Gananayaka Panchaka Stotram

परिधीकृतपूर्ण- जगत्त्रितय-
प्रभवामलपद्मदिनेश युगे।
श्रुतिसागर- तत्त्वविशालनिधे
गणनायक भोः परिपालय माम्।
स्मरदर्पविनाशित- पादनखा-
ग्र समग्रभवाम्बुधि- पालक हे।
सकलागममग्न- बृहज्जलधे
गणनायक भोः परिपालय माम्।
रुचिरादिममाक्षिक- शोभित सु-
प्रियमोदकहस्त शरण्यगते।
जगदेकसुपार- विधानविधे
गणनायक भोः परिपालय माम्।
सुरसागरतीरग- पङ्कभव-
स्थितनन्दन- संस्तुतलोकपते।
कृपणैकदया- परभागवते
गणनायक भोः परिपालय माम्।
सुरचित्तमनोहर- शुभ्रमुख-
प्रखरोर्जित- सुस्मितदेवसखे।
गजमुख्य गजासुरमर्दक हे
गणनायक भोः परिपालय माम्।

paridheekri'tapoorna- jagattritaya-
prabhavaamalapadmadinesha yuge.
shrutisaagara- tattvavishaalanidhe
gananaayaka bhoh' paripaalaya maam.
smaradarpavinaashita- paadanakhaa-
gra samagrabhavaambudhi- paalaka he.
sakalaagamamagna- bri'hajjaladhe
gananaayaka bhoh' paripaalaya maam.
ruchiraadimamaakshika- shobhita su-
priyamodakahasta sharanyagate.
jagadekasupaara- vidhaanavidhe
gananaayaka bhoh' paripaalaya maam.
surasaagarateeraga- pankabhava-
sthitanandana- samstutalokapate.
kri'panaikadayaa- parabhaagavate
gananaayaka bhoh' paripaalaya maam.
surachittamanohara- shubhramukha-
prakharorjita- susmitadevasakhe.
gajamukhya gajaasuramardaka he
gananaayaka bhoh' paripaalaya maam.

 

Ramaswamy Sastry and Vighnesh Ghanapaathi

26.4K
1.1K

Comments

7nr2n

Other stotras

Copyright © 2024 | Vedadhara | All Rights Reserved. | Designed & Developed by Claps and Whistles
| | | | |