Mooshaka Vahana Stuti
देवर्षय ऊचुः ।
नमस्ते स्तेयरूपाय सर्वहृत्स्थाय धीमते ।
अन्तर्भोगकरायैव मूषकाय नमो नमः ॥
मायया स्तेयरूपिण्या मोहयित्वा चराचरम् ।
चौरवद्भोगकर्ता त्वं चौररूपाय ते नमः ॥
चराचरमयायैव चराचरधराय ते ।
सर्वाधीशाय लोकाय कालकालाय ते नमः ॥
अनादये महेशाय चतुर्वर्गप्रदायिने ।
गणेशवाहनायैव गणेशध्वजसंस्थित ॥
सर्वत्रग गणाधीशस्त्वया हृत्स्थ न संशयः ।
चालकात्मकवीर्यं यद्गणेशस्य त्वमञ्जसा ॥
ब्रह्माकारशरीराय स्तेयानां स्वस्वरूपिणे ।
नमो नमः परेशाय चतुर्मयस्वरूपिणे ॥
चतुर्णां गणपः पाता त्वया तद्रूपधारिणा ।
भव वाहनमुख्यं वै गणेशस्याऽधुना प्रभो ॥
इति स्तुतः प्रसन्नात्मा मूषकस्तानुवाच ह ।
भविष्यामि महाभागा वाहनं गणपस्य च ॥
एवमुक्त्वा गणेशानं प्रभुं तुष्टाव लब्धधीः ।
मूषको दर्शनेनैव हर्षयुक्तो महाद्युतिः ॥
मूषक उवाच ।
देवाय योगरूपाय नमो मूषकगाय ते ।
गणेशाय परेशाय परात्परतराय ते ॥
अनन्ताय महेशाय महेशैः संस्तुताय च ।
विघ्नेशाय महाविघ्नधारिणे ते नमो नमः ॥
अनन्तसूनवे तुभ्यं दैत्यदानवमर्दिने ।
देवानां पालकायैव हेरम्बाय नमो नमः ॥
स्वानन्दवासिने तुभ्यं भक्तस्वानन्ददायिने ।
ब्रह्मणे ब्रह्मणां चैव पतये ते नमो नमः ॥
चतुर्णां चालकायैव चतुःसंयोगमूर्तये ।
चतुर्णां पददात्रे ते तैर्हीनाय नमो नमः ॥
योगेशयोगरूपाय योगिभ्यो योगदायिने ।
शान्तिरूपाय वै तुभ्यं शान्तिदाय नमो नमः ॥
मूषकवाहनायैव मूषकध्वजिने नमः ।
सिद्धिबुद्धिपते नाथ भक्तेशाय नमो नमः ॥
वेदवाक्यप्रमाणेन मां कुरुष्व गजानन ।
वाहनं भक्तिसंयुक्तं सेवायै ते नमो नमः ॥
इदं मूषकगो नाम मदीयं तु त्वया धृतम् ।
अतोऽभेदमयीं भक्तिं देहि नाथ नमो नमः ॥
मदीयनाथरूपेण नाम ते चाऽभवत् प्रभो ।
ततो मूषकगो भक्तं मां कुरुष्व महाद्भुतम् ॥
एवं स्तुत्वा गणाधीशं प्रणनाम स दण्डवत् ।
भक्तिसंयुतमुत्थाप्य गणाधीशो जगाद तम् ॥
मूषकग उवाच ।
वाहनं मे सदा साधो भविष्यसि महामते ।
मदीया भक्तिरत्यन्तं सुदृढा ते भविष्यति ॥
त्वया कृतमिदं स्तोत्रं मदीयं भक्तिदं भवेत् ।
धर्मार्थकाममोक्षाणां दायकं सर्वदं परम् ॥
पठते शृण्वते चैतत् पुत्रपौत्रादिकप्रदम् ।
यद्यदिच्छति तत्तद्वै सफलं प्रभविष्यति ॥
अन्यत्त्वं शृणु मे वाक्यं देवैर्विप्रैः कृतं महत् ।
स्तवनं सर्वमान्यं ते भविष्यति न संशयः ॥
यस्त्वां स्तोष्यति चौरेशस्तोत्रेणानेन मानवः ।
स सर्वं लभते नित्यमीप्सितं नाऽत्र संशयः ॥
अन्ते स्वानन्दगो भूत्वा ब्रह्मभूतो भविष्यति ।
मदीयकृपया सोऽपि त्वत्समो मे प्रियो भवेत् ॥
devarshaya oochuh' .
