Santana Gopala Stotram

 

Video - Santana Gopala Stotram 

 

Santana Gopala Stotram

 

अथ सन्तानगोपालस्तोत्रम्
ॐ श्रीं ह्रीं क्लीं ग्लौम्।
देवकीसुत गोविन्द वासुदेव जगत्पते।
देहि मे तनयं कृष्ण त्वामहं शरणं गतः।
ॐ नमो भगवते वासुदेवाय।
श्रीशं कमलपत्राक्षं देवकीनन्दनं हरिम्।
सुतसम्प्राप्तये कृष्णं नमामि मधुसूदनम्।
नमाम्यहं वासुदेवं सुतसम्प्राप्तये हरिम्।
यशोदाङ्कगतं बालं गोपालं नन्दनन्दनम्।
अस्माकं पुत्रलाभाय गोविन्दं मुनिवन्दितम्।
नमाम्यहं वासुदेवं देवकीनन्दनं सदा।
गोपालं डिम्भकं वन्दे कमलापतिमच्युतम्।
पुत्रसम्प्राप्तये कृष्णं नमामि यदुपुङ्गवम्।
पुत्रकामेष्टिफलदं कञ्जाक्षं कमलापतिम्।
देवकीनन्दनं वन्दे सुतसम्प्राप्तये मम।
पद्मापते पद्मनेत्रे पद्मनाभ जनार्दन।
देहि मे तनयं श्रीश वासुदेव जगत्पते।
यशोदाङ्कगतं बालं गोविन्दं मुनिवन्दितम्।
अस्माकं पुत्रलाभाय नमामि श्रीशमच्युतम्।
श्रीपते देवदेवेश दीनार्तिहरणाच्युत।
गोविन्द मे सुतं देहि नमामि त्वां जनार्दन।
भक्तकामद गोविन्द भक्तं रक्ष शुभप्रद।
देहि मे तनयं कृष्ण रुक्मिणीवल्लभ प्रभो।
रुक्मिणीनाथ सर्वेश देहि मे तनयं सदा।
भक्तमन्दार पद्माक्ष त्वामहं शरणं गतः।
देवकीसुत गोविन्द वासुदेव जगत्पते।
देहि मे तनयं कृष्ण त्वामहं शरणं गतः।
वासुदेव जगद्वन्द्य श्रीपते पुरुषोत्तम।
देहि मे तनयं कृष्ण त्वामहं शरणं गतः।
कञ्जाक्ष कमलानाथ परकारुणिकोत्तम।
देहि मे तनयं कृष्ण त्वामहं शरणं गतः।
लक्ष्मीपते पद्मनाभ मुकुन्द मुनिवन्दित।
देहि मे तनयं कृष्ण त्वामहं शरणं गतः।
कार्यकारणरूपाय वासुदेवाय ते सदा।
नमामि पुत्रलाभार्थं सुखदाय बुधाय ते।
राजीवनेत्र श्रीराम रावणारे हरे कवे।
तुभ्यं नमामि देवेश तनयं देहि मे हरे।
अस्माकं पुत्रलाभाय भजामि त्वां जगत्पते।
देहि मे तनयं कृष्ण वासुदेव रमापते।
श्रीमानिनीमानचोर गोपीवस्त्रापहारक।
देहि मे तनयं कृष्ण वासुदेव जगत्पते।
अस्माकं पुत्रसम्प्राप्तिं कुरुष्व यदुनन्दन।
रमापते वासुदेव मुकुन्द मुनिवन्दित।
वासुदेव सुतं देहि तनयं देहि माधव।
पुत्रं मे देहि श्रीकृष्ण वत्सं देहि महाप्रभो।
डिम्भकं देहि श्रीकृष्ण आत्मजं देहि राघव।
भक्तमन्दार मे देहि तनयं नन्दनन्दन।
नन्दनं देहि मे कृष्ण वासुदेव जगत्पते।
कमलानाथ गोविन्द मुकुन्द मुनिवन्दित।
अन्यथा शरणं नास्ति त्वमेव शरणं मम।
सुतं देहि श्रियं देहि श्रियं पुत्रं प्रदेहि मे।
यशोदास्तन्यपानज्ञं पिबन्तं यदुनन्दनम्।
वन्देऽहं पुत्रलाभार्थं कपिलाक्षं हरिं सदा।
नन्दनन्दन देवेश नन्दनं देहि मे प्रभो।
