காலி கவசம்

அத வைரிநாஶனம்ʼ காலீகவசம்.
கைலாஸ ஶிகராரூடம்ʼ ஶங்கரம்ʼ வரதம்ʼ ஶிவம்.
தேவீ பப்ரச்ச ஸர்வஜ்ஞம்ʼ ஸர்வதேவ மஹேஶ்வரம்.
ஶ்ரீதேவ்யுவாச-
பகவன் தேவதேவேஶ தேவானாம்ʼ போகத ப்ரபோ.
ப்ரப்ரூஹி மே மஹாதேவ கோப்யமத்யாபி யத் ப்ரபோ.
ஶத்ரூணாம்ʼ யேன நாஶ꞉ ஸ்யாதாத்மனோ ரக்ஷணம்ʼ பவேத்.
பரமைஶ்வர்யமதுலம்ʼ லபேத்யேன ஹி தத் வத.
வக்ஷ்யாமி தே மஹாதேவி ஸர்வதர்மவிதாம்வரே.
அத்புதம்ʼ கவசம்ʼ தேவ்யா꞉ ஸர்வகாமப்ரஸாதகம்.
விஶேஷத꞉ ஶத்ருநாஶம்ʼ ஸர்வரக்ஷாகரம்ʼ ந்ருʼணாம்.
ஸர்வாரிஷ்டப்ரஶமனம்ʼஅபிசாரவிநாஶனம்.
ஸுகதம்ʼ போகதம்ʼ சைவ வஶீகரணமுத்தமம்.
ஶத்ருஸங்கா꞉ க்ஷயம்ʼ யாந்தி பவந்தி வ்யாதிபீடிதா꞉.
து꞉கினோ ஜ்வரிணஶ்சைவ ஸ்வாநிஷ்டபதிதாஸ்ததா.
ௐ அஸ்ய ஶ்ரீகாலிகாகவசஸ்ய பைரவர்ஷயே நம꞉ ஶிரஸி.
காயத்ரீ சந்தஸே நமோ முகே. ஶ்ரீகாலிகாதேவதாயை நமோ ஹ்ருʼதி.
ஹ்ரீம்ʼ பீஜாய நமோ குஹ்யே. ஹ்ரூம்ʼ ஶக்தயே நம꞉ பாதயோ꞉.
க்லீம்ʼ கீலகாய நம꞉ ஸர்வாங்கே.
ஶத்ருஸங்கநாஶனார்தே பாடே விநியோக꞉.
த்யாயேத் காலீம்ʼ மஹாமாயாம்ʼ த்ரிநேத்ராம்ʼ பஹுரூபிணீம்.
சதுர்புஜாம்ʼ லலஜ்ஜிஹ்வாம்ʼ பூர்ணசந்த்ரனிபானனாம்.
நீலோத்பலதலஶ்யாமாம்ʼ ஶத்ருஸங்கவிதாரிணீம்.
நரமுண்டம்ʼ ததா கட்கம்ʼ கமலம்ʼ வரதம்ʼ ததா.
விப்ராணாம்ʼ ரக்தவதனாம்ʼ தம்ʼஷ்ட்ராலீம்ʼ கோரரூபிணீம்.
அட்டாட்டஹாஸநிரதாம்ʼ ஸர்வதா ச திகம்பராம்.
ஶவாஸனஸ்திதாம்ʼ தேவீம்ʼ முண்டமாலாவிபூஷணாம்.
இதி த்யாத்வா மஹாதேவீம்ʼ ததஸ்து கவசம்ʼ படேத்.
காலிகா கோரரூபாத்யா ஸர்வகாமபலப்ரதா.
ஸர்வதேவஸ்துதா தேவீ ஶத்ருநாஶம்ʼ கரோது மே.
ௐ ஹ்ரீம்ʼ ஸ்வரூபிணீம்ʼ சைவ ஹ்ராம்ʼ ஹ்ரீம்ʼ ஹ்ரூம்ʼ ரூபிணீ ததா.
ஹ்ராம்ʼ ஹ்ரீம்ʼ ஹ்ரைம்ʼ ஹ்ரௌம்ʼ ஸ்வரூபா ச ஸதா ஶத்ரூன் ப்ரணஶ்யது.
ஶ்ரீம்ʼ ஹ்ரீம்ʼ ஐம்ʼ ரூபிணீ தேவீ பவபந்தவிமோசினீ.
ஹ்ரீம்ʼ ஸகலாம்ʼ ஹ்ரீம்ʼ ரிபுஶ்ச ஸா ஹந்து ஸர்வதா மம.
யதா ஶும்போ ஹதோ தைத்யோ நிஶும்பஶ்ச மஹாஸுர꞉.
வைரிநாஶாய வந்தே தாம்ʼ காலிகாம்ʼ ஶங்கரப்ரியாம்.
ப்ராஹ்மீ ஶைவீ வைஷ்ணவீ ச வாராஹீ நாரஸிம்ʼஹிகா.
