பகவத் கீதை - அத்தியாயம் 18

அதாஷ்டாதஶோ(அ)த்யாய꞉ .
மோக்ஷஸம்ʼந்யாஸயோக꞉ .

அர்ஜுன உவாச -

ஸம்ʼந்யாஸஸ்ய மஹாபாஹோ தத்த்வமிச்சாமி வேதிதும் .
த்யாகஸ்ய ச ஹ்ருʼஷீகேஶ ப்ருʼதக்கேஶிநிஷூதன ..

ஶ்ரீபகவானுவாச -

காம்யானாம்ʼ கர்மணாம்ʼ ந்யாஸம்ʼ ஸம்ʼந்யாஸம்ʼ கவயோ விது꞉ .
ஸர்வகர்மபலத்யாகம்ʼ ப்ராஹுஸ்த்யாகம்ʼ விசக்ஷணா꞉ ..

த்யாஜ்யம்ʼ தோஷவதித்யேகே கர்ம ப்ராஹுர்மனீஷிண꞉ .
யஜ்ஞதானதப꞉கர்ம ந த்யாஜ்யமிதி சாபரே ..

நிஶ்சயம்ʼ ஶ்ருʼணு மே தத்ர த்யாகே பரதஸத்தம .
த்யாகோ ஹி புருஷவ்யாக்ர த்ரிவித꞉ ஸம்ப்ரகீர்தித꞉ ..

யஜ்ஞதானதப꞉கர்ம ந த்யாஜ்யம்ʼ கார்யமேவ தத் .
யஜ்ஞோ தானம்ʼ தபஶ்சைவ பாவனானி மனீஷிணாம் ..

ஏதான்யபி து கர்மாணி ஸங்கம்ʼ த்யக்த்வா பலானி ச .
கர்தவ்யாநீதி மே பார்த நிஶ்சிதம்ʼ மதமுத்தமம் ..

நியதஸ்ய து ஸம்ʼந்யாஸ꞉ கர்மணோ நோபபத்யதே .
மோஹாத்தஸ்ய பரித்யாகஸ்தாமஸ꞉ பரிகீர்தித꞉ ..

து꞉கமித்யேவ யத்கர்ம காயக்லேஶபயாத்த்யஜேத் .
ஸ க்ருʼத்வா ராஜஸம்ʼ த்யாகம்ʼ நைவ த்யாகபலம்ʼ லபேத் ..

கார்யமித்யேவ யத்கர்ம நியதம்ʼ க்ரியதே(அ)ர்ஜுன .
ஸங்கம்ʼ த்யக்த்வா பலம்ʼ சைவ ஸ த்யாக꞉ ஸாத்த்விகோ மத꞉ ..

ந த்வேஷ்ட்யகுஶலம்ʼ கர்ம குஶலே நானுஷஜ்ஜதே .
த்யாகீ ஸத்த்வஸமாவிஷ்டோ மேதாவீ சின்னஸம்ʼஶய꞉ ..

ந ஹி தேஹப்ருʼதா ஶக்யம்ʼ த்யக்தும்ʼ கர்மாண்யஶேஷத꞉ .
யஸ்து கர்மபலத்யாகீ ஸ த்யாகீத்யபிதீயதே ..

அநிஷ்டமிஷ்டம்ʼ மிஶ்ரம்ʼ ச த்ரிவிதம்ʼ கர்மண꞉ பலம் .
பவத்யத்யாகினாம்ʼ ப்ரேத்ய ந து ஸம்ʼந்யாஸினாம்ʼ க்வசித் ..

பஞ்சைதானி மஹாபாஹோ காரணானி நிபோத மே .
ஸாங்க்யே க்ருʼதாந்தே ப்ரோக்தானி ஸித்தயே ஸர்வகர்மணாம் ..

அதிஷ்டானம்ʼ ததா கர்தா கரணம்ʼ ச ப்ருʼதக்விதம் .
விவிதாஶ்ச ப்ருʼதக்சேஷ்டா தைவம்ʼ சைவாத்ர பஞ்சமம் ..

ஶரீரவாங்மனோபிர்யத்கர்ம ப்ராரபதே நர꞉ .
ந்யாய்யம்ʼ வா விபரீதம்ʼ வா பஞ்சைதே தஸ்ய ஹேதவ꞉ ..

தத்ரைவம்ʼ ஸதி கர்தாரமாத்மானம்ʼ கேவலம்ʼ து ய꞉ .
பஶ்யத்யக்ருʼதபுத்தித்வான்ன ஸ பஶ்யதி துர்மதி꞉ ..