रमापते वासुदेव श्रियं पुत्रं जगत्पते।
पुत्रं श्रियं श्रियं पुत्रं पुत्रं मे देहि माधव।
अस्माकं दीनवाक्यं त्वमवधारय श्रीपते।
गोपाल डिम्भ गोविन्द वासुदेव रमापते।
अस्माकं डिम्भकं देहि श्रियं देहि जगत्पते।
मद्वाञ्छितफलं देहि देवकीनन्दनाच्युत।
मम पुत्रार्थितं धन्यं कुरुष्व यदुनन्दन।
याचेऽहं त्वां श्रियं पुत्रं देहि मे पुत्रसम्पदम्।
भक्तचिन्तामणे राम कल्पवृक्ष महाप्रभो।
आत्मजं नन्दनं पुत्रं कुमारं डिम्भकं सुतम्।
अर्भकं तनयं देहि सदा मे रघुनन्दन।
वन्दे सन्तानगोपालं माधवं भक्तकामदम्।
अस्माकं पुत्रसम्प्राप्त्यै सदा गोविन्दमच्युतम्।
ओङ्कारयुक्तं गोपालं श्रीयुक्तं यदुनन्दनम्।
क्लीम्युक्तं देवकीपुत्रं नमामि यदुनायकम्।
वासुदेव मुकुन्देश गोविन्द माधवाच्युत।
देहि मे तनयं कृष्ण रमानाथ महाप्रभो।
राजीवनेत्र गोविन्द कपिलाक्ष हरे प्रभो।
समस्तकाम्यवरद देहि मे तनयं सदा।
अब्जपद्मनिभं पद्मवृन्दरूप जगत्पते।
देहि मे वरसत्पुत्रं रमानायक माधव।
नन्दपाल धरापाल गोविन्द यदुनन्दन।
देहि मे तनयं कृष्ण रुक्मिणीवल्लभ प्रभो।
दासमन्दार गोविन्द मुकुन्द माधवाच्युत।
गोपाल पुण्डरीकाक्ष देहि मे तनयं श्रियम्।
यदुनायक पद्मेश नन्दगोपवधूसुत।
देहि मे तनयं कृष्ण श्रीधर प्राणनायक।
अस्माकं वाञ्छितं देहि देहि पुत्रं रमापते।
भगवन् कृष्ण सर्वेश वासुदेव जगत्पते।
रमाहृदयसम्भार सत्यभामामनःप्रिय।
देहि मे तनयं कृष्ण रुक्मिणीवल्लभ प्रभो।
चन्द्रसूर्याक्ष गोविन्द पुण्डरीकाक्ष माधव।
अस्माकं भाग्यसत्पुत्रं देहि देव जगत्पते।
कारुण्यरूप पद्माक्ष पद्मनाभसमर्चित।
देहि मे तनयं कृष्ण देवकीनन्दनन्दन।
देवकीसुत श्रीनाथ वासुदेव जगत्पते।
समस्तकामफलद देहि मे तनयं सदा।
भक्तमन्दार गम्भीर शङ्कराच्युत माधव।
देहि मे तनयं गोपबालवत्सल श्रीपते।
श्रीपते वासुदेवेश देवकीप्रियनन्दन।
भक्तमन्दार मे देहि तनयं जगतां प्रभो।
जगन्नाथ रमानाथ भूमिनाथ दयानिधे।
वासुदेवेश सर्वेश देहि मे तनयं प्रभो।
श्रीनाथ कमलपत्राक्ष वासुदेव जगत्पते।
देहि मे तनयं कृष्ण त्वामहं शरणं गतः।
दासमन्दार गोविन्द भक्तचिन्तामणे प्रभो।
देहि मे तनयं कृष्ण त्वामहं शरणं गतः।
गोविन्द पुण्डरीकाक्ष रमानाथ महाप्रभो।
देहि मे तनयं कृष्ण त्वामहं शरणं गतः।
श्रीनाथ कमलपत्राक्ष गोविन्द मधुसूदन।
मत्पुत्रफलसिद्ध्यर्थं भजामि त्वां जनार्दन।
स्तन्यं पिबन्तं जननीमुखाम्बुजं विलोक्य मन्दस्मितमुज्ज्वलाङ्गम्।
स्पृशन्तमन्यस्तनमङ्गुलीभिर्वन्दे यशोदाङ्कगतं मुकुन्दम्।
याचेऽहं पुत्रसन्तानं भवन्तं पद्मलोचन।
