ഷണ്മുഖ ഭുജംഗ സ്തോത്രം

സ്മിതന്യക്കൃതേന്ദുപ്രഭാകുന്ദപുഷ്പം
സിതാഭ്രാഗരുപ്രഷ്ഠഗന്ധാനുലിപ്തം .
ശ്രിതാശേഷലോകേഷ്ടദാനാമരദ്രും
സദാ ഷണ്മുഖം ഭാവയേ ഹൃത്സരോജേ ..

ശരീരേന്ദ്രിയാദാവഹംഭാവജാതാൻ
ഷഡൂർമീർവികാരാംശ്ച ശത്രൂന്നിഹന്തും .
നതാനാം ദധേ യസ്തമാസ്യാബ്ജഷട്കം
സദാ ഷണ്മുഖം ഭാവയേ ഹൃത്സരോജേ ..

അപർണാഖ്യവല്ലീസമാശ്ലേഷയോഗാത്
പുരാ സ്ഥാണുതോ യോഽജനിഷ്ടാമരാർഥം .
വിശാഖം നഗേ വല്ലികാഽഽലിംഗിതം തം
സദാ ഷണ്മുഖം ഭാവയേ ഹൃത്സരോജേ ..

ഗുകാരേണ വാച്യം തമോ ബാഹ്യമന്തഃ
സ്വദേഹാഭയാ ജ്ഞാനദാനേന ഹന്തി .
യ ഏനം ഗുഹം വേദശീർഷൈകമേയം
സദാ ഷണ്മുഖം ഭാവയേ ഹൃത്സരോജേ ..

യതഃ കർമമാർഗോ ഭുവി ഖ്യാപിതസ്തം
സ്വനൃത്യേ നിമിത്തസ്യ ഹേതും വിദിത്വാ .
വഹത്യാദരാന്മേഘനാദാനുലാസീ
സദാ ഷണ്മുഖം ഭാവയേ ഹൃത്സരോജേ ..

കൃപാവാരിരാശിർനൃണാമാസ്തികത്വം
ദൃഢം കർതുമദ്യാപി യഃ കുക്കുടാദീൻ .
ഭൃശം പാചിതാൻ ജീവയന്രാജതേ തം
സദാ ഷണ്മുഖം ഭാവയേ ഹൃത്സരോജേ ..

ഭുജംഗപ്രയാതേന വൃത്തേന ക്ലൃപ്താം
സ്തുതിം ഷണ്മുഖസ്യാദരാദ്യേ പഠന്തി .
സുപുത്രായുരാരോഗ്യസമ്പദ്വിശിഷ്ടാൻ
കരോത്യേവ താൻ ഷണ്മുഖഃ സദ്വിദഗ്ര്യാൻ ..

Ramaswamy Sastry and Vighnesh Ghanapaathi

Other stotras