ನವಗ್ರಹ ಕರಾವಲಂಬ ಸ್ತೋತ್ರ

ಜ್ಯೋತೀಶ ದೇವ ಭುವನತ್ರಯ ಮೂಲಶಕ್ತೇ
ಗೋನಾಥಭಾಸುರ ಸುರಾದಿಭಿರೀದ್ಯಮಾನ.
ನೄಣಾಂಶ್ಚ ವೀರ್ಯವರದಾಯಕ ಆದಿದೇವ
ಆದಿತ್ಯ ವೇದ್ಯ ಮಮ ದೇಹಿ ಕರಾವಲಂಬಂ.
ನಕ್ಷತ್ರನಾಥ ಸುಮನೋಹರ ಶೀತಲಾಂಶೋ
ಶ್ರೀಭಾರ್ಗವೀಪ್ರಿಯಸಹೋದರ ಶ್ವೇತಮೂರ್ತೇ.
ಕ್ಷೀರಾಬ್ಧಿಜಾತ ರಜನೀಕರ ಚಾರುಶೀಲ
ಶ್ರೀಮಚ್ಛಶಾಂಕ ಮಮ ದೇಹಿ ಕರಾವಲಂಬಂ.
ರುದ್ರಾತ್ಮಜಾತ ಬುಧಪೂಜಿತ ರೌದ್ರಮೂರ್ತೇ
ಬ್ರಹ್ಮಣ್ಯ ಮಂಗಲ ಧರಾತ್ಮಜ ಬುದ್ಧಿಶಾಲಿನ್.
ರೋಗಾರ್ತಿಹಾರ ಋಣಮೋಚಕ ಬುದ್ಧಿದಾಯಿನ್
ಶ್ರೀಭೂಮಿಜಾತ ಮಮ ದೇಹಿ ಕರಾವಲಂಬಂ.
ಸೋಮಾತ್ಮಜಾತ ಸುರಸೇವಿತ ಸೌಮ್ಯಮೂರ್ತೇ
ನಾರಾಯಣಪ್ರಿಯ ಮನೋಹರ ದಿವ್ಯಕೀರ್ತೇ.
ಧೀಪಾಟವಪ್ರದ ಸುಪಂಡಿತ ಚಾರುಭಾಷಿನ್
ಶ್ರೀಸೌಮ್ಯದೇವ ಮಮ ದೇಹಿ ಕರಾವಲಂಬಂ.
ವೇದಾಂತಜ್ಞಾನ ಶ್ರುತಿವಾಚ್ಯ ವಿಭಾಸಿತಾತ್ಮನ್
ಬ್ರಹ್ಮಾದಿ ವಂದಿತ ಗುರೋ ಸುರ ಸೇವಿತಾಂಘ್ರೇ.
ಯೋಗೀಶ ಬ್ರಹ್ಮಗುಣಭೂಷಿತ ವಿಶ್ವಯೋನೇ
ವಾಗೀಶ ದೇವ ಮಮ ದೇಹಿ ಕರಾವಲಂಬಂ.
ಉಲ್ಹಾಸದಾಯಕ ಕವೇ ಭೃಗುವಂಶಜಾತ
ಲಕ್ಷ್ಮೀಸಹೋದರ ಕಲಾತ್ಮಕ ಭಾಗ್ಯದಾಯಿನ್.
ಕಾಮಾದಿರಾಗಕರ ದೈತ್ಯಗುರೋ ಸುಶೀಲ
ಶ್ರೀಶುಕ್ರದೇವ ಮಮ ದೇಹಿ ಕರಾವಲಂಬಂ.
ಶುದ್ಧಾತ್ಮಜ್ಞಾನಪರಿಶೋಭಿತ ಕಾಲರೂಪ
ಛಾಯಾಸುನಂದನ ಯಮಾಗ್ರಜ ಕ್ರೂರಚೇಷ್ಟ.
ಕಷ್ಟಾದ್ಯನಿಷ್ಟಕರ ಧೀವರ ಮಂದಗಾಮಿನ್
ಮಾರ್ತಂಡಜಾತ ಮಮ ದೇಹಿ ಕರಾವಲಂಬಂ.
ಮಾರ್ತಂಡಪೂರ್ಣ ಶಶಿಮರ್ದಕ ರೌದ್ರವೇಶ
ಸರ್ಪಾಧಿನಾಥ ಸುರಭೀಕರ ದೈತ್ಯಜನ್ಮ.
ಗೋಮೇಧಿಕಾಭರಣಭಾಸಿತ ಭಕ್ತಿದಾಯಿನ್
ಶ್ರೀರಾಹುದೇವ ಮಮ ದೇಹಿ ಕರಾವಲಂಬಂ.
ಆದಿತ್ಯಸೋಮಪರಿಪೀಡಕ ಚಿತ್ರವರ್ಣ
ಹೇ ಸಿಂಹಿಕಾತನಯ ವೀರಭುಜಂಗನಾಥ.
ಮಂದಸ್ಯ ಮುಖ್ಯಸಖ ಧೀವರ ಮುಕ್ತಿದಾಯಿನ್
ಶ್ರೀಕೇತು ದೇವ ಮಮ ದೇಹಿ ಕರಾವಲಂಬಂ.
ಮಾರ್ತಂಡಚಂದ್ರಕುಜಸೌಮ್ಯಬೃಹಸ್ಪತೀನಾಂ
ಶುಕ್ರಸ್ಯ ಭಾಸ್ಕರಸುತಸ್ಯ ಚ ರಾಹುಮೂರ್ತೇಃ.
ಕೇತೋಶ್ಚ ಯಃ ಪಠತಿ ಭೂರಿ ಕರಾವಲಂಬ
ಸ್ತೋತ್ರಂ ಸ ಯಾತು ಸಕಲಾಂಶ್ಚ ಮನೋರಥಾರಾನ್.