विचक्षणमपि द्विषां भयकरं विभुं शङ्करं
विनीतमजमव्ययं विधिमधीतशास्त्राशयम्।
विभावसुमकिङ्करं जगदधीशमाशाम्बरं
गणप्रमुखमर्चये गजमुखं जगन्नायकम्।
अनुत्तममनामयं प्रथितसर्वदेवाश्रयं
विविक्तमजमक्षरं कलिनिबर्हणं कीर्तिदम्।
विराट्पुरुषमक्षयं गुणनिधिं मृडानीसुतं
गणप्रमुखमर्चये गजमुखं जगन्नायकम्।
अलौकिकवरप्रदं परकृपं जनैः सेवितं
हिमाद्रितनयापतिप्रियसुरोत्तमं पावनम्।
सदैव सुखवर्धकं सकलदुःखसन्तारकं
गणप्रमुखमर्चये गजमुखं जगन्नायकम्।
कलानिधिमनत्ययं मुनिगतायनं सत्तमं
शिवं श्रुतिरसं सदा श्रवणकीर्तनात्सौख्यदम्।
सनातनमजल्पनं सितसुधांशुभालं भृशं
गणप्रमुखमर्चये गजमुखं जगन्नायकम्।
गणाधिपतिसंस्तुतिं निरपरां पठेद्यः पुमान्-
अनारतमुदाकरं गजमुखं सदा संस्मरन्।
लभेत सततं कृपां मतिमपारसनतारिणीं
जनो हि नियतं मनोगतिमसाध्यसंसाधिनीम्।
vichakshanamapi dvishaam bhayakaram vibhum shankaram
vineetamajamavyayam vidhimadheetashaastraashayam.
vibhaavasumakinkaram jagadadheeshamaashaambaram
ganapramukhamarchaye gajamukham jagannaayakam.
anuttamamanaamayam prathitasarvadevaashrayam
viviktamajamaksharam kalinibarhanam keertidam.
viraat'purushamakshayam gunanidhim mri'd'aaneesutam
ganapramukhamarchaye gajamukham jagannaayakam.
alaukikavarapradam parakri'pam janaih' sevitam
himaadritanayaapatipriyasurottamam paavanam.
sadaiva sukhavardhakam sakaladuh'khasantaarakam
ganapramukhamarchaye gajamukham jagannaayakam.
kalaanidhimanatyayam munigataayanam sattamam
shivam shrutirasam sadaa shravanakeertanaatsaukhyadam.
sanaatanamajalpanam sitasudhaamshubhaalam bhri'sham
ganapramukhamarchaye gajamukham jagannaayakam.
ganaadhipatisamstutim niraparaam pat'hedyah' pumaan-
anaaratamudaakaram gajamukham sadaa samsmaran.
labheta satatam kri'paam matimapaarasanataarineem
jano hi niyatam manogatimasaadhyasamsaadhineem.
Bhadrakali Stuti
कालि कालि महाकालि भद्रकालि नमोऽस्तु ते। कुलं च कुलधर्मं ....
Click here to know more..Durga Ashtottara Shatanamavali
om jalodaryai namah'. om shivadootyai namah'. om karaalyai namah'. om anantaayai namah'. om parameshvaryai namah'. om kaatyaayanyai namah'. om saavitr....
Click here to know more..Music For Relaxation
Music For Relaxation....
Click here to know more..