Gananayaka Ashtakam

एकदन्तं महाकायं तप्तकाञ्चनसन्निभम्|
लम्बोदरं विशालाक्षं वन्देऽहं गणनायकम्|
मौञ्जीकृष्णाजिनधरं नागयज्ञोपवीतिनम्|
बालेन्दुसुकलामौलिं वन्देऽहं गणनायकम्|
अम्बिकाहृदयानन्दं मातृभिः परिवेष्टितम्|
भक्तिप्रियं मदोन्मत्तं वन्देऽहं गणनायकम्|
चित्ररत्नविचित्राङ्गं चित्रमालाविभूषितम्|
चित्ररूपधरं देवं वन्देऽहं गणनायकम्|
गजवक्त्रं सुरश्रेष्ठं कर्णचामरभूषितम्|
पाशाङ्कुशधरं देवं वन्देऽहं गणनायकम्|
मूषकोत्तममारुह्य देवासुरमहाहवे|
योद्धुकामं महावीर्यं वन्देऽहं गणनायकम्|
यक्षकिन्नरगन्धर्वसिद्धविद्याधरैः सदा|
स्तूयमानं महात्मानं वन्देऽहं गणनायकम्|
सर्वविघ्नहरं देवं सर्वविघ्नविवर्जितम्|
सर्वसिद्धिप्रदातारं वन्देऽहं गणनायकम्|
गणाष्टकमिदं पुण्यं यः पठेत् सततं नरः|
सिद्ध्यन्ति सर्वकार्याणि विद्यावान् धनवान् भवेत्|

ekadantam mahaakaayam taptakaanchanasannibham|
lambodaram vishaalaaksham vande'ham gananaayakam|
maunjeekri'shnaajinadharam naagayajnyopaveetinam|
baalendusukalaamaulim vande'ham gananaayakam|
ambikaahri'dayaanandam maatri'bhih' parivesht'itam|
bhaktipriyam madonmattam vande'ham gananaayakam|
chitraratnavichitraangam chitramaalaavibhooshitam|
chitraroopadharam devam vande'ham gananaayakam|
gajavaktram surashresht'ham karnachaamarabhooshitam|
paashaankushadharam devam vande'ham gananaayakam|
mooshakottamamaaruhya devaasuramahaahave|
yoddhukaamam mahaaveeryam vande'ham gananaayakam|
yakshakinnaragandharva-
siddhavidyaadharaih' sadaa|
stooyamaanam mahaatmaanam vande'ham gananaayakam|
sarvavighnaharam devam sarvavighnavivarjitam|
sarvasiddhipradaataaram vande'ham gananaayakam|
ganaasht'akamidam punyam yah' pat'het satatam narah'|
siddhyanti sarvakaaryaani vidyaavaan dhanavaan bhavet|

Ramaswamy Sastry and Vighnesh Ghanapaathi

Other stotras