देहि मे तनयं कृष्ण त्वामहं शरणं गतः।
अस्माकं पुत्रसम्पत्तेश्चिन्तयामि जगत्पते।
शीघ्रं मे देहि दातव्यं भवता मुनिवन्दित।
वासुदेव जगन्नाथ श्रीपते पुरुषोत्तम।
कुरु मां पुत्रदत्तं च कृष्ण देवेन्द्रपूजित।
कुरु मां पुत्रदत्तं च यशोदाप्रियनन्दन।
मह्यं च पुत्रसन्तानं दातव्यं भवता हरे।
वासुदेव जगन्नाथ गोविन्द देवकीसुत।
देहि मे तनयं राम कौशल्याप्रियनन्दन।
पद्मपत्राक्ष गोविन्द विष्णो वामन माधव।
देहि मे तनयं सीताप्राणनायक राघव।
कञ्जाक्ष कृष्ण देवेन्द्रमण्डित मुनिवन्दित।
लक्ष्मणाग्रज श्रीराम देहि मे तनयं सदा।
देहि मे तनयं राम दशरथप्रियनन्दन।
सीतानायक कञ्जाक्ष मुचुकुन्दवरप्रद।
विभीषणस्य या लङ्का प्रदत्ता भवता पुरा।
अस्माकं तत्प्रकारेण तनयं देहि माधव।
भवदीयपदाम्भोजे चिन्तयामि निरन्तरम्।
देहि मे तनयं सीताप्राणवल्लभ राघव।
राम मत्काम्यवरद पुत्रोत्पत्तिफलप्रद।
देहि मे तनयं श्रीश कमलासनवन्दित।
राम राघव सीतेश लक्ष्मणानुज देहि मे।
भाग्यवत्पुत्रसन्तानं दशरथप्रियनन्दन।
देहि मे तनयं राम कृष्ण गोपाल माधव।
कृष्ण माधव गोविन्द वामनाच्युत शङ्कर।
देहि मे तनयं श्रीश गोपबालक नायक।
गोपबाल महाधन्य गोविन्दाच्युत माधव।
देहि मे तनयं कृष्ण वासुदेव जगत्पते।
दिशतु दिशतु पुत्रं देवकीनन्दनोऽयं
दिशतु दिशतु शीघ्रं भाग्यवत्पुत्रलाभम्।
दिशतु दिशतु शीघ्रं राघवो रामचन्द्रो
दिशतु दिशतु पुत्रं वंशविस्तारहेतोः।
दीयतां वासुदेवेन तनयो मत्प्रियः सुतः।
कुमारो नन्दनः सीतानायकेन सदा मम।
राम राघव गोविन्द देवकीसुत माधव।
देहि मे तनयं श्रीश गोपबालक नायक।
वंशविस्तारकं पुत्रं देहि मे मधुसूदन।
सुतं देहि सुतं देहि त्वामहं शरणं गतः।
ममाभीष्टसुतं देहि कंसारे माधवाच्युत।
सुतं देहि सुतं देहि त्वामहं शरणं गतः।
चन्द्रार्ककल्पपर्यन्तं तनयं देहि माधव।
सुतं देहि सुतं देहि त्वामहं शरणं गतः।
विद्यावन्तं बुद्धिमन्तं श्रीमन्तं तनयं सदा।
देहि मे तनयं कृष्ण देवकीनन्दन प्रभो।
नमामि त्वां पद्मनेत्र सुतलाभाय कामदम्।
मुकुन्दं पुण्डरीकाक्षं गोविन्दं मधुसूदनम्।
भगवन् कृष्ण गोविन्द सर्वकामफलप्रद।
देहि मे तनयं स्वामिंस्त्वामहं शरणं गतः।
स्वामिंस्त्वं भगवन् राम कृष्ण माधव कामद।
देहि मे तनयं नित्यं त्वामहं शरणं गतः।
तनयं देहि गोविन्द कञ्जाक्ष कमलापते।
सुतं देहि सुतं देहि त्वामहं शरणं गतः।
पद्मापते पद्मनेत्र प्रद्युम्नजनक प्रभो।
सुतं देहि सुतं देहि त्वामहं शरणं गतः।
शङ्खचक्रगदाखड्गशार्ङ्गपाणे रमापते।
देहि मे तनयं कृष्ण त्वामहं शरणं गतः।
नारायण रमानाथ राजीवपत्रलोचन।