யஸ்ய நாஹங்க்ருʼதோ பாவோ புத்திர்யஸ்ய ந லிப்யதே .
ஹத்வா(அ)பி ஸ இமாம்ˮல்லோகான்ன ஹந்தி ந நிபத்யதே ..

ஜ்ஞானம்ʼ ஜ்ஞேயம்ʼ பரிஜ்ஞாதா த்ரிவிதா கர்மசோதனா .
கரணம்ʼ கர்ம கர்தேதி த்ரிவித꞉ கர்மஸங்க்ரஹ꞉ ..

ஜ்ஞானம்ʼ கர்ம ச கர்தா ச த்ரிதைவ குணபேதத꞉ .
ப்ரோச்யதே குணஸங்க்யானே யதாவச்ச்ருʼணு தான்யபி ..

ஸர்வபூதேஷு யேனைகம்ʼ பாவமவ்யயமீக்ஷதே .
அவிபக்தம்ʼ விபக்தேஷு தஜ்ஜ்ஞானம்ʼ வித்தி ஸாத்த்விகம் ..

ப்ருʼதக்த்வேன து யஜ்ஜ்ஞானம்ʼ நாநாபாவான்ப்ருʼதக்விதான் .
வேத்தி ஸர்வேஷு பூதேஷு தஜ்ஜ்ஞானம்ʼ வித்தி ராஜஸம் ..

யத்து க்ருʼத்ஸ்னவதேகஸ்மின்கார்யே ஸக்தமஹைதுகம் .
அதத்த்வார்தவதல்பம்ʼ ச தத்தாமஸமுதாஹ்ருʼதம் ..

நியதம்ʼ ஸங்கரஹிதமராகத்வேஷத꞉ க்ருʼதம் .
அபலப்ரேப்ஸுனா கர்ம யத்தத்ஸாத்த்விகமுச்யதே ..

யத்து காமேப்ஸுனா கர்ம ஸாஹங்காரேண வா புன꞉ .
க்ரியதே பஹுலாயாஸம்ʼ தத்ராஜஸமுதாஹ்ருʼதம் ..

அனுபந்தம்ʼ க்ஷயம்ʼ ஹிம்ʼஸாமனபேக்ஷ்ய ச பௌருஷம் .
மோஹாதாரப்யதே கர்ம யத்தத்தாமஸமுச்யதே ..

முக்தஸங்கோ(அ)னஹம்ʼவாதீ த்ருʼத்யுத்ஸாஹஸமன்வித꞉ .
ஸித்த்யஸித்த்யோர்நிர்விகார꞉ கர்தா ஸாத்த்விக உச்யதே ..

ராகீ கர்மபலப்ரேப்ஸுர்லுப்தோ ஹிம்ʼஸாத்மகோ(அ)ஶுசி꞉ .
ஹர்ஷஶோகான்வித꞉ கர்தா ராஜஸ꞉ பரிகீர்தித꞉ ..

அயுக்த꞉ ப்ராக்ருʼத꞉ ஸ்தப்த꞉ ஶடோ நைஷ்க்ருʼதிகோ(அ)லஸ꞉ .
விஷாதீ தீர்கஸூத்ரீ ச கர்தா தாமஸ உச்யதே ..

புத்தேர்பேதம்ʼ த்ருʼதேஶ்சைவ குணதஸ்த்ரிவிதம்ʼ ஶ்ருʼணு .
ப்ரோச்யமானமஶேஷேண ப்ருʼதக்த்வேன தனஞ்ஜய ..

ப்ரவ்ருʼத்திம்ʼ ச நிவ்ருʼத்திம்ʼ ச கார்யாகார்யே பயாபயே .
பந்தம்ʼ மோக்ஷம்ʼ ச யா வேத்தி புத்தி꞉ ஸா பார்த ஸாத்த்விகீ ..

யயா தர்மமதர்மம்ʼ ச கார்யம்ʼ சாகார்யமேவ ச .
அயதாவத்ப்ரஜானாதி புத்தி꞉ ஸா பார்த ராஜஸீ ..

அதர்மம்ʼ தர்மமிதி யா மன்யதே தமஸாவ்ருʼதா .
ஸர்வார்தான்விபரீதாம்ʼஶ்ச புத்தி꞉ ஸா பார்த தாமஸீ ..