namaste steyaroopaaya sarvahri'tsthaaya dheemate .
antarbhogakaraayaiva mooshakaaya namo namah' ..
maayayaa steyaroopinyaa mohayitvaa charaacharam .
chauravadbhogakartaa tvam' chauraroopaaya te namah' ..
charaacharamayaayaiva charaacharadharaaya te .
sarvaadheeshaaya lokaaya kaalakaalaaya te namah' ..
anaadaye maheshaaya chaturvargapradaayine .
ganeshavaahanaayaiva ganeshadhvajasam'sthita ..
sarvatraga ganaadheeshastvayaa hri'tstha na sam'shayah' .
chaalakaatmakaveeryam' yadganeshasya tvamanjasaa ..
brahmaakaarashareeraaya steyaanaam' svasvaroopine .
namo namah' pareshaaya chaturmayasvaroopine ..
chaturnaam' ganapah' paataa tvayaa tadroopadhaarinaa .
bhava vaahanamukhyam' vai ganeshasyaa'dhunaa prabho ..
iti stutah' prasannaatmaa mooshakastaanuvaacha ha .
bhavishyaami mahaabhaagaa vaahanam' ganapasya cha ..
evamuktvaa ganeshaanam' prabhum' tusht'aava labdhadheeh' .
mooshako darshanenaiva harshayukto mahaadyutih' ..
mooshaka uvaacha .
devaaya yogaroopaaya namo mooshakagaaya te .
ganeshaaya pareshaaya paraatparataraaya te ..
anantaaya maheshaaya maheshaih' sam'stutaaya cha .
vighneshaaya mahaavighnadhaarine te namo namah' ..
anantasoonave tubhyam' daityadaanavamardine .
devaanaam' paalakaayaiva herambaaya namo namah' ..
svaanandavaasine tubhyam' bhaktasvaanandadaayine .
brahmane brahmanaam' chaiva pataye te namo namah' ..
chaturnaam' chaalakaayaiva chatuh'sam'yogamoortaye .
chaturnaam' padadaatre te tairheenaaya namo namah' ..
yogeshayogaroopaaya yogibhyo yogadaayine .
shaantiroopaaya vai tubhyam' shaantidaaya namo namah' ..
mooshakavaahanaayaiva mooshakadhvajine namah' .
siddhibuddhipate naatha bhakteshaaya namo namah' ..
vedavaakyapramaanena maam' kurushva gajaanana .
vaahanam' bhaktisam'yuktam' sevaayai te namo namah' ..
idam' mooshakago naama madeeyam' tu tvayaa dhri'tam .
ato'bhedamayeem' bhaktim' dehi naatha namo namah' ..
madeeyanaatharoopena naama te chaa'bhavat prabho .
tato mooshakago bhaktam' maam' kurushva mahaadbhutam ..
evam' stutvaa ganaadheesham' prananaama sa dand'avat .
bhaktisam'yutamutthaapya ganaadheesho jagaada tam ..
mooshakaga uvaacha .
vaahanam' me sadaa saadho bhavishyasi mahaamate .
madeeyaa bhaktiratyantam' sudri'd'haa te bhavishyati ..
tvayaa kri'tamidam' stotram' madeeyam' bhaktidam' bhavet .
dharmaarthakaamamokshaanaam' daayakam' sarvadam' param ..
pat'hate shri'nvate chaitat putrapautraadikapradam .
yadyadichchhati tattadvai saphalam' prabhavishyati ..
anyattvam' shri'nu me vaakyam' devairvipraih' kri'tam' mahat .
stavanam' sarvamaanyam' te bhavishyati na sam'shayah' ..
yastvaam' stoshyati chaureshastotrenaanena maanavah' .
sa sarvam' labhate nityameepsitam' naa'tra sam'shayah' ..
ante svaanandago bhootvaa brahmabhooto bhavishyati .
madeeyakri'payaa so'pi tvatsamo me priyo bhavet ..
Other stotras