सुतं मे देहि देवेश पद्मपद्मानुवन्दित।
राम राघव गोविन्द देवकीवरनन्दन।
रुक्मिणीनाथ सर्वेश नारदादिसुरार्चित।
देवकीसुत गोविन्द वासुदेव जगत्पते।
देहि मे तनयं श्रीश गोपबालक नायक।
मुनिवन्दित गोविन्द रुक्मिणीवल्लभ प्रभो।
देहि मे तनयं कृष्ण त्वामहं शरणं गतः।
गोपिकार्जितपङ्केजमरन्दासक्तमानस।
देहि मे तनयं कृष्ण त्वामहं शरणं गतः।
रमाहृदयपङ्केजलोल माधव कामद।
ममाभीष्टसुतं देहि त्वामहं शरणं गतः।
वासुदेव रमानाथ दासानां मङ्गलप्रद।
देहि मे तनयं कृष्ण त्वामहं शरणं गतः।
कल्याणप्रद गोविन्द मुरारे मुनिवन्दित।
देहि मे तनयं कृष्ण त्वामहं शरणं गतः।
पुत्रप्रद मुकुन्देश रुक्मिणीवल्लभ प्रभो।
देहि मे तनयं कृष्ण त्वामहं शरणं गतः।
पुण्डरीकाक्ष गोविन्द वासुदेव जगत्पते।
देहि मे तनयं कृष्ण त्वामहं शरणं गतः।
दयानिधे वासुदेव मुकुन्द मुनिवन्दित।
देहि मे तनयं कृष्ण त्वामहं शरणं गतः।
पुत्रसम्पत्प्रदातारं गोविन्दं देवपूजितम्।
वन्दामहे सदा कृष्णं पुत्रलाभप्रदायिनम्।
कारुण्यनिधये गोपीवल्लभाय मुरारये।
नमस्ते पुत्रलाभाय देहि मे तनयं विभो।
नमस्तस्मै रमेशाय रुक्मिणीवल्लभाय ते।
देहि मे तनयं श्रीश गोपबालकनायक।
नमस्ते वासुदेवाय नित्यश्रीकामुकाय च।
पुत्रदाय च सर्पेन्द्रशायिने रङ्गशायिने।
रङ्गशायिन् रमानाथ मङ्गलप्रद माधव।
देहि मे तनयं श्रीश गोपबालक नायक।
दासस्य मे सुतं देहि दीनमन्दार राघव।
सुतं देहि सुतं देहि पुत्रं देहि रमापते।
यशोदातनयाभीष्टपुत्रदानरतः सदा।
देहि मे तनयं कृष्ण त्वामहं शरणं गतः।
मदिष्टदेव गोविन्द वासुदेव जनार्दन।
देहि मे तनयं कृष्ण त्वामहं शरणं गतः।
नीतिमान् धनवान् पुत्रो विद्यावांश्च प्रजापते।
भगवंस्त्वत्कृपायाश्च वासुदेवेन्द्रपूजित।
यः पठेत् पुत्रशतकं सोऽपि सत्पुत्रवान् भवेत्।
श्रीवासुदेवकथितं स्तोत्ररत्नं सुखाय च।
जपकाले पठेन्नित्यं पुत्रलाभं धनं श्रियम्।
ऐश्वर्यं राजसम्मानं सद्यो याति न संशयः।

 

atha santaanagopaalastotram
om shreem hreem kleem glaum.
devakeesuta govinda vaasudeva jagatpate.
dehi me tanayam kri'shna tvaamaham sharanam gatah'.
om namo bhagavate vaasudevaaya.
shreesham kamalapatraaksham devakeenandanam harim.
sutasampraaptaye kri'shnam namaami madhusoodanam.
namaamyaham vaasudevam sutasampraaptaye harim.
yashodaankagatam baalam gopaalam nandanandanam.
asmaakam putralaabhaaya govindam munivanditam.
namaamyaham vaasudevam devakeenandanam sadaa.
gopaalam d'imbhakam vande kamalaapatimachyutam.