த்ருʼத்யா யயா தாரயதே மன꞉ப்ராணேந்த்ரியக்ரியா꞉ .
யோகேனாவ்யபிசாரிண்யா த்ருʼதி꞉ ஸா பார்த ஸாத்த்விகீ ..

யயா து தர்மகாமார்தாந்த்ருʼத்யா தாரயதே(அ)ர்ஜுன .
ப்ரஸங்கேன பலாகாங்க்ஷீ த்ருʼதி꞉ ஸா பார்த ராஜஸீ ..

யயா ஸ்வப்னம்ʼ பயம்ʼ ஶோகம்ʼ விஷாதம்ʼ மதமேவ ச .
ந விமுஞ்சதி துர்மேதா த்ருʼதி꞉ ஸா பார்த தாமஸீ ..

ஸுகம்ʼ த்விதானீம்ʼ த்ரிவிதம்ʼ ஶ்ருʼணு மே பரதர்ஷப .
அப்யாஸாத்ரமதே யத்ர து꞉காந்தம்ʼ ச நிகச்சதி ..

யத்ததக்ரே விஷமிவ பரிணாமே(அ)ம்ருʼதோபமம் .
தத்ஸுகம்ʼ ஸாத்த்விகம்ʼ ப்ரோக்தமாத்மபுத்திப்ரஸாதஜம் ..

விஷயேந்த்ரியஸம்ʼயோகாத்யத்ததக்ரே(அ)ம்ருʼதோபமம் .
பரிணாமே விஷமிவ தத்ஸுகம்ʼ ராஜஸம்ʼ ஸ்ம்ருʼதம் ..

யதக்ரே சானுபந்தே ச ஸுகம்ʼ மோஹனமாத்மன꞉ .
நித்ராலஸ்யப்ரமாதோத்தம்ʼ தத்தாமஸமுதாஹ்ருʼதம் ..

ந ததஸ்தி ப்ருʼதிவ்யாம்ʼ வா திவி தேவேஷு வா புன꞉ .
ஸத்த்வம்ʼ ப்ரக்ருʼதிஜைர்முக்தம்ʼ யதேபி꞉ ஸ்யாத்த்ரிபிர்குணை꞉ ..

ப்ராஹ்மணக்ஷத்ரியவிஶாம்ʼ ஶூத்ராணாம்ʼ ச பரந்தப .
கர்மாணி ப்ரவிபக்தானி ஸ்வபாவப்ரபவைர்குணை꞉ ..

ஶமோ தமஸ்தப꞉ ஶௌசம்ʼ க்ஷாந்திரார்ஜவமேவ ச .
ஜ்ஞானம்ʼ விஜ்ஞானமாஸ்திக்யம்ʼ ப்ரஹ்மகர்ம ஸ்வபாவஜம் ..

ஶௌர்யம்ʼ தேஜோ த்ருʼதிர்தாக்ஷ்யம்ʼ யுத்தே சாப்யபலாயனம் .
தானமீஶ்வரபாவஶ்ச க்ஷாத்ரம்ʼ கர்ம ஸ்வபாவஜம் ..

க்ருʼஷிகௌரக்ஷ்யவாணிஜ்யம்ʼ வைஶ்யகர்ம ஸ்வபாவஜம் .
பரிசர்யாத்மகம்ʼ கர்ம ஶூத்ரஸ்யாபி ஸ்வபாவஜம் ..

ஸ்வே ஸ்வே கர்மண்யபிரத꞉ ஸம்ʼஸித்திம்ʼ லபதே நர꞉ .
ஸ்வகர்மநிரத꞉ ஸித்திம்ʼ யதா விந்ததி தச்ச்ருʼணு ..

யத꞉ ப்ரவ்ருʼத்திர்பூதானாம்ʼ யேன ஸர்வமிதம்ʼ ததம் .
ஸ்வகர்மணா தமப்யர்ச்ய ஸித்திம்ʼ விந்ததி மானவ꞉ ..

ஶ்ரேயான்ஸ்வதர்மோ விகுண꞉ பரதர்மாத்ஸ்வனுஷ்டிதாத் .
ஸ்வபாவநியதம்ʼ கர்ம குர்வன்னாப்னோதி கில்பிஷம் ..

ஸஹஜம்ʼ கர்ம கௌந்தேய ஸதோஷமபி ந த்யஜேத் .
ஸர்வாரம்பா ஹி தோஷேண தூமேநாக்நிரிவாவ்ருʼதா꞉ ..

