ఐశ్వర్యమప్రతిమమత్రభవాన్కుమారః
సర్వత్ర చావహతు నః కరుణాపణః సః .
యేనాత్మవల్లషితభాగ్యపరార్ధ్యభూమిః
స్వారాజ్యసంపదపి శశ్వదహో సనాథా ..
శ్రీస్కందకల్పవిటపీ కురుతాత్స బాహ్య-
మాభ్యంతరం చ విభవం యుగపత్సదా నః .
దృగ్వ్యాపృతిప్రతిమితిం భ్రమరావలీం యో
నిత్యం బిభర్తి కరుణామకరందపుష్టాం ..
భద్రం కృషీష్ట నితరామిహ సైద్ధసేనీ
సానుగ్రహప్రకృతినేత్రపరంపరా నః .
మోహాంధకూపపతితేఽవ్యభిచారతో ద్రాగ్
యా దోరకీ భవతి తత్పదబద్ధచిత్తే ..
విద్యా చతుర్దశతయీ శరజన్మనామ్ని
యస్మిన్ను పర్యవసితాఽవ్యవధానతో నః .
పుష్ణాతు సైష సకలాసు కలాసు దాక్ష్యం
చింతామణిప్రతిభటీ భవదంఘ్రిరేణుః ..
షాణ్మాతురస్మితవలచ్ఛరదాగమో మే
ప్రజ్ఞాసరోవరమలం విమలం దధాతు .
యేనాత్ర సచ్చితియుసుఖైకరసాత్మచంద్రం
సాక్షాత్కరోత్వనిదమాత్మతయాఽయమేవ ..
దద్యుః శ్రియస్త్రిభువనాద్భుతబస్తువార్ద్ధి-
మంథాద్రివిభ్రమపటూని గుహేక్షణాని .
స్తన్యావసానసమయే నిజమాతృవక్త్ర-
పద్మే భ్రమద్భ్రమరికాలఘుమంథరాణి ..
నైసర్గికీ యదాపి భిన్నపుమాశ్రయాత్వం
వాచః శ్రియస్తదపి యత్కరుణాకటాక్షః .
సూతేఽన్వహం నిజజనేషు రవిప్రభేవ
శ్లిష్టే నుమః పరమకారుణికం గుహం తం ..
ప్రత్యక్తయా శ్రుతిపురాణవచోనిగుంఫ-
స్తాత్పర్యవాన్భవతి వర్ణయితుం యమర్థం .
శ్రేయాంసి నైకవిధయా ప్రకటం విదధ్యా-
త్సైషోఽగ్నిభూరిహ పరార్థసముద్యమేషు ..
నైయత్యతో హృది పదం స తనోతు బాల-
చర్యః స్తిథిం య ఇహ సాక్షితయాపి ధత్తే .
ఏవం చ బుద్ధ్యరణితత్పదచిత్రగూత్థా
సంవిత్తిదీపకలికాఖిలదీపికా స్యాత్ ..
యమిన్మనాగపి మనః ప్రణిధాయ కాయ-
వ్యూహాదిసర్వవిభవం ప్రతిపద్యతే నా .
యోగేశ్వరేశ్వరమితః కృకవాకుకేతుం
భత్త్యా వ్రజామి శరణం కరణణైస్త్రిభిస్తం ..
శబ్దానుశాసననయపతినోఽత్ర వర్ణ
వ్యంగ్యస్తతో భవతి యోఽర్థ ఇవాతిరిక్తః .
స్ఫోటః స ఏష ఇతి యం కథయంతి నిత్యం
కుర్మస్తమేయ ఇది షణ్ముఖనామధేయం ..
మార్గాంతరోక్తవిధయా పరమాణువర్గే-
ష్వాద్యం సమున్మిషతి జంతుకృతేన కర్మ .
యస్యాత్మసంవిదుదయస్య విభోః సిసృక్షా-
వేలాసు నౌమి పరకారుణికం గుహం తం ..
యద్యయన్న పూరయతి తే చరణానుషంగ-
స్తత్తద్ధ్యనుద్భవపరాహతమేవ విద్మః .
వస్త్వీప్సితం క్వచిదపీశతనూజ తస్మా-
న్నేత్రామృతప్రభ దృశోర్విషయస్త్వమేధి ..
వాచస్పతిప్రముఖవాగపి యత్ర కుంఠీ-
భావం ప్రయాతి తమితి ప్రణువన్న లజ్జే .
త్వద్భక్తిభారముఖరీకరణాన్మృషిత్వా
స్వామిన్విధేహి తదపీహ కృపార్ద్రదృష్టిం ..
కాలత్రయేఽపి కరణత్రయసంపదే నః
సర్వోత్తమత్వత ఇహాభిమతం తవాపి .
యద్యద్ధి తత్తదఖిలం కరుణాంబువారి-
వాహాశు మే వితర హే భగవన్నమస్తే ..
శ్రీబాహులేయస్తవముత్తమం యః
పఠేత్ప్రభాతే ప్రయతః స ధీమాన్ .
వాగర్థవిజ్ఞానఘనాఢ్యతామే-
త్యంతే విశోకం పదమభ్యుపేయాత్ ..
సుబ్రహ్మణ్య ధ్యాన స్తోత్రం
షడాననం కుంకుమరక్తవర్ణం మహామతిం దివ్యమయూరవాహనం. రుద్రస....
Click here to know more..వసుధైవ కుటుంబకం గీతము
యేషామతిశర్మదా సర్వాన్ ప్రతి సర్వదా గర్వాద్యతిదూరగా భా....
Click here to know more..శ్రీనివాసా గోవిందా
శ్రీ శ్రీనివాసా గోవిందా || శ్రీ వేంకటేశా గోవిందా గోవింద....
Click here to know more..