സങ്കട മോചന ഹനുമാൻ സ്തുതി
വീര! ത്വമാദിഥ രവിം തമസാ ത്രിലോകീ
വ്യാപ്താ ഭയം തദിഹ കോഽപി ന ഹർത്തുമീശഃ.
ദേവൈഃ സ്തുതസ്തമവമുച്യ നിവാരിതാ ഭീ-
ര്ജാനാതി കോ ന ഭുവി സങ്കടമോചനം ത്വാം.
ഭ്രാതുർഭയാ- ദവസദദ്രിവരേ കപീശഃ
ശാപാന്മുനേ രധുവരം പ്രതിവീക്ഷമാണഃ.
ആനീയ തം ത്വമകരോഃ പ്രഭുമാർത്തിഹീനം
ര്ജാനാതി കോ ന ഭുവി സങ്കടമോചനം ത്വാം.
വിജ്ഞാപയഞ്ജനകജാ- സ്ഥിതിമീശവര്യം
സീതാവിമാർഗണ- പരസ്യ കപേർഗണസ്യ.
പ്രാണാൻ രരക്ഷിഥ സമുദ്രതടസ്ഥിതസ്യ
ര്ജാനാതി കോ ന ഭുവി സങ്കടമോചനം ത്വാം.
ശോകാന്വിതാം ജനകജാം കൃതവാനശോകാം
മുദ്രാം സമർപ്യ രഘുനന്ദന- നാമയുക്താം.
ഹത്വാ രിപൂനരിപുരം ഹുതവാൻ കൃശാനൗ
ര്ജാനാതി കോ ന ഭുവി സങ്കടമോചനം ത്വാം.
ശ്രീലക്ഷ്മണം നിഹതവാൻ യുധി മേഘനാദോ
ദ്രോണാചലം ത്വമുദപാടയ ചൗഷധാർഥം.
ആനീയ തം വിഹിതവാനസുമന്തമാശു
ര്ജാനാതി കോ ന ഭുവി സങ്കടമോചനം ത്വാം.
യുദ്ധേ ദശാസ്യവിഹിതേ കില നാഗപാശൈ-
ര്ബദ്ധാം വിലോക്യ പൃതനാം മുമുഹേ ഖരാരിഃ.
ആനീയ നാഗഭുജമാശു നിവാരിതാ ഭീ-
ര്ജാനാതി കോ ന ഭുവി സങ്കടമോചനം ത്വാം.
ഭ്രാത്രാന്വിതം രഘുവരം ത്വഹിലോകമേത്യ
ദേവ്യൈ പ്രദാതുമനസം ത്വഹിരാവണം ത്വാം.
സൈന്യാന്വിതം നിഹതവാന- നിലാത്മജം ദ്രാക്
ര്ജാനാതി കോ ന ഭുവി സങ്കടമോചനം ത്വാം.
വീര! ത്വയാ ഹി വിഹിതം സുരസർവകാര്യം
മത്സങ്കടം കിമിഹ യത്ത്വയകാ ന ഹാര്യം.
ഏതദ് വിചാര്യ ഹര സങ്കടമാശു മേ ത്വം
ര്ജാനാതി കോ ന ഭുവി സങ്കടമോചനം ത്വാം.
Recommended for you
മനീഷാ പഞ്ചകം
പ്രത്യഗ്വസ്തുനി നിസ്തരംഗസഹജാ- നന്ദാവബോധാംബുധൗ വിപ്രോ....
Click here to know more..രാമ പ്രണാമ സ്തോത്രം
വിശ്വേശമാദിത്യസമപ്രകാശം പൃഷത്കചാപേ കരയോർദധാനം. സദാ ഹി ....
Click here to know more..പദാർത്ഥം എന്നൊന്നില്ല എന്ന് ശാസ്ത്രം പറയുന്നു
തരംഗങ്ങള്‍ നമ്മുടെ ഇന്ദ്രിയങ്ങളെ ഉത്തേജിപ്പിക്കുമ്പോ....
Click here to know more..
