శరవనభవ స్తోత్రం
శక్తిస్వరూపాయ శరోద్భవాయ శక్రార్చితాయాథ శచీస్తుతాయ.
శమాయ శంభుప్రణవార్థదాయ శకారరూపాయ నమో గుహాయ.
రణన్మణిప్రోజ్జ్వల- మేఖలాయ రమాసనాథప్రణవార్థదాయ.
రతీశపూజ్యాయ రవిప్రభాయ రకారరూపాయ నమో గుహాయ.
వరాయ వర్ణాశ్రమరక్షకాయ వరత్రిశూలాభయ- మండితాయ.
వలారికన్యా- సుకృతాలయాయ వకారరూపాయ నమో గుహాయ.
నగేంద్రకన్యేశ్వర- తత్త్వదాయ నగాధిరూఢాయ నగార్చితాయ.
నగాసురఘ్నాయ నగాలయాయ నకారరూపాయ నమో గుహాయ.
భవాయ భర్గాయ భవాత్మజాయ భస్మాయమానాద్భుత- విగ్రహాయ.
భక్తేష్టకామ- ప్రదకల్పకాయ భకారరూపాయ నమో గుహాయ.
వల్లీవలారాతి- సుతార్చితాయ వరాంగరాగాంచిత- విగ్రహాయ.
వల్లీకరాంభోరుహ- మర్దితాయ వకారరూపాయ నమో గుహాయ.
Recommended for you
హనుమత్ స్తవం
కందర్పకోటిలావణ్యం సర్వవిద్యావిశారదం. ఉద్యదాదిత్యసంకా....
Click here to know more..కృష్ణ ఆశ్రయ స్తోత్రం
సర్వమార్గేషు నష్టేషు కలౌ చ ఖలధర్మిణి. పాషండప్రచురే లోక....
Click here to know more..హస్తా నక్షత్రం
హస్తా నక్షత్రం - లక్షణాలు, ఆరోగ్య సమస్యలు, వృత్తి, అదృష్ట ....
Click here to know more..
