శరశరాసన- పాశలసత్కరా-
మరుణవర్ణతనుం పరరూపిణీం.
విజయదాం పరమాం మనుజాః సదా
భజత మీనసమానసులోచనాం.
అభినవేందు- శిరస్కృతభూషణా-
ముదితభాస్కర- తుల్యవిచిత్రితాం.
జననిముఖ్యతరాం మనుజాః సదా
భజత మీనసమానసులోచనాం.
అగణితాం పురుషేషు పరోత్తమాం
ప్రణతసజ్జన- రక్షణతత్పరాం.
గుణవతీమగుణాం మనుజాః సదా
భజత మీనసమానసులోచనాం.
విమలగాంధిత- చారుసరోజగా-
మగతవాఙ్మయ- మానసగోచరాం.
అమితసూర్యరుచిం మనుజాః సదా
భజత మీనసమానసులోచనాం.
పరమధామభవాం చ చతుష్కరాం
సురమసుందర- శంకరసంయుతాం.
అతులితాం వరదాం మనుజాః సదా
భజత మీనసమానసులోచనాం.
శ్రీ లక్ష్మీ మంగలాష్టక స్తోత్రం
మంగలం కరుణాపూర్ణే మంగలం భాగ్యదాయిని. మంగలం శ్రీమహాలక్ష....
Click here to know more..గజముఖ స్తుతి
విచక్షణమపి ద్విషాం భయకరం విభుం శంకరం వినీతమజమవ్యయం విధ....
Click here to know more..శక్తి కోసం రాహు గాయత్రీ మంత్రం
ఓం శిరోరూపాయ విద్మహే ఛాయాసుతాయ ధీమహి. తన్నో రాహుః ప్రచో....
Click here to know more..