దుర్గా ప్రణతి పంచక స్తోత్రం
మాంగల్యానాం త్వమసి జననీ దేవి దుర్గే నమస్తే
దౌర్బల్యానాం సబలహరణీ భక్తిమాల్యైర్వరేణ్యా .
త్వం శల్యానాం సముపశమనీ శైలజా శూలహస్తే
వాత్సల్యానాం మధురఝరణా దేహి భద్రం శరణ్యా ..
త్వం గాయత్రీ నిఖిలజగతామన్నపూర్ణా ప్రసన్నా
మేధా విద్యా త్వమసి శుభదా శాంభవీ శక్తిరాద్యా .
మర్త్త్యే లోకే సకలకలుషం నాశయ స్వీయధామ్నా
సింహాసీనా కురు సుకరుణాం శంకరీ విశ్వవంద్యా ..
సంసారశ్రీర్జనయ సుఖదాం భావనాం సుప్రకాశాం
శం శర్వాణీ వితర తమసాం ధ్వంసినీ పావనీ త్వం .
పాపాచారైః ప్రబలమథితాం దుష్టదైత్యైర్నిరాశాం
పృథ్వీమార్త్తాం వ్యథితహృదయాం త్రాహి కాత్యాయనీ త్వం ..
రుద్రాణీ త్వం వితర సుభగం మాతృకా సన్మతీనాం
శాంతిర్ధర్మః ప్రసరతు జనే త్వత్ప్రసాదైః శివాని .
ఘోరా కాలీ భవ కలియుగే ఘాతినీ దుర్గతీనాం
త్వం భక్తానామభయవరదా భీమమూర్త్తిర్భవాని ..
వందే మాతస్తవ సువిమలం పాదరాజత్సరోజం
దుర్గే దుఃఖం హర దశభుజా దేహి సానందమోజం .
త్వం పద్మాస్యా హసితమధురం సౌరభం తన్వతీ స్వం
మోహస్తోమం హర సుమనసాం పూజితా పాహి విశ్వం ..
Other stotras
