Gopinayaka Ashtakam
सरोजनेत्राय कृपायुताय मन्दारमालापरिभूषिताय।
उदारहासाय ससन्मुखाय नमोऽस्तु गोपीजनवल्लभाय।
आनन्दनन्दादिकदायकाय बकीबकप्राणविनाशकाय।
मृगेन्द्रहस्ताग्रजभूषणाय नमोऽस्तु गोपीजनवल्लभाय।
गोपाललीलाकृतकौतुकाय गोपालकाजीवनजीवनाय।
भक्तैकगम्याय नवप्रियाय नमोऽस्तु गोपीजनवल्लभाय।
मन्थानभाण्डाखिलभञ्जनाय हैयङ्गवीनाशनरञ्जनाय।
गोस्वादुदुग्धामृतपोषिताय नमोऽस्तु गोपीजनवल्लभाय।
कलिन्दजाकूलकुतूहलाय किशोररूपाय मनोहराय।
पिशङ्गवस्त्राय नरोत्तमाय नमोऽस्तु गोपीजनवल्लभाय।
धराधराभाय धराधराय शृङ्गारहारावलिशोभिताय।
समस्तगर्गोक्तिसुलक्षणाय नमोऽस्तु गोपीजनवल्लभाय।
इभेन्द्रकुम्भस्थलखण्डनाय विदेशवृन्दावनमण्डनाय।
हंसाय कंसासुरमर्दनाय नमोऽस्तु गोपीजनवल्लभाय।
श्रीदेवकीसूनुविमोक्षणाय क्षत्तोद्धवाक्रूरवरप्रदाय।
गदारिशङ्खाब्जचतुर्भुजाय नमोऽस्तु गोपीजनवल्लभाय।
sarojanetraaya kri'paayutaaya mandaaramaalaaparibhooshitaaya.
udaarahaasaaya sasanmukhaaya namo'stu gopeejanavallabhaaya.
aanandanandaadikadaayakaaya bakeebakapraanavinaashakaaya.
mri'gendrahastaagrajabhooshanaaya namo'stu gopeejanavallabhaaya.
gopaalaleelaakri'takautukaaya gopaalakaajeevanajeevanaaya.
bhaktaikagamyaaya navapriyaaya namo'stu gopeejanavallabhaaya.
manthaanabhaand'aakhilabhanjanaaya haiyangaveenaashanaranjanaaya.
gosvaadudugdhaamri'taposhitaaya namo'stu gopeejanavallabhaaya.
kalindajaakoolakutoohalaaya kishoraroopaaya manoharaaya.
pishangavastraaya narottamaaya namo'stu gopeejanavallabhaaya.
dharaadharaabhaaya dharaadharaaya shri'ngaarahaaraavalishobhitaaya.
samastagargoktisulakshanaaya namo'stu gopeejanavallabhaaya.
ibhendrakumbhasthalakhand'anaaya videshavri'ndaavanamand'anaaya.
hamsaaya kamsaasuramardanaaya namo'stu gopeejanavallabhaaya.
shreedevakeesoonuvimokshanaaya kshattoddhavaakrooravarapradaaya.
gadaarishankhaabjachaturbhujaaya namo'stu gopeejanavallabhaaya.
