பகவத் கீதை - அத்தியாயம் 16

அத ஷோடஶோ(அ)த்யாய꞉ .
தைவாஸுரஸம்பத்விபாகயோக꞉ .

ஶ்ரீபகவானுவாச -

அபயம்ʼ ஸத்த்வஸம்ʼஶுத்திர்ஜ்ஞானயோகவ்யவஸ்திதி꞉ .
தானம்ʼ தமஶ்ச யஜ்ஞஶ்ச ஸ்வாத்யாயஸ்தப ஆர்ஜவம் ..

அஹிம்ʼஸா ஸத்யமக்ரோதஸ்த்யாக꞉ ஶாந்திரபைஶுனம் .
தயா பூதேஷ்வலோலுப்த்வம்ʼ மார்தவம்ʼ ஹ்ரீரசாபலம் ..

தேஜ꞉ க்ஷமா த்ருʼதி꞉ ஶௌசமத்ரோஹோ நாதிமானிதா .
பவந்தி ஸம்பதம்ʼ தைவீமபிஜாதஸ்ய பாரத ..

தம்போ தர்போ(அ)பிமானஶ்ச க்ரோத꞉ பாருஷ்யமேவ ச .
அஜ்ஞானம்ʼ சாபிஜாதஸ்ய பார்த ஸம்பதமாஸுரீம் ..

தைவீ ஸம்பத்விமோக்ஷாய நிபந்தாயாஸுரீ மதா .
மா ஶுச꞉ ஸம்பதம்ʼ தைவீமபிஜாதோ(அ)ஸி பாண்டவ ..

த்வௌ பூதஸர்கௌ லோகே(அ)ஸ்மிந்தைவ ஆஸுர ஏவ ச .
தைவோ விஸ்தரஶ꞉ ப்ரோக்த ஆஸுரம்ʼ பார்த மே ஶ்ருʼணு ..

ப்ரவ்ருʼத்திம்ʼ ச நிவ்ருʼத்திம்ʼ ச ஜனா ந விதுராஸுரா꞉ .
ந ஶௌசம்ʼ நாபி சாசாரோ ந ஸத்யம்ʼ தேஷு வித்யதே ..

அஸத்யமப்ரதிஷ்டம்ʼ தே ஜகதாஹுரனீஶ்வரம் .
அபரஸ்பரஸம்பூதம்ʼ கிமன்யத்காமஹைதுகம் ..

ஏதாம்ʼ த்ருʼஷ்டிமவஷ்டப்ய நஷ்டாத்மானோ(அ)ல்பபுத்தய꞉ .
ப்ரபவந்த்யுக்ரகர்மாண꞉ க்ஷயாய ஜகதோ(அ)ஹிதா꞉ ..

காமமாஶ்ரித்ய துஷ்பூரம்ʼ தம்பமானமதான்விதா꞉ .
மோஹாத்க்ருʼஹீத்வாஸத்க்ராஹான்ப்ரவர்தந்தே(அ)ஶுசிவ்ரதா꞉ ..

சிந்தாமபரிமேயாம்ʼ ச ப்ரலயாந்தாமுபாஶ்ரிதா꞉ .
காமோபபோகபரமா ஏதாவதிதி நிஶ்சிதா꞉ ..

ஆஶாபாஶஶதைர்பத்தா꞉ காமக்ரோதபராயணா꞉ .
ஈஹந்தே காமபோகார்தமந்யாயேனார்தஸஞ்சயான் ..

இதமத்ய மயா லப்தமிமம்ʼ ப்ராப்ஸ்யே மனோரதம் .
இதமஸ்தீதமபி மே பவிஷ்யதி புனர்தனம் ..

அஸௌ மயா ஹத꞉ ஶத்ருர்ஹநிஷ்யே சாபரானபி .
ஈஶ்வரோ(அ)ஹமஹம்ʼ போகீ ஸித்தோ(அ)ஹம்ʼ பலவான்ஸுகீ ..

ஆட்யோ(அ)பிஜனவானஸ்மி கோ(அ)ன்யோ(அ)ஸ்தி ஸத்ருʼஶோ மயா .
யக்ஷ்யே தாஸ்யாமி மோதிஷ்ய இத்யஜ்ஞானவிமோஹிதா꞉ ..

அனேகசித்தவிப்ராந்தா மோஹஜாலஸமாவ்ருʼதா꞉ .
ப்ரஸக்தா꞉ காமபோகேஷு பதந்தி நரகே(அ)ஶுசௌ ..

ஆத்மஸம்பாவிதா꞉ ஸ்தப்தா தனமானமதான்விதா꞉ .
யஜந்தே நாமயஜ்ஞைஸ்தே தம்பேனாவிதிபூர்வகம் ..

அஹங்காரம்ʼ பலம்ʼ தர்பம்ʼ காமம்ʼ க்ரோதம்ʼ ச ஸம்ʼஶ்ரிதா꞉ .
மாமாத்மபரதேஹேஷு ப்ரத்விஷந்தோ(அ)ப்யஸூயகா꞉ ..

தானஹம்ʼ த்விஷத꞉ க்ரூரான்ஸம்ʼஸாரேஷு நராதமான் .
க்ஷிபாம்யஜஸ்ரமஶுபானாஸுரீஷ்வேவ யோநிஷு ..

ஆஸுரீம்ʼ யோனிமாபன்னா மூடா ஜன்மனி ஜன்மனி .
மாமப்ராப்யைவ கௌந்தேய ததோ யாந்த்யதமாம்ʼ கதிம் ..

த்ரிவிதம்ʼ நரகஸ்யேதம்ʼ த்வாரம்ʼ நாஶனமாத்மன꞉ .
காம꞉ க்ரோதஸ்ததா லோபஸ்தஸ்மாதேதத்த்ரயம்ʼ த்யஜேத் ..

ஏதைர்விமுக்த꞉ கௌந்தேய தமோத்வாரைஸ்த்ரிபிர்னர꞉ .
ஆசரத்யாத்மன꞉ ஶ்ரேயஸ்ததோ யாதி பராம்ʼ கதிம் ..

ய꞉ ஶாஸ்த்ரவிதிமுத்ஸ்ருʼஜ்ய வர்ததே காமகாரத꞉ .
ந ஸ ஸித்திமவாப்னோதி ந ஸுகம்ʼ ந பராம்ʼ கதிம் ..

தஸ்மாச்சாஸ்த்ரம்ʼ ப்ரமாணம்ʼ தே கார்யாகார்யவ்யவஸ்திதௌ .
ஜ்ஞாத்வா ஶாஸ்த்ரவிதானோக்தம்ʼ கர்ம கர்துமிஹார்ஹஸி ..

ௐ தத்ஸதிதி ஶ்ரீமத்பகவத்கீதோபநிஷத்ஸு
ப்ரஹ்மவித்யாயாம்ʼ யோகஶாஸ்த்ரே ஶ்ரீக்ருʼஷ்ணார்ஜுனஸம்ʼவாதே
தைவாஸுரஸம்பத்விபாகயோகோ நாம ஷோடஶோ(அ)த்யாய꞉ ..

Ramaswamy Sastry and Vighnesh Ghanapaathi

Other stotras