ಗುಹ ಅಷ್ಟಕ ಸ್ತೋತ್ರ
ಶಾಂತಂ ಶಂಭುತನೂಜಂ ಸತ್ಯಮನಾಧಾರಂ ಜಗದಾಧಾರಂ
ಜ್ಞಾತೃಜ್ಞಾನನಿರಂತರ- ಲೋಕಗುಣಾತೀತಂ ಗುರುಣಾತೀತಂ.
ವಲ್ಲೀವತ್ಸಲ- ಭೃಂಗಾರಣ್ಯಕ- ತಾರುಣ್ಯಂ ವರಕಾರುಣ್ಯಂ
ಸೇನಾಸಾರಮುದಾರಂ ಪ್ರಣಮತ ದೇವೇಶಂ ಗುಹಮಾವೇಶಂ.
ವಿಷ್ಣುಬ್ರಹ್ಮಸಮರ್ಚ್ಯಂ ಭಕ್ತಜನಾದಿತ್ಯಂ ವರುಣಾತಿಥ್ಯಂ
ಭಾವಾಭಾವಜಗತ್ತ್ರಯ- ರೂಪಮಥಾರೂಪಂ ಜಿತಸಾರೂಪಂ.
ನಾನಾಭುವನಸಮಾಧೇಯಂ ವಿನುತಾಧೇಯಂ ವರರಾಧೇಯಂ
ಕೇಯುರಾಂಗನಿಷಂಗಂ ಪ್ರಣಮತ ದೇವೇಶಂ ಗುಹಮಾವೇಶಂ.
ಸ್ಕಂದಂ ಕುಂಕುಮವರ್ಣಂ ಸ್ಪಂದಮುದಾನಂದಂ ಪರಮಾನಂದಂ
ಜ್ಯೋತಿಃಸ್ತೋಮನಿರಂತರ- ರಮ್ಯಮಹಃಸಾಮ್ಯಂ ಮನಸಾಯಾಮ್ಯಂ.
ಮಾಯಾಶೃಂಖಲ- ಬಂಧವಿಹೀನಮನಾದೀನಂ ಪರಮಾದೀನಂ
ಶೋಕಾಪೇತಮುದಾತ್ತಂ ಪ್ರಣಮತ ದೇವೇಶಂ ಗುಹಮಾವೇಶಂ.
ವ್ಯಾಲವ್ಯಾವೃತಭೂಷಂ ಭಸ್ಮಸಮಾಲೇಪಂ ಭುವನಾಲೇಪಂ
ಜ್ಯೋತಿಶ್ಚಕ್ರಸಮರ್ಪಿತ- ಕಾಯಮನಾಕಾಯ- ವ್ಯಯಮಾಕಾಯಂ.
ಭಕ್ತತ್ರಾಣನಶಕ್ತ್ಯಾ ಯುಕ್ತಮನುದ್ಯುಕ್ತಂ ಪ್ರಣಯಾಸಕ್ತಂ
ಸುಬ್ರಹ್ಮಣ್ಯಮರಣ್ಯಂ ಪ್ರಣಮತ ದೇವೇಶಂ ಗುಹಮಾವೇಶಂ.
ಶ್ರೀಮತ್ಸುಂದರಕಾಯಂ ಶಿಷ್ಟಜನಾಸೇವ್ಯಂ ಸುಜಟಾಸೇವ್ಯಂ
ಸೇವಾತುಷ್ಟಸಮರ್ಪಿತ- ಸೂತ್ರಮಹಾಸತ್ರಂ ನಿಜಷಡ್ವಕ್ತ್ರಂ .
ಪ್ರತ್ಯರ್ತ್ಥ್ಯಾನತಪಾದ- ಸರೋರುಹಮಾವಾಹಂ ಭವಭೀದಾಹಂ
ನಾನಾಯೋನಿಮಯೋನಿಂ ಪ್ರಣಮತ ದೇವೇಶಂ ಗುಹಮಾವೇಶಂ.
ಮಾನ್ಯಂ ಮುನಿಭಿರಮಾನ್ಯಂ ಮಂಜುಜಟಾಸರ್ಪಂ ಜಿತಕಂದರ್ಪಂ
ಆಕಲ್ಪಾಮೃತತರಲ- ತರಂಗಮನಾಸಂಗಂ ಸಕಲಾಸಂಗಂ.
ಭಾಸಾ ಹ್ಯಧರಿತಭಾಸ್ವಂತಂ ಭವಿಕಸ್ವಾಂತಂ ಜಿತಭೀಸ್ವಾಂತಂ
ಕಾಮಂ ಕಾಮನಿಕಾಮಂ ಪ್ರಣಮತ ದೇವೇಶಂ ಗುಹಮಾವೇಶಂ.
ಶಿಷ್ಟಂ ಶಿವಜನತುಷ್ಟಂ ಬುಧಹೃದಯಾಕೃಷ್ಟಂ ಹೃತಪಾಪಿಷ್ಠಂ
ನಾದಾಂತದ್ಯುತಿಮೇಕ- ಮನೇಕಮನಾಸಂಗಂ ಸಕಲಾಸಂಗಂ.
ದಾನವಿನಿರ್ಜಿತ- ನಿರ್ಜರದಾರುಮಹಾಭೀರುಂ ತಿಮಿರಾಭೀರುಂ
ಕಾಲಾಕಾಲಮಕಾಲಂ ಪ್ರಣಮತ ದೇವೇಶಂ ಗುಹಮಾವೇಶಂ.
ನಿತ್ಯಂ ನಿಯಮಿಹೃದಿಸ್ಥಂ ಸತ್ಯಮನಾಗಾರಂ ಭುವನಾಗಾರಂ
ಬಂಧೂಕಾರುಣಲಲಿತ- ಶರೀರಮುರೋಹಾರಂ ಮಹಿಮಾಹಾರಂ.
ಕೌಮಾರೀಕರಪೀಡಿತ- ಪಾದಪಯೋಜಾತಂ ದಿವಿ ಭೂಜಾತಂ
ಕಂಠೇಕಾಲಮಕಾಲಂ ಪ್ರಣಮತ ದೇವೇಶಂ ಗುಹಮಾವೇಶಂ.
Recommended for you
ಭೋ ಶಂಭೋ
ಭೋ ಶಂಭೋ ಶಿವ ಶಂಭೋ ಸ್ವಯಂಭೋ ಗಂಗಾಧರ ಶಂಕರ ಕರುಣಾಕರ ಮಾಮವ ಭವಸಾಗ....
Click here to know more..ಲಕ್ಷ್ಮೀ ಅಷ್ಟಕ ಸ್ತೋತ್ರ
ಯಸ್ಯಾಃ ಕಟಾಕ್ಷಮಾತ್ರೇಣ ಬ್ರಹ್ಮರುದ್ರೇಂದ್ರಪೂರ್ವಕಾಃ. ಸುರಾಃ ....
Click here to know more..ಶಾಂತಿ ಮತ್ತು ಯೋಗಕ್ಷೇಮಕ್ಕಾಗಿ ಮಂತ್ರ
ಭದ್ರಂ ಕರ್ಣೇಭಿಃ ಶೃಣುಯಾಮ ದೇವಾಃ. ಭದ್ರಂ ಪಶ್ಯೇಮಾಕ್ಷಭಿರ್ಯಜತ್....
Click here to know more..
