ಸೀತಾಪತಿ ಪಂಚಕ ಸ್ತೋತ್ರ
ಭಕ್ತಾಹ್ಲಾದಂ ಸದಸದಮೇಯಂ ಶಾಂತಂ
ರಾಮಂ ನಿತ್ಯಂ ಸವನಪುಮಾಂಸಂ ದೇವಂ.
ಲೋಕಾಧೀಶಂ ಗುಣನಿಧಿಸಿಂಧುಂ ವೀರಂ
ಸೀತಾನಾಥಂ ರಘುಕುಲಧೀರಂ ವಂದೇ.
ಭೂನೇತಾರಂ ಪ್ರಭುಮಜಮೀಶಂ ಸೇವ್ಯಂ
ಸಾಹಸ್ರಾಕ್ಷಂ ನರಹರಿರೂಪಂ ಶ್ರೀಶಂ.
ಬ್ರಹ್ಮಾನಂದಂ ಸಮವರದಾನಂ ವಿಷ್ಣುಂ
ಸೀತಾನಾಥಂ ರಘುಕುಲಧೀರಂ ವಂದೇ.
ಸತ್ತಾಮಾತ್ರಸ್ಥಿತ- ರಮಣೀಯಸ್ವಾಂತಂ
ನೈಷ್ಕಲ್ಯಾಂಗಂ ಪವನಜಹೃದ್ಯಂ ಸರ್ವಂ.
ಸರ್ವೋಪಾಧಿಂ ಮಿತವಚನಂ ತಂ ಶ್ಯಾಮಂ
ಸೀತಾನಾಥಂ ರಘುಕುಲಧೀರಂ ವಂದೇ.
ಪೀಯೂಷೇಶಂ ಕಮಲನಿಭಾಕ್ಷಂ ಶೂರಂ
ಕಂಬುಗ್ರೀವಂ ರಿಪುಹರತುಷ್ಟಂ ಭೂಯಃ.
ದಿವ್ಯಾಕಾರಂ ದ್ವಿಜವರದಾನಂ ಧ್ಯೇಯಂ
ಸೀತಾನಾಥಂ ರಘುಕುಲಧೀರಂ ವಂದೇ.
ಹೇತೋರ್ಹೇತುಂ ಶ್ರುತಿರಸಪೇಯಂ ಧುರ್ಯಂ
ವೈಕುಂಠೇಶಂ ಕವಿವರವಂದ್ಯಂ ಕಾವ್ಯಂ.
ಧರ್ಮೇ ದಕ್ಷಂ ದಶರಥಸೂನುಂ ಪುಣ್ಯಂ
ಸೀತಾನಾಥಂ ರಘುಕುಲಧೀರಂ ವಂದೇ.
Recommended for you
ಸಪ್ತ ನದೀ ಪುಣ್ಯಪದ್ಮ ಸ್ತೋತ್ರ
ಸುರೇಶ್ವರಾರ್ಯಪೂಜಿತಾಂ ಮಹಾನದೀಷು ಚೋತ್ತಮಾಂ ದ್ಯುಲೋಕತಃ ಸಮಾಗ....
Click here to know more..ಶಿವ ಮಂಗಲ ಸ್ತುತಿ
ಭುವನೇ ಸದೋದಿತಂ ಹರಂ ಗಿರಿಶಂ ನಿತಾಂತಮಂಗಲಂ. ಶಿವದಂ ಭುಜಂಗಮಾಲಿನ....
Click here to know more..ಮನಸ್ಸಿನ ಆನಂದಕ್ಕಾಗಿ ಮಂತ್ರ
ಅಁಹೋಮುಚೇ ಪ್ರ ಭರೇಮಾ ಮನೀಷಾಮೋಷಿಷ್ಠದಾವ್ನ್ನೇ ಸುಮತಿಂ ಗೃಣಾನಾ....
Click here to know more..