putrasampraaptaye kri'shnam namaami yadupungavam.
putrakaamesht'iphaladam kanjaaksham kamalaapatim.
devakeenandanam vande sutasampraaptaye mama.
padmaapate padmanetre padmanaabha janaardana.
dehi me tanayam shreesha vaasudeva jagatpate.
yashodaankagatam baalam govindam munivanditam.
asmaakam putralaabhaaya namaami shreeshamachyutam.
shreepate devadevesha deenaartiharanaachyuta.
govinda me sutam dehi namaami tvaam janaardana.
bhaktakaamada govinda bhaktam raksha shubhaprada.
dehi me tanayam kri'shna rukmineevallabha prabho.
rukmineenaatha sarvesha dehi me tanayam sadaa.
bhaktamandaara padmaaksha tvaamaham sharanam gatah'.
devakeesuta govinda vaasudeva jagatpate.
dehi me tanayam kri'shna tvaamaham sharanam gatah'.
vaasudeva jagadvandya shreepate purushottama.
dehi me tanayam kri'shna tvaamaham sharanam gatah'.
kanjaaksha kamalaanaatha parakaarunikottama.
dehi me tanayam kri'shna tvaamaham sharanam gatah'.
lakshmeepate padmanaabha mukunda munivandita.
dehi me tanayam kri'shna tvaamaham sharanam gatah'.
kaaryakaaranaroopaaya vaasudevaaya te sadaa.
namaami putralaabhaartham sukhadaaya budhaaya te.
raajeevanetra shreeraama raavanaare hare kave.
tubhyam namaami devesha tanayam dehi me hare.
asmaakam putralaabhaaya bhajaami tvaam jagatpate.
dehi me tanayam kri'shna vaasudeva ramaapate.
shreemaanineemaanachora gopeevastraapahaaraka.
dehi me tanayam kri'shna vaasudeva jagatpate.
asmaakam putrasampraaptim kurushva yadunandana.
ramaapate vaasudeva mukunda munivandita.
vaasudeva sutam dehi tanayam dehi maadhava.
putram me dehi shreekri'shna vatsam dehi mahaaprabho.
d'imbhakam dehi shreekri'shna aatmajam dehi raaghava.
bhaktamandaara me dehi tanayam nandanandana.
nandanam dehi me kri'shna vaasudeva jagatpate.
kamalaanaatha govinda mukunda munivandita.
anyathaa sharanam naasti tvameva sharanam mama.
sutam dehi shriyam dehi shriyam putram pradehi me.
yashodaastanyapaanajnyam pibantam yadunandanam.
vande'ham putralaabhaartham kapilaaksham harim sadaa.
nandanandana devesha nandanam dehi me prabho.
ramaapate vaasudeva shriyam putram jagatpate.
putram shriyam shriyam putram putram me dehi maadhava.
asmaakam deenavaakyam tvamavadhaaraya shreepate.
gopaala d'imbha govinda vaasudeva ramaapate.
asmaakam d'imbhakam dehi shriyam dehi jagatpate.
madvaanchhitaphalam dehi devakeenandanaachyuta.
mama putraarthitam dhanyam kurushva yadunandana.
yaache'ham tvaam shriyam putram dehi me putrasampadam.
bhaktachintaamane raama kalpavri'ksha mahaaprabho.
aatmajam nandanam putram kumaaram d'imbhakam sutam.
arbhakam tanayam dehi sadaa me raghunandana.
vande santaanagopaalam maadhavam bhaktakaamadam.
asmaakam putrasampraaptyai sadaa govindamachyutam.
onkaarayuktam gopaalam shreeyuktam yadunandanam.
kleemyuktam devakeeputram namaami yadunaayakam.
vaasudeva mukundesha govinda maadhavaachyuta.
dehi me tanayam kri'shna ramaanaatha mahaaprabho.
raajeevanetra govinda kapilaaksha hare prabho.
samastakaamyavarada dehi me tanayam sadaa.
abjapadmanibham padmavri'ndaroopa jagatpate.
dehi me varasatputram ramaanaayaka maadhava.
nandapaala dharaapaala govinda yadunandana.
dehi me tanayam kri'shna rukmineevallabha prabho.
daasamandaara govinda mukunda maadhavaachyuta.
gopaala pund'areekaaksha dehi me tanayam shriyam.
