ഹനുമത് ക്രീഡാ സ്തോത്രം

നമാമി രാമദൂതം ച ഹനൂമന്തം മഹാബലം . 
ശൗര്യവീര്യസമായുക്തം വിക്രാന്തം പവനാത്മജം ..

ക്രീഡാസു ജയദാനം ച യശസാഽപി സമന്വിതം . 
സമർഥം സർവകാര്യേഷു ഭജാമി കപിനായകം ..

ക്രീഡാസു ദേഹി മേ സിദ്ധിം ജയം ദേഹി ച സത്ത്വരം . 
വിഘ്നാൻ വിനാശയാശേഷാൻ ഹനുമൻ ബലിനാം വര ..

ബലം ദേഹി മമ സ്ഥൈര്യം ധൈര്യം സാഹസമേവ ച . 
സന്മാർഗേണ നയ ത്വം മാം ക്രീഡാസിദ്ധിം പ്രയച്ഛ മേ ..

വായുപുത്ര മഹാവീര സ്പർധായാം ദേഹി മേ ജയം .
ത്വം ഹി മേ ഹൃദയസ്ഥായീ കൃപയാ പരിപാലയ ..

ഹനുമാൻ രക്ഷ മാം നിത്യം വിജയം ദേഹി സർവദാ . 
ക്രീഡായാം ച യശോ ദേഹി ത്വം ഹി സർവസമർഥകഃ ..

യഃ പഠേദ്ഭക്തിമാൻ നിത്യം ഹനൂമത്സ്തോത്രമുത്തമം .
ക്രീഡാസു ജയമാപ്നോതി രാജസമ്മാനമുത്തമം ..

Ramaswamy Sastry and Vighnesh Ghanapaathi

Other stotras