श्रियमनपायिनीं प्रदिशतु श्रितकल्पतरुः
शिवतनयः शिरोविधृतशीतमयूखशिशुः।
अविरतकर्णतालजमरुद्गमनागमनै-
रनभिमतं धुनोति च मुदं वितनोति च यः।
सकलसुरासुरादिशरणीकरणीयपदः
करटिमुखः करोतु करुणाजलधिः कुशलम्।
प्रबलतरान्तरायतिमिरौघनिराकरण-
प्रसृमरचन्द्रिकायितनिरन्तरदन्तरुचिः।
द्विरदमुखो धुनोतु दुरितानि दुरन्तमद-
त्रिदशविरोधियूथकुमुदाकरतिग्मकरः।
नतशतकोटिपाणिमकुटीतटवज्रमणि-
प्रचुरमरीचिवीचिगुणिताङ्ग्रिनखांशुचयः।
कलुषमपाकरोतु कृपया कलभेन्द्रमुखः
कुलगिरिनन्दिनीकुतुकदोहनसंहननः।
तुलितसुधाझरस्वकरशीकरशीतलता-
शमितनताशयज्वलदशर्मकृशानुशिखः।
गजवदनो धिनोतु धियमाधिपयोधिवल-
त्सुजनमनःप्लवायितपदाम्बुरुहोऽविरतम्।
करटकटाहनिर्गलदनर्गलदानझरी-
परिमललोलुपभ्रमददभ्रमदभ्रमरः।
दिशतु शतक्रतुप्रभृतिनिर्जरतर्जनकृ-
द्दितिजचमूचमूरुमृगराडिभराजमुखः।
प्रमदमदक्षिणाङ्घ्रिविनिवेशितजीवसमा-
घनकुचकुम्भगाढपरिरम्भणकण्टकितः।
अतुलबलोऽतिवेलमघवन्मतिदर्पहरः
स्फुरदहितापकारिमहिमा वपुषीढविधुः।
हरतु विनायकः स विनताशयकौतुकदः
कुटिलतरद्विजिह्वकुलकल्पितखेदभरम्।
निजरदशूलपाशनवशालिशिरोरिगदा-
कुवलयमातुलुङ्गकमलेक्षुशरासकरः।
दधदथ शुण्डया मणिघटं दयितासहितो
वितरतु वाञ्छितं झटिति शक्तिगणाधिपतिः।
पठतु गणाधिपाष्टकमिदं सुजनोऽनुदिनं
कठिनशुचाकुठावलिकठोरकुठारवरम्।
विमतपराभवोद्भटनिदाघनवीनघनं
विमलवचोविलासकमलाकरबालरविम्।
shriyamanapaayineem pradishatu shritakalpataruh'
shivatanayah' shirovidhri'tasheetamayookhashishuh'.
aviratakarnataalajamarudgamanaagamanai-
ranabhimatam dhunoti cha mudam vitanoti cha yah'.
sakalasuraasuraadisharaneekaraneeyapadah'
karat'imukhah' karotu karunaajaladhih' kushalam.
prabalataraantaraayatimiraughaniraakarana-
prasri'marachandrikaayitanirantaradantaruchih'.
dviradamukho dhunotu duritaani durantamada-
tridashavirodhiyoothakumudaakaratigmakarah'.
natashatakot'ipaanimakut'eetat'avajramani-
prachuramareechiveechigunitaangrinakhaamshuchayah'.
kalushamapaakarotu kri'payaa kalabhendramukhah'
kulagirinandineekutukadohanasamhananah'.
tulitasudhaajharasvakarasheekarasheetalataa-
shamitanataashayajvaladasharmakri'shaanushikhah'.
gajavadano dhinotu dhiyamaadhipayodhivala-
tsujanamanah'plavaayitapadaamburuho'viratam.
karat'akat'aahanirgaladanargaladaanajharee-
parimalalolupabhramadadabhramadabhramarah'.
dishatu shatakratuprabhri'tinirjaratarjanakri'-
dditijachamoochamoorumri'garaad'ibharaajamukhah'.
pramadamadakshinaanghriviniveshitajeevasamaa-
ghanakuchakumbhagaad'haparirambhanakant'akitah'.
atulabalo'tivelamaghavanmatidarpaharah'
sphuradahitaapakaarimahimaa vapusheed'havidhuh'.
haratu vinaayakah' sa vinataashayakautukadah'
kut'ilataradvijihvakulakalpitakhedabharam.
nijaradashoolapaashanavashaalishirorigadaa-
kuvalayamaatulungakamalekshusharaasakarah'.
dadhadatha shund'ayaa manighat'am dayitaasahito
vitaratu vaanchhitam jhat'iti shaktiganaadhipatih'.
pat'hatu ganaadhipaasht'akamidam sujano'nudinam
kat'hinashuchaakut'haavalikat'horakut'haaravaram.
vimataparaabhavodbhat'anidaaghanaveenaghanam
vimalavachovilaasakamalaakarabaalaravim.
Maha Bhairava Ashtakam
यं यं यं यक्षरूपं दिशि दिशि विदितं भूमिकम्पायमानं सं सं ....
Click here to know more..Ardhanareeshwara Namaskara Stotram
shreekant'ham paramodaaram sadaaraadhyaam himaadrijaam| namasyaamyardhanaareesham paarvateemambikaam tathaa| shoolinam bhairavam rudram shoolineem var....
Click here to know more..Vishakha Nakshatra Features
Everything you wanted to know about Vishakha Nakshatra - Characteristics, career, health issues, marriage life........
Click here to know more..