ವೀರ! ತ್ವಮಾದಿಥ ರವಿಂ ತಮಸಾ ತ್ರಿಲೋಕೀ
ವ್ಯಾಪ್ತಾ ಭಯಂ ತದಿಹ ಕೋಽಪಿ ನ ಹರ್ತ್ತುಮೀಶಃ.
ದೇವೈಃ ಸ್ತುತಸ್ತಮವಮುಚ್ಯ ನಿವಾರಿತಾ ಭೀ-
ರ್ಜಾನಾತಿ ಕೋ ನ ಭುವಿ ಸಂಕಟಮೋಚನಂ ತ್ವಾಂ.
ಭ್ರಾತುರ್ಭಯಾ- ದವಸದದ್ರಿವರೇ ಕಪೀಶಃ
ಶಾಪಾನ್ಮುನೇ ರಧುವರಂ ಪ್ರತಿವೀಕ್ಷಮಾಣಃ.
ಆನೀಯ ತಂ ತ್ವಮಕರೋಃ ಪ್ರಭುಮಾರ್ತ್ತಿಹೀನಂ
ರ್ಜಾನಾತಿ ಕೋ ನ ಭುವಿ ಸಂಕಟಮೋಚನಂ ತ್ವಾಂ.
ವಿಜ್ಞಾಪಯಂಜನಕಜಾ- ಸ್ಥಿತಿಮೀಶವರ್ಯಂ
ಸೀತಾವಿಮಾರ್ಗಣ- ಪರಸ್ಯ ಕಪೇರ್ಗಣಸ್ಯ.
ಪ್ರಾಣಾನ್ ರರಕ್ಷಿಥ ಸಮುದ್ರತಟಸ್ಥಿತಸ್ಯ
ರ್ಜಾನಾತಿ ಕೋ ನ ಭುವಿ ಸಂಕಟಮೋಚನಂ ತ್ವಾಂ.
ಶೋಕಾನ್ವಿತಾಂ ಜನಕಜಾಂ ಕೃತವಾನಶೋಕಾಂ
ಮುದ್ರಾಂ ಸಮರ್ಪ್ಯ ರಘುನಂದನ- ನಾಮಯುಕ್ತಾಂ.
ಹತ್ವಾ ರಿಪೂನರಿಪುರಂ ಹುತವಾನ್ ಕೃಶಾನೌ
ರ್ಜಾನಾತಿ ಕೋ ನ ಭುವಿ ಸಂಕಟಮೋಚನಂ ತ್ವಾಂ.
ಶ್ರೀಲಕ್ಷ್ಮಣಂ ನಿಹತವಾನ್ ಯುಧಿ ಮೇಘನಾದೋ
ದ್ರೋಣಾಚಲಂ ತ್ವಮುದಪಾಟಯ ಚೌಷಧಾರ್ಥಂ.
ಆನೀಯ ತಂ ವಿಹಿತವಾನಸುಮಂತಮಾಶು
ರ್ಜಾನಾತಿ ಕೋ ನ ಭುವಿ ಸಂಕಟಮೋಚನಂ ತ್ವಾಂ.
ಯುದ್ಧೇ ದಶಾಸ್ಯವಿಹಿತೇ ಕಿಲ ನಾಗಪಾಶೈ-
ರ್ಬದ್ಧಾಂ ವಿಲೋಕ್ಯ ಪೃತನಾಂ ಮುಮುಹೇ ಖರಾರಿಃ.
ಆನೀಯ ನಾಗಭುಜಮಾಶು ನಿವಾರಿತಾ ಭೀ-
ರ್ಜಾನಾತಿ ಕೋ ನ ಭುವಿ ಸಂಕಟಮೋಚನಂ ತ್ವಾಂ.
ಭ್ರಾತ್ರಾನ್ವಿತಂ ರಘುವರಂ ತ್ವಹಿಲೋಕಮೇತ್ಯ
ದೇವ್ಯೈ ಪ್ರದಾತುಮನಸಂ ತ್ವಹಿರಾವಣಂ ತ್ವಾಂ.
ಸೈನ್ಯಾನ್ವಿತಂ ನಿಹತವಾನ- ನಿಲಾತ್ಮಜಂ ದ್ರಾಕ್
ರ್ಜಾನಾತಿ ಕೋ ನ ಭುವಿ ಸಂಕಟಮೋಚನಂ ತ್ವಾಂ.
ವೀರ! ತ್ವಯಾ ಹಿ ವಿಹಿತಂ ಸುರಸರ್ವಕಾರ್ಯಂ
ಮತ್ಸಂಕಟಂ ಕಿಮಿಹ ಯತ್ತ್ವಯಕಾ ನ ಹಾರ್ಯಂ.
ಏತದ್ ವಿಚಾರ್ಯ ಹರ ಸಂಕಟಮಾಶು ಮೇ ತ್ವಂ
ರ್ಜಾನಾತಿ ಕೋ ನ ಭುವಿ ಸಂಕಟಮೋಚನಂ ತ್ವಾಂ.
ಆದಿತ್ಯ ಹೃದಯ ಸ್ತೋತ್ರ
ಅಥ ಆದಿತ್ಯಹೃದಯಂ ತತೋ ಯುದ್ಧಪರಿಶ್ರಾಂತಂ ಸಮರೇ ಚಿಂತಯಾ ಸ್ಥಿತಂ. ....
Click here to know more..ಯಮುನಾ ಅಮೃತ ಲಹರೀ ಸ್ತೋತ್ರ
ಮಾತಃ ಪಾತಕಪಾತಕಾರಿಣಿ ತವ ಪ್ರಾತಃ ಪ್ರಯಾತಸ್ತಟಂ ಯಃ ಕಾಲಿಂದಿ ಮಹ....
Click here to know more..ರೋಹಿಣಿ ನಕ್ಷತ್ರ
ರೋಹಿಣಿ ನಕ್ಷತ್ರ - ಗುಣಲಕ್ಷಣಗಳು, ಹೊಂದಿಕೆಯಾಗದ ನಕ್ಷತ್ರಗಳು, ಆರ....
Click here to know more..