yadunaayaka padmesha nandagopavadhoosuta.
dehi me tanayam kri'shna shreedhara praananaayaka.
asmaakam vaanchhitam dehi dehi putram ramaapate.
bhagavan kri'shna sarvesha vaasudeva jagatpate.
ramaahri'dayasambhaara satyabhaamaamanah'priya.
dehi me tanayam kri'shna rukmineevallabha prabho.
chandrasooryaaksha govinda pund'areekaaksha maadhava.
asmaakam bhaagyasatputram dehi deva jagatpate.
kaarunyaroopa padmaaksha padmanaabhasamarchita.
dehi me tanayam kri'shna devakeenandanandana.
devakeesuta shreenaatha vaasudeva jagatpate.
samastakaamaphalada dehi me tanayam sadaa.
bhaktamandaara gambheera shankaraachyuta maadhava.
dehi me tanayam gopabaalavatsala shreepate.
shreepate vaasudevesha devakeepriyanandana.
bhaktamandaara me dehi tanayam jagataam prabho.
jagannaatha ramaanaatha bhoominaatha dayaanidhe.
vaasudevesha sarvesha dehi me tanayam prabho.
shreenaatha kamalapatraaksha vaasudeva jagatpate.
dehi me tanayam kri'shna tvaamaham sharanam gatah'.
daasamandaara govinda bhaktachintaamane prabho.
dehi me tanayam kri'shna tvaamaham sharanam gatah'.
govinda pund'areekaaksha ramaanaatha mahaaprabho.
dehi me tanayam kri'shna tvaamaham sharanam gatah'.
shreenaatha kamalapatraaksha govinda madhusoodana.
matputraphalasiddhyartham bhajaami tvaam janaardana.
stanyam pibantam jananeemukhaambujam vilokya mandasmitamujjvalaangam.
spri'shantamanyastanam-
anguleebhirvande yashodaankagatam mukundam.
yaache'ham putrasantaanam bhavantam padmalochana.
dehi me tanayam kri'shna tvaamaham sharanam gatah'.
asmaakam putrasampatteshchintayaami jagatpate.
sheeghram me dehi daatavyam bhavataa munivandita.
vaasudeva jagannaatha shreepate purushottama.
kuru maam putradattam cha kri'shna devendrapoojita.
kuru maam putradattam cha yashodaapriyanandana.
mahyam cha putrasantaanam daatavyam bhavataa hare.
vaasudeva jagannaatha govinda devakeesuta.
dehi me tanayam raama kaushalyaapriyanandana.
padmapatraaksha govinda vishno vaamana maadhava.
dehi me tanayam seetaapraananaayaka raaghava.
kanjaaksha kri'shna devendramand'ita munivandita.
lakshmanaagraja shreeraama dehi me tanayam sadaa.
dehi me tanayam raama dasharathapriyanandana.
seetaanaayaka kanjaaksha muchukundavaraprada.
vibheeshanasya yaa lankaa pradattaa bhavataa puraa.
asmaakam tatprakaarena tanayam dehi maadhava.
bhavadeeyapadaambhoje chintayaami nirantaram.
dehi me tanayam seetaapraanavallabha raaghava.
raama matkaamyavarada putrotpattiphalaprada.
dehi me tanayam shreesha kamalaasanavandita.
raama raaghava seetesha lakshmanaanuja dehi me.
bhaagyavatputrasantaanam dasharathapriyanandana.
dehi me tanayam raama kri'shna gopaala maadhava.
kri'shna maadhava govinda vaamanaachyuta shankara.
dehi me tanayam shreesha gopabaalaka naayaka.
gopabaala mahaadhanya govindaachyuta maadhava.
dehi me tanayam kri'shna vaasudeva jagatpate.
dishatu dishatu putram devakeenandano'yam
dishatu dishatu sheeghram bhaagyavatputralaabham.
dishatu dishatu sheeghram raaghavo raamachandro
dishatu dishatu putram vamshavistaarahetoh'.
deeyataam vaasudevena tanayo matpriyah' sutah'.
kumaaro nandanah' seetaanaayakena sadaa mama.
raama raaghava govinda devakeesuta maadhava.
dehi me tanayam shreesha gopabaalaka naayaka.
vamshavistaarakam putram dehi me madhusoodana.
sutam dehi sutam dehi tvaamaham sharanam gatah'.
