतुर्भुजम्।
बर्हिपिञ्छावचूडाङ्गं कृष्णं वन्दे जगद्गुरुम्।
उत्फुल्लपद्मपत्राक्षं नीलजीमूतसन्निभम्।
यादवानां शिरोरत्नं कृष्णं वन्दे जगद्गुरुम्।
रुक्मिणीकेलिसंयुक्तं पीताम्बरसुशोभितम्।
अवाप्ततुलसीगन्धं कृष्णं वन्दे जगद्गुरुम्।
गोपिकानां कुचद्वन्द्वकुङ्कुमाङ्कितवक्षसम्।
श्रीनिकेतं महेष्वासं कृष्णं वन्दे जगद्गुरुम्।
श्रीवत्साङ्कं महोरस्कं वनमालाविराजितम्।
शङ्खचक्रधरं देवं कृष्णं वन्दे जगद्गुरुम्।
कृष्णाष्टकमिदं पुण्यं प्रातरुत्थाय यः पठेत्।
कोटिजन्मकृतं पापं स्मरणेन विनश्यति।

vasudevasutam devam kamsachaanooramardanam.
devakeeparamaanandam kri'shnam vande jagadgurum.
ataseepushpasankaasham haaranoopurashobhitam.
ratnakankanakeyooram kri'shnam vande jagadgurum.
kut'ilaalakasamyuktam poornachandranibhaananam.
vilasatkund'aladharam kri'shnam vande jagadgurum.
mandaaragandhasamyuktam chaaruhaasam chaturbhujam.
barhipinchhaavachood'aangam kri'shnam vande jagadgurum.
utphullapadmapatraaksham neelajeemootasannibham.
yaadavaanaam shiroratnam kri'shnam vande jagadgurum.
rukmineekelisamyuktam peetaambarasushobhitam.
avaaptatulaseegandham kri'shnam vande jagadgurum.
gopikaanaam kuchadvandvakunkumaankitavakshasam.
shreeniketam maheshvaasam kri'shnam vande jagadgurum.
shreevatsaankam mahoraskam vanamaalaaviraajitam.
shankhachakradharam devam kri'shnam vande jagadgurum.
kri'shnaasht'akamidam punyam praatarutthaaya yah' pat'het.
kot'ijanmakri'tam paapam smaranena vinashyati.

Ramaswamy Sastry and Vighnesh Ghanapaathi

Other stotras