கௌமார்யைந்த்ரீ ச சாமுண்டா காதந்து மம வித்விஷ꞉.
ஸுரேஶ்வரீ கோரரூபா சண்டமுண்டவிநாஶினீ.
முண்டமாலா த்ருʼதாங்கீ ச ஸர்வத꞉ பாது மா ஸதா.
ஹ்ராம்ʼ ஹ்ரீம்ʼ காலிகே கோரதம்ʼஷ்ட்ரே ச ருதிரப்ரியே ரூதிராபூர்ணவக்த்ரே ச ரூதிரேணாவ்ருʼதஸ்தனி.
மம ஸர்வஶத்ரூன் காதய காதய ஹிம்ʼஸ ஹிம்ʼஸ மாரய மாரய பிந்தி பிந்தி
சிந்தி சிந்தி உச்சாடய உச்சாடய வித்ராவய வித்ராவய ஶோஷய ஶோஷய
ஸ்வாஹா.
ஹ்ராம்ʼ ஹ்ரீம்ʼ காலிகாயை மதீயஶத்ரூன் ஸமர்பய ஸ்வாஹா.
ௐ ஜய ஜய கிரி கிரி கிட கிட மர்த மர்த மோஹய மோஹய ஹர ஹர மம
ரிபூன் த்வம்ʼஸய த்வம்ʼஸய பக்ஷய பக்ஷய த்ரோடய த்ரோடய யாதுதானான்
சாமுண்டே ஸர்வஜனான் ராஜபுருஷான் ஸ்த்ரியோ மம வஶ்யா꞉ குரு குரு அஶ்வான் கஜான்
திவ்யகாமினீ꞉ புத்ரான் ராஜஶ்ரியம்ʼ தேஹி தேஹி தனு தனு தான்யம்ʼ தனம்ʼ யக்ஷம்ʼ
க்ஷாம்ʼ க்ஷூம்ʼ க்ஷைம்ʼ க்ஷௌம்ʼ க்ஷம்ʼ க்ஷ꞉ ஸ்வாஹா.
இத்யேதத் கவசம்ʼ புண்யம்ʼ கதிதம்ʼ ஶம்புனா புரா.
யே படந்தி ஸதா தேஷாம்ʼ த்ருவம்ʼ நஶ்யந்தி வைரிண꞉.
வைரிண꞉ ப்ரலயம்ʼ யாந்தி வ்யாதிதாஶ்ச பவந்தி ஹி.
பலஹீனா꞉ புத்ரஹீனா꞉ ஶத்ருவஸ்தஸ்ய ஸர்வதா.
ஸஹஸ்ரபடனாத் ஸித்தி꞉ கவசஸ்ய பவேத்ததா.
தத꞉ கார்யாணி ஸித்யந்தி யதாஶங்கரபாஷிதம்.
ஶ்மஶானாங்காரமாதாய சூர்ணம்ʼ க்ருʼத்வா ப்ரயத்னத꞉.
பாதோதகேன பிஷ்டா ச லிகேல்லோஹஶலாகயா.
பூமௌ ஶத்ரூன் ஹீனரூபானுத்தராஶிரஸஸ்ததா.
ஹஸ்தம்ʼ தத்த்வா து ஹ்ருʼதயே கவசம்ʼ து ஸ்வயம்ʼ படேத்.
ப்ராணப்ரதிஷ்டாம்ʼ க்ருʼத்வா வை ததா மந்த்ரேண மந்த்ரவித்.
ஹன்யாதஸ்த்ரப்ரஹாரேண ஶத்ரோ கச்ச யமக்ஷயம்.
ஜ்வலதங்காரலேபேன பவந்தி ஜ்வரிதா ப்ருʼஶம்.
ப்ரோங்க்ஷயேத்வாமபாதேன தரித்ரோ பவதி த்ருவம்.
வைரிநாஶகரம்ʼ ப்ரோக்தம்ʼ கவசம்ʼ வஶ்யகாரகம்.
பரமைஶ்வர்யதம்ʼ சைவ புத்ர பௌத்ராதி வ்ருʼத்திதம்.
ப்ரபாதஸமயே சைவ பூஜாகாலே ப்ரயத்னத꞉.
ஸாயங்காலே ததா பாடாத் ஸர்வஸித்திர்பவேத் த்ருவம்.
ஶத்ருருச்சாடனம்ʼ யாதி தேஶாத் வா விச்யுதோ பவேத்.
பஶ்சாத் கிங்கரதாமேதி ஸத்யம்ʼ ஸத்யம்ʼ ந ஸம்ʼஶய꞉.
ஶத்ருநாஶகரம்ʼ தேவி ஸர்வஸம்பத்கரம்ʼ ஶுபம்.
ஸர்வதேவஸ்துதே தேவி காலிகே த்வாம்ʼ நமாம்யஹம்.