ರಾಘವ ಸ್ತುತಿ
ಆಂಜನೇಯಾರ್ಚಿತಂ ಜಾನಕೀರಂಜನಂ
ಭಂಜನಾರಾತಿವೃಂದಾರಕಂಜಾಖಿಲಂ.
ಕಂಜನಾನಂತಖದ್ಯೋತಕಂಜಾರಕಂ
ಗಂಜನಾಖಂಡಲಂ ಖಂಜನಾಕ್ಷಂ ಭಜೇ.
ಕುಂಜರಾಸ್ಯಾರ್ಚಿತಂ ಕಂಜಜೇನ ಸ್ತುತಂ
ಪಿಂಜರಧ್ವಂಸಕಂಜಾರಜಾರಾಧಿತಂ.
ಕುಂಜಗಂಜಾತಕಂಜಾಂಗಜಾಂಗಪ್ರದಂ
ಮಂಜುಲಸ್ಮೇರಸಂಪನ್ನವಕ್ತ್ರಂ ಭಜೇ.
ಬಾಲದೂರ್ವಾದಲಶ್ಯಾಮಲಶ್ರೀತನುಂ
ವಿಕ್ರಮೇಣಾವಭಗ್ನತ್ರಿಶೂಲೀಧನುಂ.
ತಾರಕಬ್ರಹ್ಮನಾಮದ್ವಿವರ್ಣೀಮನುಂ
ಚಿಂತಯಾಮ್ಯೇಕತಾರಿಂತನೂಭೂದನುಂ.
ಕೋಶಲೇಶಾತ್ಮಜಾನಂದನಂ ಚಂದನಾ-
ನಂದದಿಕ್ಸ್ಯಂದನಂ ವಂದನಾನಂದಿತಂ.
ಕ್ರಂದನಾಂದೋಲಿತಾಮರ್ತ್ಯಸಾನಂದದಂ
ಮಾರುತಿಸ್ಯಂದನಂ ರಾಮಚಂದ್ರಂ ಭಜೇ.
ಭೀದರಂತಾಕರಂ ಹಂತೃದೂಷಿನ್ಖರಂ
ಚಿಂತಿತಾಂಘ್ರ್ಯಾಶನೀಕಾಲಕೂಟೀಗರಂ.
ಯಕ್ಷರೂಪೇ ಹರಾಮರ್ತ್ಯದಂಭಜ್ವರಂ
ಹತ್ರಿಯಾಮಾಚರಂ ನೌಮಿ ಸೀತಾವರಂ.
ಶತ್ರುಹೃತ್ಸೋದರಂ ಲಗ್ನಸೀತಾಧರಂ
ಪಾಣವೈರಿನ್ ಸುಪರ್ವಾಣಭೇದಿನ್ ಶರಂ.
ರಾವಣತ್ರಸ್ತಸಂಸಾರಶಂಕಾಹರಂ
ವಂದಿತೇಂದ್ರಾಮರಂ ನೌಮಿ ಸ್ವಾಮಿನ್ನರಂ.
Recommended for you
ಭಯಹಾರಕ ಶಿವ ಸ್ತೋತ್ರ
ವ್ಯೋಮಕೇಶಂ ಕಾಲಕಾಲಂ ವ್ಯಾಲಮಾಲಂ ಪರಾತ್ಪರಂ| ದೇವದೇವಂ ಪ್ರಪನ್ನೋ....
Click here to know more..ಅಚ್ಯುತಾಷ್ಟಕಂ
ಅಚ್ಯುತಂ ಕೇಶವಂ ರಾಮನಾರಾಯಣಂ ಕೃಷ್ಣದಾಮೋದರಂ ವಾಸುದೇವಂ ಹರಿಂ. ಶ....
Click here to know more..ನಕಾರಾತ್ಮಕತೆಯ ವಿರುದ್ಧ ರಕ್ಷಿಸಲು ಶಕ್ತಿಯುತ ನರಸಿಂಹ ಮಂತ್ರ
ಓಂ ನಮೋ ನಾರಸಿಂಹಾಯ ಅಷ್ಟಕೋಟಿಗಂಧರ್ವಗ್ರಹೋಚ್ಚಾಟನಾಯ . ಓಂ ನಮೋ ನ....
Click here to know more..