அஸக்தபுத்தி꞉ ஸர்வத்ர ஜிதாத்மா விகதஸ்ப்ருʼஹ꞉ .
நைஷ்கர்ம்யஸித்திம்ʼ பரமாம்ʼ ஸம்ʼந்யாஸேனாதிகச்சதி ..

ஸித்திம்ʼ ப்ராப்தோ யதா ப்ரஹ்ம ததாப்னோதி நிபோத மே .
ஸமாஸேனைவ கௌந்தேய நிஷ்டா ஜ்ஞானஸ்ய யா பரா ..

புத்த்யா விஶுத்தயா யுக்தோ த்ருʼத்யாத்மானம்ʼ நியம்ய ச .
ஶப்தாதீன்விஷயாம்ʼஸ்த்யக்த்வா ராகத்வேஷௌ வ்யுதஸ்ய ச ..

விவிக்தஸேவீ லக்வாஶீ யதவாக்காயமானஸ꞉ .
த்யானயோகபரோ நித்யம்ʼ வைராக்யம்ʼ ஸமுபாஶ்ரித꞉ ..

அஹங்காரம்ʼ பலம்ʼ தர்பம்ʼ காமம்ʼ க்ரோதம்ʼ பரிக்ரஹம் .
விமுச்ய நிர்மம꞉ ஶாந்தோ ப்ரஹ்மபூயாய கல்பதே ..

ப்ரஹ்மபூத꞉ ப்ரஸன்னாத்மா ந ஶோசதி ந காங்க்ஷதி .
ஸம꞉ ஸர்வேஷு பூதேஷு மத்பக்திம்ʼ லபதே பராம் ..

பக்த்யா மாமபிஜானாதி யாவான்யஶ்சாஸ்மி தத்த்வத꞉ .
ததோ மாம்ʼ தத்த்வதோ ஜ்ஞாத்வா விஶதே ததனந்தரம் ..

ஸர்வகர்மாண்யபி ஸதா குர்வாணோ மத்வ்யபாஶ்ரய꞉ .
மத்ப்ரஸாதாதவாப்னோதி ஶாஶ்வதம்ʼ பதமவ்யயம் ..

சேதஸா ஸர்வகர்மாணி மயி ஸம்ʼந்யஸ்ய மத்பர꞉ .
புத்தியோகமுபாஶ்ரித்ய மச்சித்த꞉ ஸததம்ʼ பவ ..

மச்சித்த꞉ ஸர்வதுர்காணி மத்ப்ரஸாதாத்தரிஷ்யஸி .
அத சேத்த்வமஹங்காரான்ன ஶ்ரோஷ்யஸி வினங்க்ஷ்யஸி ..

யதஹங்காரமாஶ்ரித்ய ந யோத்ஸ்ய இதி மன்யஸே .
மித்யைஷ வ்யவஸாயஸ்தே ப்ரக்ருʼதிஸ்த்வாம்ʼ நியோக்ஷ்யதி ..

ஸ்வபாவஜேன கௌந்தேய நிபத்த꞉ ஸ்வேன கர்மணா .
கர்தும்ʼ நேச்சஸி யன்மோஹாத்கரிஷ்யஸ்யவஶோ(அ)பி தத் ..

ஈஶ்வர꞉ ஸர்வபூதானாம்ʼ ஹ்ருʼத்தேஶே(அ)ர்ஜுன திஷ்டதி .
ப்ராமயன்ஸர்வபூதானி யந்த்ராரூடானி மாயயா ..

தமேவ ஶரணம்ʼ கச்ச ஸர்வபாவேன பாரத .
தத்ப்ரஸாதாத்பராம்ʼ ஶாந்திம்ʼ ஸ்தானம்ʼ ப்ராப்ஸ்யஸி ஶாஶ்வதம் ..

இதி தே ஜ்ஞானமாக்யாதம்ʼ குஹ்யாத்குஹ்யதரம்ʼ மயா .
விம்ருʼஶ்யைததஶேஷேண யதேச்சஸி ததா குரு ..

ஸர்வகுஹ்யதமம்ʼ பூய꞉ ஶ்ருʼணு மே பரமம்ʼ வச꞉ .
இஷ்டோ(அ)ஸி மே த்ருʼடமிதி ததோ வக்ஷ்யாமி தே ஹிதம் ..

மன்மனா பவ மத்பக்தோ மத்யாஜீ மாம்ʼ நமஸ்குரு .
மாமேவைஷ்யஸி ஸத்யம்ʼ தே ப்ரதிஜானே ப்ரியோ(அ)ஸி மே ..

