Damodara Ashtakam

नमामीश्वरं सच्चिदानन्दरूपं
लसत्कुण्डलं गोकुले भ्राजमनम्।
यशोदाभियोलूखलाद् धावमानं
परामृष्टम् अत्यन्ततो द्रुत्य गोप्या।
रुदन्तं मुहुर् नेत्रयुग्मं मृजन्तं
कराम्भोजयुग्मेन सातङ्कनेत्रम्।
मुहुः श्वासकम्पत्रिरेखाङ्ककण्ठ-
स्थितग्रैवदामोदरं भक्तिबद्धम्।
इतीदृक् स्वलीलाभिरानन्दकुण्डे
स्वघोषं निमज्जन्तमाख्यापयन्तम्।
तदीयेषितज्ञेषु भक्तैर्जितत्वं
पुनः प्रेमतस्तं शतावृत्ति वन्दे।
वरं देव मोक्षं न मोक्षावधिं वा
न चन्यं वृणेऽहं वरेषादपीह।
इदं ते वपुर्नाथ गोपालबालं
सदा मे मनस्याविरास्तां किमन्यैः।
इदं ते मुखाम्भोजमत्यन्तनीलै
र्वृतं कुन्तलैः स्निग्धरक्तैश् च गोप्या।
मुहुश्चुम्बितं बिम्बरक्ताधरं मे
मनस्याविरास्तामलं लक्षलाभैः।
नमो देव दामोदरानन्त विष्णो
प्रसीद प्रभो दुःखजालाब्धिमग्नम्।
कृपादृष्टिवृष्ट्यातिदीनं बतानु
गृहाणेष मामज्ञमेध्याक्षिदृश्यः।
कुवेरात्मजौ बद्धमूर्त्यैव यद्वत्
त्वया मोचितौ भक्तिभाजौ कृतौ च।
तथा प्रेमभक्तिं स्वकां मे प्रयच्छ
न मोक्षे ग्रहो मेऽस्ति दामोदरेह।
नमस्तेऽस्तु दाम्ने स्फुरद्दीप्तिधाम्ने
त्वदीयोदरायाथ विश्वस्य धाम्ने।
नमो राधिकायै त्वदीयप्रियायै
नमोऽनन्तलीलाय देवाय तुभ्यम्।

namaameeshvaram sachchidaanandaroopam
lasatkund'alam gokule bhraajamanam.
yashodaabhiyolookhalaad dhaavamaanam
paraamri'sht'am atyantato drutya gopyaa.
rudantam muhur netrayugmam mri'jantam
karaambhojayugmena saatankanetram.
muhuh' shvaasakampatrirekhaankakant'ha-
sthitagraivadaamodaram bhaktibaddham.
iteedri'k svaleelaabhiraanandakund'e
svaghosham nimajjantamaakhyaapayantam.
tadeeyeshitajnyeshu bhaktairjitatvam
punah' prematastam shataavri'tti vande.
varam deva moksham na mokshaavadhim vaa
na chanyam vri'ne'ham vareshaadapeeha.
idam te vapurnaatha gopaalabaalam
sadaa me manasyaaviraastaam kimanyaih'.
idam te mukhaambhojamatyantaneelai
rvri'tam kuntalaih' snigdharaktaish cha gopyaa.
muhushchumbitam bimbaraktaadharam me
manasyaaviraastaamalam lakshalaabhaih'.
namo deva daamodaraananta vishno
praseeda prabho duh'khajaalaabdhimagnam.
kri'paadri'sht'ivri'sht'yaatideenam bataanu
gri'haanesha maamajnyamedhyaakshidri'shyah'.
kuveraatmajau baddhamoortyaiva yadvat
tvayaa mochitau bhaktibhaajau kri'tau cha.
tathaa premabhaktim svakaam me prayachchha
na mokshe graho me'sti daamodareha.
namaste'stu daamne sphuraddeeptidhaamne
tvadeeyodaraayaatha vishvasya dhaamne.
namo raadhikaayai tvadeeyapriyaayai
namo'nantaleelaaya devaaya tubhyam.

Ramaswamy Sastry and Vighnesh Ghanapaathi

Other stotras