ರವಿ ಅಷ್ಟಕ ಸ್ತೋತ್ರ
ಉದಯಾದ್ರಿಮಸ್ತಕಮಹಾಮಣಿಂ ಲಸತ್-
ಕಮಲಾಕರೈಕಸುಹೃದಂ ಮಹೌಜಸಂ.
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಂ.
ತಿಮಿರಾಪಹಾರನಿರತಂ ನಿರಾಮಯಂ
ನಿಜರಾಗರಂಜಿತಜಗತ್ತ್ರಯಂ ವಿಭುಂ.
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಂ.
ದಿನರಾತ್ರಿಭೇದಕರಮದ್ಭುತಂ ಪರಂ
ಸುರವೃಂದಸಂಸ್ತುತಚರಿತ್ರಮವ್ಯಯಂ.
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಂ.
ಶ್ರುತಿಸಾರಪಾರಮಜರಾಮಯಂ ಪರಂ
ರಮಣೀಯವಿಗ್ರಹಮುದಗ್ರರೋಚಿಷಂ.
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಂ.
ಶುಕಪಕ್ಷತುಂಡಸದೃಶಾಶ್ವಮಂಡಲಂ
ಅಚಲಾವರೋಹಪರಿಗೀತಸಾಹಸಂ.
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಂ.
ಶ್ರುತಿತತ್ತ್ವಗಮ್ಯಮಖಿಲಾಕ್ಷಿಗೋಚರಂ
ಜಗದೇಕದೀಪಮುದಯಾಸ್ತರಾಗಿಣಂ.
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಂ.
ಶ್ರಿತಭಕ್ತವತ್ಸಲಮಶೇಷಕಲ್ಮಷ-
ಕ್ಷಯಹೇತುಮಕ್ಷಯಫಲಪ್ರದಾಯಿನಂ.
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಂ.
ಅಹಮನ್ವಹಂ ಸತುರಗಕ್ಷತಾಟವೀ-
ಶತಕೋಟಿಹಾಲಕಮಹಾಮಹೀಧನಂ.
ಗದಪಂಕಶೋಷಣಮಘೌಘನಾಶನಂ
ಶರಣಂ ಗತೋಽಸ್ಮಿ ರವಿಮಂಶುಮಾಲಿನಂ.
ಇತಿ ಸೌರಮಷ್ಟಕಮಹರ್ಮುಖೇ ರವಿಂ
ಪ್ರಣಿಪತ್ಯ ಯಃ ಪಠತಿ ಭಕ್ತಿತೋ ನರಃ.
ಸ ವಿಮುಚ್ಯತೇ ಸಕಲರೋಗಕಲ್ಮಷೈಃ
ಸವಿತುಃ ಸಮೀಪಮಪಿ ಸಮ್ಯಗಾಪ್ನುಯಾತ್.
Other stotras