ஸர்வதர்மான்பரித்யஜ்ய மாமேகம்ʼ ஶரணம்ʼ வ்ரஜ .
அஹம்ʼ த்வா ஸர்வபாபேப்யோ மோக்ஷயிஷ்யாமி மா ஶுச꞉ ..

இதம்ʼ தே நாதபஸ்காய நாபக்தாய கதாசன .
ந சாஶுஶ்ரூஷவே வாச்யம்ʼ ந ச மாம்ʼ யோ(அ)ப்யஸூயதி ..

ய இதம்ʼ பரமம்ʼ குஹ்யம்ʼ மத்பக்தேஷ்வபிதாஸ்யதி .
பக்திம்ʼ மயி பராம்ʼ க்ருʼத்வா மாமேவைஷ்யத்யஸம்ʼஶய꞉ ..

ந ச தஸ்மான்மனுஷ்யேஷு கஶ்சின்மே ப்ரியக்ருʼத்தம꞉ .
பவிதா ந ச மே தஸ்மாதன்ய꞉ ப்ரியதரோ புவி ..

அத்யேஷ்யதே ச ய இமம்ʼ தர்ம்யம்ʼ ஸம்ʼவாதமாவயோ꞉ .
ஜ்ஞானயஜ்ஞேன தேனாஹமிஷ்ட꞉ ஸ்யாமிதி மே மதி꞉ ..

ஶ்ரத்தாவானனஸூயஶ்ச ஶ்ருʼணுயாதபி யோ நர꞉ .
ஸோ(அ)பி முக்த꞉ ஶுபாம்ˮல்லோகான்ப்ராப்னுயாத்புண்யகர்மணாம் ..

கச்சிதேதச்ச்ருதம்ʼ பார்த த்வயைகாக்ரேண சேதஸா .
கச்சிதஜ்ஞானஸம்மோஹ꞉ ப்ரநஷ்டஸ்தே தனஞ்ஜய ..

அர்ஜுன உவாச -

நஷ்டோ மோஹ꞉ ஸ்ம்ருʼதிர்லப்தா த்வத்ப்ரஸாதான்மயாச்யுத .
ஸ்திதோ(அ)ஸ்மி கதஸந்தேஹ꞉ கரிஷ்யே வசனம்ʼ தவ ..

ஸஞ்ஜய உவாச -

இத்யஹம்ʼ வாஸுதேவஸ்ய பார்தஸ்ய ச மஹாத்மன꞉ .
ஸம்ʼவாதமிமமஶ்ரௌஷமத்புதம்ʼ ரோமஹர்ஷணம் ..

வ்யாஸப்ரஸாதாச்ச்ருதவானேதத்குஹ்யமஹம்ʼ பரம் .
யோகம்ʼ யோகேஶ்வராத்க்ருʼஷ்ணாத்ஸாக்ஷாத்கதயத꞉ ஸ்வயம் ..

ராஜன்ஸம்ʼஸ்ம்ருʼத்ய ஸம்ʼஸ்ம்ருʼத்ய ஸம்ʼவாதமிமமத்புதம் .
கேஶவார்ஜுனயோ꞉ புண்யம்ʼ ஹ்ருʼஷ்யாமி ச முஹுர்முஹு꞉ ..

தச்ச ஸம்ʼஸ்ம்ருʼத்ய ஸம்ʼஸ்ம்ருʼத்ய ரூபமத்யத்புதம்ʼ ஹரே꞉ .
விஸ்மயோ மே மஹான் ராஜன்ஹ்ருʼஷ்யாமி ச புன꞉ புன꞉ ..

யத்ர யோகேஶ்வர꞉ க்ருʼஷ்ணோ யத்ர பார்தோ தனுர்தர꞉ .
தத்ர ஶ்ரீர்விஜயோ பூதிர்த்ருவா நீதிர்மதிர்மம ..

ௐ தத்ஸதிதி ஶ்ரீமத்பகவத்கீதோபநிஷத்ஸு
ப்ரஹ்மவித்யாயாம்ʼ யோகஶாஸ்த்ரே ஶ்ரீக்ருʼஷ்ணார்ஜுனஸம்ʼவாதே
மோக்ஷஸம்ʼந்யாஸயோகோ நாம அஷ்டாதஶோ(அ)த்யாய꞉ ..

Ramaswamy Sastry and Vighnesh Ghanapaathi

Other stotras