ಸುಬ್ರಹ್ಮಣ್ಯ ಪಂಚಕ ಸ್ತೋತ್ರ
ಸರ್ವಾರ್ತಿಘ್ನಂ ಕುಕ್ಕುಟಕೇತುಂ ರಮಮಾಣಂ
ವಹ್ನ್ಯುದ್ಭೂತಂ ಭಕ್ತಕೃಪಾಲುಂ ಗುಹಮೇಕಂ.
ವಲ್ಲೀನಾಥಂ ಷಣ್ಮುಖಮೀಶಂ ಶಿಖಿವಾಹಂ
ಸುಬ್ರಹ್ಮಣ್ಯಂ ದೇವಶರಣ್ಯಂ ಸುರಮೀಡೇ.
ಸ್ವರ್ಣಾಭೂಷಂ ಧೂರ್ಜಟಿಪುತ್ರಂ ಮತಿಮಂತಂ
ಮಾರ್ತಾಂಡಾಭಂ ತಾರಕಶತ್ರುಂ ಜನಹೃದ್ಯಂ.
ಸ್ವಚ್ಛಸ್ವಾಂತಂ ನಿಷ್ಕಲರೂಪಂ ರಹಿತಾದಿಂ
ಸುಬ್ರಹ್ಮಣ್ಯಂ ದೇವಶರಣ್ಯಂ ಸುರಮೀಡೇ.
ಗೌರೀಪುತ್ರಂ ದೇಶಿಕಮೇಕಂ ಕಲಿಶತ್ರುಂ
ಸರ್ವಾತ್ಮಾನಂ ಶಕ್ತಿಕರಂ ತಂ ವರದಾನಂ.
ಸೇನಾಧೀಶಂ ದ್ವಾದಶನೇತ್ರಂ ಶಿವಸೂನುಂ
ಸುಬ್ರಹ್ಮಣ್ಯಂ ದೇವಶರಣ್ಯಂ ಸುರಮೀಡೇ.
ಮೌನಾನಂದಂ ವೈಭವದಾನಂ ಜಗದಾದಿಂ
ತೇಜಃಪುಂಜಂ ಸತ್ಯಮಹೀಧ್ರಸ್ಥಿತದೇವಂ.
ಆಯುಷ್ಮಂತಂ ರಕ್ತಪದಾಂಭೋರುಹಯುಗ್ಮಂ
ಸುಬ್ರಹ್ಮಣ್ಯಂ ದೇವಶರಣ್ಯಂ ಸುರಮೀಡೇ.
ನಿರ್ನಾಶಂ ತಂ ಮೋಹನರೂಪಂ ಮಹನೀಯಂ
ವೇದಾಕಾರಂ ಯಜ್ಞಹವಿರ್ಭೋಜನಸತ್ತ್ವಂ.
ಸ್ಕಂದಂ ಶೂರಂ ದಾನವತೂಲಾನಲಭೂತಂ
ಸುಬ್ರಹ್ಮಣ್ಯಂ ದೇವಶರಣ್ಯಂ ಸುರಮೀಡೇ.
Recommended for you
ಸಪ್ತ ನದೀ ಪಾಪ ನಾಶನ ಸ್ತೋತ್ರ
ಸರ್ವತೀರ್ಥಮಯೀ ಸ್ವರ್ಗೇ ಸುರಾಸುರವಿವಂದಿತಾ. ಪಾಪಂ ಹರತು ಮೇ ಗಂಗ....
Click here to know more..ವೇದಸಾರ ಶಿವ ಸ್ತೋತ್ರ
ಪಶೂನಾಂ ಪತಿಂ ಪಾಪನಾಶಂ ಪರೇಶಂ ಗಜೇಂದ್ರಸ್ಯ ಕೃತ್ತಿಂ ವಸಾನಂ ವರೇ....
Click here to know more..ಗಂಡನ ಪ್ರೀತಿಯನ್ನು ಪಡೆಯಲು ಮಂತ್ರ
ಓಂ ನಮಃ ಸೀತಾಪತಯೇ ರಾಮಾಯ ಹನ ಹನ ಹುಁ ಫಟ್ . ಓಂ ನಮಃ ಸೀತಾಪತಯೇ ರಾಮಾ....
Click here to know more..