mamaabheesht'asutam dehi kamsaare maadhavaachyuta.
sutam dehi sutam dehi tvaamaham sharanam gatah'.
chandraarkakalpaparyantam tanayam dehi maadhava.
sutam dehi sutam dehi tvaamaham sharanam gatah'.
vidyaavantam buddhimantam shreemantam tanayam sadaa.
dehi me tanayam kri'shna devakeenandana prabho.
namaami tvaam padmanetra sutalaabhaaya kaamadam.
mukundam pund'areekaaksham govindam madhusoodanam.
bhagavan kri'shna govinda sarvakaamaphalaprada.
dehi me tanayam svaamimstvaamaham sharanam gatah'.
svaamimstvam bhagavan raama kri'shna maadhava kaamada.
dehi me tanayam nityam tvaamaham sharanam gatah'.
tanayam dehi govinda kanjaaksha kamalaapate.
sutam dehi sutam dehi tvaamaham sharanam gatah'.
padmaapate padmanetra pradyumnajanaka prabho.
sutam dehi sutam dehi tvaamaham sharanam gatah'.
shankhachakragadaakhad'ga-
shaarngapaane ramaapate.
dehi me tanayam kri'shna tvaamaham sharanam gatah'.
naaraayana ramaanaatha raajeevapatralochana.
sutam me dehi devesha padmapadmaanuvandita.
raama raaghava govinda devakeevaranandana.
rukmineenaatha sarvesha naaradaadisuraarchita.
devakeesuta govinda vaasudeva jagatpate.
dehi me tanayam shreesha gopabaalaka naayaka.
munivandita govinda rukmineevallabha prabho.
dehi me tanayam kri'shna tvaamaham sharanam gatah'.
gopikaarjitapankejamaranda-
asaktamaanasa.
dehi me tanayam kri'shna tvaamaham sharanam gatah'.
ramaahri'dayapankejalola maadhava kaamada.
mamaabheesht'asutam dehi tvaamaham sharanam gatah'.
vaasudeva ramaanaatha daasaanaam mangalaprada.
dehi me tanayam kri'shna tvaamaham sharanam gatah'.
kalyaanaprada govinda muraare munivandita.
dehi me tanayam kri'shna tvaamaham sharanam gatah'.
putraprada mukundesha rukmineevallabha prabho.
dehi me tanayam kri'shna tvaamaham sharanam gatah'.
pund'areekaaksha govinda vaasudeva jagatpate.
dehi me tanayam kri'shna tvaamaham sharanam gatah'.
dayaanidhe vaasudeva mukunda munivandita.
dehi me tanayam kri'shna tvaamaham sharanam gatah'.
putrasampatpradaataaram govindam devapoojitam.
vandaamahe sadaa kri'shnam putralaabhapradaayinam.
kaarunyanidhaye gopeevallabhaaya muraaraye.
namaste putralaabhaaya dehi me tanayam vibho.
namastasmai rameshaaya rukmineevallabhaaya te.
dehi me tanayam shreesha gopabaalakanaayaka.
namaste vaasudevaaya nityashreekaamukaaya cha.
putradaaya cha sarpendrashaayine rangashaayine.
rangashaayin ramaanaatha mangalaprada maadhava.
dehi me tanayam shreesha gopabaalaka naayaka.
daasasya me sutam dehi deenamandaara raaghava.
sutam dehi sutam dehi putram dehi ramaapate.
yashodaatanayaabheesht'a-
putradaanaratah' sadaa.
dehi me tanayam kri'shna tvaamaham sharanam gatah'.
madisht'adeva govinda vaasudeva janaardana.
dehi me tanayam kri'shna tvaamaham sharanam gatah'.
neetimaan dhanavaan putro vidyaavaamshcha prajaapate.
bhagavamstvatkri'paayaashcha vaasudevendrapoojita.
yah' pat'het putrashatakam so'pi satputravaan bhavet.
shreevaasudevakathitam stotraratnam sukhaaya cha.
japakaale pat'hennityam putralaabham dhanam shriyam.
aishvaryam raajasammaanam sadyo yaati na samshayah'.

 

Ramaswamy Sastry and Vighnesh Ghanapaathi

Other stotras

Copyright © 2024 | Vedadhara | All Rights Reserved. | Designed & Developed by Claps and Whistles
| | | | |