ആഞ്ജനേയ സുപ്രഭാതം
ഹനൂമന്നഞ്ജനാസൂനോ പ്രാതഃകാലഃ പ്രവർതതേ |
ഉത്തിഷ്ഠ കരുണാമൂർതേ ഭക്താനാം മംഗലം കുരു |
ഉത്തിഷ്ഠോത്തിഷ്ഠ പിംഗാക്ഷ ഉത്തിഷ്ഠ കപിനായക |
ഉത്തിഷ്ഠ രാമദൂത ത്വം കുരു ത്രൈലോക്യമംഗലം |
ഹന്മന്ദിരേ തവ വിഭാതി രഘൂത്തമോഽപി
സീതായുതോ നൃപവരഃ സഹലക്ഷ്മണോഽഥ |
തം പശ്യ ശീഘ്രമതിനിർമലദേഹ ഭൂമൻ
ഉത്തിഷ്ഠ ദേവ ഹനുമൻ തവ സുപ്രഭാതം |
ദുഃഖാന്ധകാരരവിരസ്യഭിവാദയേ ത്വാം
ത്വത്പാദസംസ്ഥിതരജഃകണതാം ച യാചേ |
ശ്രീരാമഭക്ത തവ ഭക്ത അഹം വദാമി
ദേവാഞ്ജനേയ നിതരാം തവ സുപ്രഭാതം |
ദേവ പ്രസീദ കരുണാകര ദീനബന്ധോ
ഭക്താർതിഭഞ്ജന വിദാം വര ദേവദേവ |
രുദ്രാവതാര മഹനീയ മഹാതപസ്വിൻ
ദേവാഞ്ജനേയ ഭഗവംസ്തവ സുപ്രഭാതം |
തവ സുപ്രഭാതമമരേന്ദ്രവന്ദിത
പ്ലവഗോത്തമേശ ശരണാഗതാശ്രയ |
ഭവതു പ്രസീദ ഭഗവൻ ദയാനിധേ
ജനകാത്മജാത്യയവിനാശകാരണ |
ഭൃതം ശൈലമുഖ്യം ച സഞ്ജീവനാഖ്യം
യശസ്വിൻ പ്രഭോ ലക്ഷ്മണപ്രാണദാതഃ |
ത്വയാ ഭാര്യമേതത് ത്രിലോകം സമസ്തം
ഹനൂമൻ തവേദം പ്രഭോ സുപ്രഭാതം |
സുപ്രഭാതം തവാഽസ്ത്വാഞ്ജനേയ പ്രഭോ
കേസരീനന്ദനാംഭോധിസന്താരണ |
യക്ഷഗന്ധർവഭൂതാദിസംവന്ദിത
പ്രജ്വലത്സൂര്യശോഭ പ്രണമ്യേശ്വര |
ആരോഗ്യകർത്രേ ഭയനാശകായ
രക്ഷഃകുലധ്വംസകൃതേ പരായ |
പാർഥധ്വജായേഷ്ടഫലപ്രദായ
ശ്രീരാമദൂതായ ച സുപ്രഭാതം |
ശക്തിപ്രദാത്രേ നതപാപഹർത്രേ
ശാഖാമൃഗായാംബുജലോചനായ |
ത്രയീമയായ ത്രിഗുണാത്മകായ
ദിവ്യാഞ്ജനേയായ ച സുപ്രഭാതം |
ഭക്താപദുദ്ധാരണതത്പരായ
വേദോക്തതത്ത്വാമൃതദർശകായ|
രക്ഷഃകുലേശാനമദാപഹായ
വാതാത്മജാതായ ച സുപ്രഭാതം |
ആഞ്ജനേയ നമസ്തുഭ്യം സുപ്രഭാതപുരഃസരം |
മാം രക്ഷം മജ്ജനാൻ രക്ഷ ഭുവനം രക്ഷ സർവദാ |
സുപ്രഭാതസ്തുതിം ചൈനാം യഃ പഠേത് പ്രത്യഹം നരഃ |
പ്രഭാതേ ലഭതേ പുണ്യം ഭുക്തിം മുക്തിം മനോരഥാൻ |
Recommended for you
അംഗാരക നാമാവലി സ്തോത്രം
അംഗാരകഃ ശക്തിധരോ ലോഹിതാംഗോ ധരാസുതഃ. കുമാരോ മംഗലോ ഭൗമോ മ....
Click here to know more..ശിവ നാമാവലി അഷ്ടക സ്തോത്രം
ഹേ ചന്ദ്രചൂഡ മദനാന്തക ശൂലപാണേ സ്ഥാണോ ഗിരീശ ഗിരിജേശ മഹേ....
Click here to know more..പരമശിവന്‍റെ കൃപ നേടാനുള്ള മന്ത്രം
തത്പുരുഷായ വിദ്മഹേ മഹാദേവായ ധീമഹി തന്നോ രുദ്രഃ പ്രചോദയ....
Click here to know more..
