കൃപാകര രാമ സ്തോത്രം

ആമന്ത്രണം തേ നിഗമോക്തമന്ത്രൈസ്തന്ത്രപ്രവേശായ മനോഹരായ.
ശ്രീരാമചന്ദ്രായ സുഖപ്രദായ കരോമ്യഹം ത്വം കൃപയാ ഗൃഹാണ.
സത്യാധിരാജാർചിതപാദപദ്മ ശ്രീമധ്വസമ്പൂജിത സുന്ദരാംഗ.
ശ്രീഭാർഗവീസന്നുതമന്ദഹാസ ശ്രീവ്യാസദേവായ നമോ നമസ്തേ.
അനന്തരൂപൈരജിതാദിഭിശ്ച പരാദിഭിശ്ശ്രീബൃഹതീസഹസ്രഃ.
വിശ്വാദിഭിശ്ചൈവ സഹസ്രരൂപൈർനാരായണാദ്യഷ്ടശതൈരജാദ്യൈഃ.
ഏകാധിപഞ്ചാശദിതൈശ്ച രൂപൈശ്ശ്രീകേശവാദ്യൈശ്ച ചതുർസ്സുവിംശൈഃ.
മത്സ്യാദിഭിസ്സ്വച്ഛദശസ്വരൂപൈർവിശ്വാദിഭിശ്ചാഷ്ടഭിരഗ്രരൂപൈഃ.
തഥാഽനിരുദ്ധാദിചതുസ്സ്വരൂപൈർഗോബ്രാഹ്മണശ്രീതുലസീനിവാസൈഃ.
മന്ത്രേശരൂപൈഃ പരമാണുപൂർവസംവത്സരാന്താമലകാലരൂപൈഃ.
ജ്ഞാനാദിന്ദൈസ്സ്ഥാവരജംഗമസ്ഥൈരവ്യാകൃതാകാശവിഹാരരൂപൈഃ.
നാരായണാഖ്യേന തഥാഽനിരുദ്ധരൂപേണ സക്ഷ്മോദഗതേന തുഷ്ടൈഃ.
പ്രദ്യുമ്നസങ്കർഷണനാമകാഭ്യാം ഭോക്തൃസ്ഥിതാഭ്യാം ഭുജിശക്തിദാഭ്യാം.
ശ്രീവാസുദേവേന നഭഃസ്ഥിതേന ഹ്യഭീഷ്ടദേനാഖിലസദ്ഗുണേന.
അശ്വാദിസദ്യാനഗതേന നിത്യമാരൂഢരൂപേണ സുസൗഖ്യദേന.
വിശ്വാദിജാഗ്രദ്വിനിയാമകേന സ്വപ്നസ്ഥപാലേന ച തേജസേന.
പ്രാജ്ഞൈന സൗഷുപ്തികപാലകേന തുര്യേണ മൂർധ്നി സ്ഥിതിയുക്പരേണ.
ആത്മാന്തരാത്മേത്യഭിധേന ഹൃത്സ്ഥരൂപദ്വയേനാഖിലസാരഭോക്ത്രാ.
ഹൃത്പദ്മമൂലാഗ്രഗസർവഗൈശ്ച രൂപത്രയേണാഖിലശക്തിഭാജാ .
കൃദ്ധോൽകരൂപൈർഹൃദയാദിസംസ്ഥൈഃ പ്രാണാദിഗൈരന്നമയാദിഗൈശ്ച.
ഇലാവൃതാദ്യാമലഖണ്ഡസംസ്ഥൈഃ പ്ലക്ഷാദിസദ്ദ്വീപസമുദ്രധിഷ്ണ്യൈഃ.
മേരുസ്ഥകിംസ്തുഘ്നഗകാലചക്രഗ്രഹഗ്രഹാനുഗ്രഹിഭിശ്ച ലോകൈഃ.
നാരായണീപൂർവവധൂരുരൂപൈസ്ത്രിധാമഭിർഭാരസുരധാമഭിശ്ച.
ശ്രീമൂലരാമപ്രതിമാദിസംസ്ഥശ്രീരാമചന്ദ്രഖിലസദ്ഗുണാബ്ധേ.
സീതാപതേ ശ്രീപരമാവതാര മാബാദിഭിർബ്രഹ്മമുഖൈശ്ച ദേവൈഃ.
ദിക്പാലകൈസ്സാകമനന്തസൗഖ്യസമ്പൂർണസദ്ഭക്തദയാംബുരാശേ.
സത്യാധിരാജാര്യഹൃദബ്ജവാസ ശ്രീമധ്വഹൃത്പങ്കജകോശവാസ.
മദ്വിംബരൂപേണ ഭവൈക്യശാലീ ചാമന്ത്രിതസ്ത്വദ്യ നമോ നമസ്തേ.
വരാക്ഷതാൻ കാഞ്ചനമുദ്രികാശ്ച മന്ത്രേണ ഹേമ്നശ്ചഷകേ നിധായ.
സീതാപതേ തേ പുരതശ്ശ്രുതേസ്തു പ്രദധ്യുരേവം ഭഗവത്സ്വരൂപം.
ഹിരണ്യരൂപസ്സഹിരണ്യസംവൃദഗപാന്നപാസ്തേദുഹിരണ്യവർണഃ.
ഹിരണ്യയാത്പരിയോനേ നിഷധ്യാ ഹിരണ്യദാദദത്യന്നമസ്മേ.
വസിഷ്യോത്തമവസ്ത്രാണി ഭൂഷണൈരപ്യലങ്കുരു.
കുർവന്നുത്സവമത്യന്തമസ്മദീയം മഖം യജ.
മന്ത്രിതോഽസി ദേവേശ പുരാണപുരുഷോത്തമ.
മന്ത്രേശൈർലോകപാലൈശ്ച സാർധം ദേവഗണൈഃ ശ്രിയാ.
ത്രികാലപൂജാസു ദയാർദ്രദൃഷ്ട്യാ മയാർപിതം ചാർഹണമാശു സത്ത്വം.
ഗൃഹാണ ലോകാധിപതേ രമേശ മമാപരാധാൻ സകലാൻ ക്ഷമസ്വ.