శ్రీశైలరాజతనయే చండముండనిషూదిని.
మృగేంద్రవాహనే తుభ్యం చాముండాయై సుమంగలం.
పంచవింశతిసాలాఢ్యశ్రీచక్రపురనివాసిని.
బిందుపీఠస్థితే తుభ్యం చాముండాయై సుమంగలం.
రాజరాజేశ్వరి శ్రీమద్కామేశ్వరకుటుంబిని.
యుగనాథతతే తుభ్యం చాముండాయై సుమంగలం.
మహాకాలి మహాలక్ష్మి మహావాణి మనోన్మణి.
యోగనిద్రాత్మకే తుభ్యం చాముండాయై సుమంగలం.
మంత్రిణి దండిని ముఖ్యయోగిని గణసేవితే.
భండదైత్యహరే తుభ్యం చాముండాయై సుమంగలం.
నిశుంభమహిషాశుంభేరక్తబీజాదిమర్దిని.
మహామాయే శివే తుభ్యం చాముండాయై సుమంగలం.
కాలరాత్రి మహాదుర్గే నారాయణసహోదరి.
వింధ్యాద్రివాసిని తుభ్యం చాముండాయై సుమంగలం.
చంద్రలేఖాలసత్పాలే శ్రీమత్సింహాసనేశ్వరి.
కామేశ్వరి నమస్తుభ్యం చాముండాయై సుమంగలం.
ప్రపంచసృష్టిరక్షాదిపంచకార్యధురంధరే.
పంచప్రేతాసనే తుభ్యం చాముండాయై సుమంగలం.
మధుకైటభసంహర్త్రి కదంబవనవాసిని.
మహేంద్రవరదే తుభ్యం చాముండాయై సుమంగలం.
నిగమాగమసంవేద్యే శ్రీదేవి లలితాంబికే.
ఓఢ్యాణపీఠగదే తుభ్యం చాముండాయై సుమంగలం.
పుండ్రేక్షుఖండకోదండపుష్పకంఠలసత్కరే.
సదాశివకలే తుభ్యం చాముండాయై సుమంగలం.
కామేశభక్తమాంగల్య శ్రీమత్త్రిపురసుందరి.
సూర్యాగ్నీందుత్రినేత్రాయై చాముండాయై సుమంగలం.
చిదగ్నికుండసంభూతే మూలప్రకృతిరూపిణి.
కందర్పదీపకే తుభ్యం చాముండాయై సుమంగలం.
మహాపద్మాటవీమధ్యే సదానందవిహారిణి.
పాశాంకుశధరే తుభ్యం చాముండాయై సుమంగలం.
సర్వదోషప్రశమని సర్వసౌభాగ్యదాయిని.
సర్వసిద్ధిప్రదే తుభ్యం చాముండాయై సుమంగలం.
సర్వమంత్రాత్మికే ప్రాజ్ఞే సర్వయంత్రస్వరూపిణి.
సర్వతంత్రాత్మికే తుభ్యం చాముండాయై సుమంగలం.
సర్వప్రాణిహృదావాసే సర్వశక్తిస్వరూపిణి.
సర్వాభిష్టప్రదే తుభ్యం చాముండాయై సుమంగలం.
వేదమాతర్మహారాజ్ఞి లక్ష్మి వాణి వసుప్రియే.
త్రైలోక్యవందితే తుభ్యం చాముండాయై సుమంగలం.
బ్రహ్మోపేంద్రసురేంద్రాదిసంపూజితపదాంబుజే.
సర్వాయుధకరే తుభ్యం చాముండాయై సుమంగలం.
మహావిద్యాసంప్రదాత్రి సంవేద్యనిజవైభవే.
సర్వముద్రాకరే తుభ్యం చాముండాయై సుమంగలం.
ఏకపంచాశతే పీఠే నివాసాత్మవిలాసిని.
అపారమహిమే తుభ్యం చాముండాయై సుమంగలం.
తేజోమయి దయాపూర్ణే సచ్చిదానందరూపిణి.
సర్వవర్ణాత్మికే తుభ్యం చాముండాయై సుమంగలం.
హంసారూఢే చతుర్వక్త్రే బ్రాహ్మీరూపసమన్వితే.
ధూమ్రాక్షసహంత్రికే తుభ్యం చాముండాయై సుమంగలం.
మాహేస్వరీస్వరూపే పంచాస్యే వృషభవాహనే.
సుగ్రీవపంచికే తుభ్యం చాముండాయై సుమంగలం.
మయూరవాహే షట్వక్త్రే కౌమారీరూపశోభితే.
శక్తియుక్తకరే తుభ్యం చాముండాయై సుమంగలం.
పక్షిరాజసమారూఢే శంఖచక్రలసత్కరే.
వైష్ణవీసంజ్ఞికే తుభ్యం చాముండాయై సుమంగలం.
వారాహి మహిషారూఢే ఘోరరూపసమన్వితే.
దంష్ట్రాయుధధరే తుభ్యం చాముండాయై సుమంగలం.
గజేంద్రవాహనారుఢే ఇంద్రాణీరూపవాసురే.
వజ్రాయుధకరే తుభ్యం చాముండాయై సుమంగలం.
చతుర్భుజే సింహవాహే జటామండిలమండితే.
చండికే సుభగే తుభ్యం చాముండాయై సుమంగలం.
దంష్ట్రాకరాలవదనే సింహవక్త్రే చతుర్భుజే.
నారసింహి సదా తుభ్యం చాముండాయై సుమంగలం.
జ్వలజ్జిహ్వాకరాలాస్యే చండకోపసమన్వితే.
జ్వాలామాలిని తుభ్యం చాముండాయై సుమంగలం.
భృంగిణే దర్శితాత్మీయప్రభావే పరమేశ్వరి.
నానారూపధరే తుభ్యం చాముండాయై సుమంగలం.
గణేశస్కందజనని మాతంగి భువనేశ్వరి.
భద్రకాలి సదా తుభ్యం చాముండాయై సుమంగలం.
అగస్త్యాయ హయగ్రీవప్రకటీకృతవైభవే.
అనంతాఖ్యసుతే తుభ్యం చాముండాయై సుమంగలం.
మీనాక్షీ స్తుతి
శరశరాసన- పాశలసత్కరా- మరుణవర్ణతనుం పరరూపిణీం. విజయదాం పర....
Click here to know more..దక్షిణామూర్తి ద్వాదశ నామ స్తోత్రం
అథ దక్షిణామూర్తిద్వాదశనామస్తోత్రం - ప్రథమం దక్షిణామూర....
Click here to know more..అయ్యప్ప స్వామి వేదమంత్రం
ఓం అగ్నే యశస్విన్ యశసేమమర్పయేంద్రావతీమపచితీమిహావహ. అయ....
Click here to know more..