രാമ പ്രണാമ സ്തോത്രം
വിശ്വേശമാദിത്യസമപ്രകാശം
പൃഷത്കചാപേ കരയോർദധാനം.
സദാ ഹി സാകേതപുരപ്രദീപ-
മാനന്ദവർധം പ്രണമാമി രാമം.
നാനാഗുണൈർഭൂഷിതമാദിദേവം
ദിവ്യസ്വരൂപം വിമലം മനോജ്ഞം.
ആപത്സു രക്ഷാകരമീശചാപ-
ഭംഗം സുസംഗം പ്രണമാമി രാമം.
സീതാപതിം സർവനതം വിനീതം
സർവസ്വദാതാരമനന്തകീർതിം.
സിദ്ധൈഃ സുയുക്തം സുരസിദ്ധിദാന-
കർതാരമീശം പ്രണമാമി രാമം.
ശുഭപ്രദം ദാശരഥം സ്വയംഭും
ദശാസ്യഹന്താരമുരം സുരേഡ്യം.
കടാക്ഷദൃഷ്ട്യാ കരുണാർദ്രവൃഷ്ടി-
പ്രവർഷണം തം പ്രണമാമി രാമം.
മുദാകരം മോദവിധാനഹേതും
ദുഃസ്വപ്നദാഹീകരധൂമകേതും.
വിശ്വപ്രിയം വിശ്വവിധൂതവന്ദ്യ-
പദാംബുജം തം പ്രണമാമി രാമം.
രാമസ്യ പാഠം സതതം സ്തുതേര്യഃ
കരോതി ഭൂതിം കരുണാം സുരമ്യാം.
പ്രാപ്നോതി സിദ്ധിം വിമലാം ച കീർതി-
മായുർധനം വംശബലേ ഗുണം ച.
Recommended for you
മാരുതി സ്തോത്രം
ഓം നമോ വായുപുത്രായ ഭീമരൂപായ ധീമതേ| നമസ്തേ രാമദൂതായ കാമര....
Click here to know more..ശരവനഭവ സ്തോത്രം
ശക്തിസ്വരൂപായ ശരോദ്ഭവായ ശക്രാർചിതായാഥ ശചീസ്തുതായ. ശമാ....
Click here to know more..പഞ്ചതന്ത്രം - കുഞ്ചന്‍ നമ്പ്യാര്‍
കുഞ്ചന്‍ നമ്പ്യാര്‍ എഴുതിയ പഞ്ചതന്ത്രം....
Click here to know more..
