മായേ മഹാമതി ജയേ ഭുവി മംഗലാംഗേ
വീരേ ബിലേശയഗലേ ത്രിപുരേ സുഭദ്രേ.
ഐശ്വര്യദാനവിഭവേ സുമനോരമാജ്ഞേ
കാമാക്ഷിമാതരനിശം മമ ദേഹി സൗഖ്യം.
ശൈലാത്മജേ കമലനാഭസഹോദരി ത്വം
ത്രൈലോക്യമോഹകരണേ സ്മരകോടിരമ്യേ.
കാമപ്രദേ പരമശങ്കരി ചിത്സ്വരൂപേ
കാമാക്ഷിമാതരനിശം മമ ദേഹി സൗഖ്യം.
സർവാർഥസാധക- ധിയാമധിനേത്രി രാമേ
ഭക്താർതിനാശനപരേ-ഽരുണരക്തഗാത്രേ.
സംശുദ്ധകുങ്കുമകണൈരപി പൂജിതാംഗേ
കാമാക്ഷിമാതരനിശം മമ ദേഹി സൗഖ്യം.
ബാണേക്ഷുദണ്ഡ- ശുകഭാരിതശുഭ്രഹസ്തേ
ദേവി പ്രമോദസമഭാവിനി നിത്യയോനേ.
പൂർണാംബുവത്കലശ- ഭാരനതസ്തനാഗ്രേ
കാമാക്ഷിമാതരനിശം മമ ദേഹി സൗഖ്യം.
ചക്രേശ്വരി പ്രമഥനാഥസുരേ മനോജ്ഞേ
നിത്യക്രിയാഗതിരതേ ജനമോക്ഷദാത്രി.
സർവാനുതാപഹരണേ മുനിഹർഷിണി ത്വം
കാമാക്ഷിമാതരനിശം മമ ദേഹി സൗഖ്യം.
ഏകാമ്രനാഥ- സഹധർമ്മിണി ഹേ വിശാലേ
സംശോഭിഹേമ- വിലസച്ഛുഭചൂഡമൗലേ.
ആരാധിതാദിമുനി- ശങ്കരദിവ്യദേഹേ
കാമാക്ഷിമാതരനിശം മമ ദേഹി സൗഖ്യം.
ശിവ നാമാവലി അഷ്ടക സ്തോത്രം
ഹേ ചന്ദ്രചൂഡ മദനാന്തക ശൂലപാണേ സ്ഥാണോ ഗിരീശ ഗിരിജേശ മഹേ....
Click here to know more..വേങ്കടേശ ഋദ്ധി സ്തവം
ശ്രീമന്വൃഷഭശൈലേശ വർധതാം വിജയീ ഭവാൻ. ദിവ്യം ത്വദീയമൈശ്വ....
Click here to know more..പ്രഭാത കീർത്തനം