ಆಂಜನೇಯ ಸುಪ್ರಭಾತಂ
ಹನೂಮನ್ನಂಜನಾಸೂನೋ ಪ್ರಾತಃಕಾಲಃ ಪ್ರವರ್ತತೇ |
ಉತ್ತಿಷ್ಠ ಕರುಣಾಮೂರ್ತೇ ಭಕ್ತಾನಾಂ ಮಂಗಲಂ ಕುರು |
ಉತ್ತಿಷ್ಠೋತ್ತಿಷ್ಠ ಪಿಂಗಾಕ್ಷ ಉತ್ತಿಷ್ಠ ಕಪಿನಾಯಕ |
ಉತ್ತಿಷ್ಠ ರಾಮದೂತ ತ್ವಂ ಕುರು ತ್ರೈಲೋಕ್ಯಮಂಗಲಂ |
ಹನ್ಮಂದಿರೇ ತವ ವಿಭಾತಿ ರಘೂತ್ತಮೋಽಪಿ
ಸೀತಾಯುತೋ ನೃಪವರಃ ಸಹಲಕ್ಷ್ಮಣೋಽಥ |
ತಂ ಪಶ್ಯ ಶೀಘ್ರಮತಿನಿರ್ಮಲದೇಹ ಭೂಮನ್
ಉತ್ತಿಷ್ಠ ದೇವ ಹನುಮನ್ ತವ ಸುಪ್ರಭಾತಂ |
ದುಃಖಾಂಧಕಾರರವಿರಸ್ಯಭಿವಾದಯೇ ತ್ವಾಂ
ತ್ವತ್ಪಾದಸಂಸ್ಥಿತರಜಃಕಣತಾಂ ಚ ಯಾಚೇ |
ಶ್ರೀರಾಮಭಕ್ತ ತವ ಭಕ್ತ ಅಹಂ ವದಾಮಿ
ದೇವಾಂಜನೇಯ ನಿತರಾಂ ತವ ಸುಪ್ರಭಾತಂ |
ದೇವ ಪ್ರಸೀದ ಕರುಣಾಕರ ದೀನಬಂಧೋ
ಭಕ್ತಾರ್ತಿಭಂಜನ ವಿದಾಂ ವರ ದೇವದೇವ |
ರುದ್ರಾವತಾರ ಮಹನೀಯ ಮಹಾತಪಸ್ವಿನ್
ದೇವಾಂಜನೇಯ ಭಗವಂಸ್ತವ ಸುಪ್ರಭಾತಂ |
ತವ ಸುಪ್ರಭಾತಮಮರೇಂದ್ರವಂದಿತ
ಪ್ಲವಗೋತ್ತಮೇಶ ಶರಣಾಗತಾಶ್ರಯ |
ಭವತು ಪ್ರಸೀದ ಭಗವನ್ ದಯಾನಿಧೇ
ಜನಕಾತ್ಮಜಾತ್ಯಯವಿನಾಶಕಾರಣ |
ಭೃತಂ ಶೈಲಮುಖ್ಯಂ ಚ ಸಂಜೀವನಾಖ್ಯಂ
ಯಶಸ್ವಿನ್ ಪ್ರಭೋ ಲಕ್ಷ್ಮಣಪ್ರಾಣದಾತಃ |
ತ್ವಯಾ ಭಾರ್ಯಮೇತತ್ ತ್ರಿಲೋಕಂ ಸಮಸ್ತಂ
ಹನೂಮನ್ ತವೇದಂ ಪ್ರಭೋ ಸುಪ್ರಭಾತಂ |
ಸುಪ್ರಭಾತಂ ತವಾಽಸ್ತ್ವಾಂಜನೇಯ ಪ್ರಭೋ
ಕೇಸರೀನಂದನಾಂಭೋಧಿಸಂತಾರಣ |
ಯಕ್ಷಗಂಧರ್ವಭೂತಾದಿಸಂವಂದಿತ
ಪ್ರಜ್ವಲತ್ಸೂರ್ಯಶೋಭ ಪ್ರಣಮ್ಯೇಶ್ವರ |
ಆರೋಗ್ಯಕರ್ತ್ರೇ ಭಯನಾಶಕಾಯ
ರಕ್ಷಃಕುಲಧ್ವಂಸಕೃತೇ ಪರಾಯ |
ಪಾರ್ಥಧ್ವಜಾಯೇಷ್ಟಫಲಪ್ರದಾಯ
ಶ್ರೀರಾಮದೂತಾಯ ಚ ಸುಪ್ರಭಾತಂ |
ಶಕ್ತಿಪ್ರದಾತ್ರೇ ನತಪಾಪಹರ್ತ್ರೇ
ಶಾಖಾಮೃಗಾಯಾಂಬುಜಲೋಚನಾಯ |
ತ್ರಯೀಮಯಾಯ ತ್ರಿಗುಣಾತ್ಮಕಾಯ
ದಿವ್ಯಾಂಜನೇಯಾಯ ಚ ಸುಪ್ರಭಾತಂ |
ಭಕ್ತಾಪದುದ್ಧಾರಣತತ್ಪರಾಯ
ವೇದೋಕ್ತತತ್ತ್ವಾಮೃತದರ್ಶಕಾಯ|
ರಕ್ಷಃಕುಲೇಶಾನಮದಾಪಹಾಯ
ವಾತಾತ್ಮಜಾತಾಯ ಚ ಸುಪ್ರಭಾತಂ |
ಆಂಜನೇಯ ನಮಸ್ತುಭ್ಯಂ ಸುಪ್ರಭಾತಪುರಃಸರಂ |
ಮಾಂ ರಕ್ಷಂ ಮಜ್ಜನಾನ್ ರಕ್ಷ ಭುವನಂ ರಕ್ಷ ಸರ್ವದಾ |
ಸುಪ್ರಭಾತಸ್ತುತಿಂ ಚೈನಾಂ ಯಃ ಪಠೇತ್ ಪ್ರತ್ಯಹಂ ನರಃ |
ಪ್ರಭಾತೇ ಲಭತೇ ಪುಣ್ಯಂ ಭುಕ್ತಿಂ ಮುಕ್ತಿಂ ಮನೋರಥಾನ್ |
Recommended for you
ಶಿವ ಷಟ್ಕ ಸ್ತೋತ್ರ
ಮಹಿತಮಹೀಭರಣಂ ಬಹುಸ್ವರೂಪಂ ಶಿವಮಥ ಭೂತದಯಾಕರಂ ಭಜೇಽಹಂ.....
Click here to know more..ಗಣೇಶ ಅಷ್ಟೋತ್ತರ ಶತನಾಮಾವಲೀ
ಓಂ ಗಣೇಶ್ವರಾಯ ನಮಃ ಓಂ ಗಣಕ್ರೀಡಾಯ ನಮಃ ಓಂ ಮಹಾಗಣಪತಯೇ ನಮಃ ಓಂ ವಿ....
Click here to know more..ಜೀವನದಲ್ಲಿ ಸಂತೋಷವನ್ನು ಪಡೆಯಲು ಮಂತ್ರ
ಸ್ವಸ್ತಿತಂ ಮೇ ಸುಪ್ರಾತಃ ಸುಸಾಯಂ ಸುದಿವಂ ಸುಮೃಗಂ ಸುಶಕುನಂ ಮೇ ಅ....
Click here to know more..
