കാർതികേയ സ്തുതി
ഭാസ്വദ്വജ്രപ്രകാശോ ദശശതനയനേനാർചിതോ വജ്രപാണിഃ
ഭാസ്വന്മുക്താ- സുവർണാംഗദമുകുടധരോ ദിവ്യഗന്ധോജ്ജ്വലാംഗഃ.
പാവഞ്ജേശോ ഗുണാഢ്യോ ഹിമഗിരിതനയാനന്ദനോ വഹ്നിജാതഃ
പാതു ശ്രീകാർതികേയോ നതജനവരദോ ഭക്തിഗമ്യോ ദയാലുഃ.
സേനാനീർദേവസേനാ- പതിരമരവരൈഃ സന്തതം പൂജിതാംഘ്രിഃ
സേവ്യോ ബ്രഹ്മർഷിമുഖ്യൈർവിഗതകലി- മലൈർജ്ഞാനിഭിർമോക്ഷകാമൈഃ.
സംസാരാബ്ധൗ നിമഗ്നൈർഗൃഹസുഖരതിഭിഃ പൂജിതോ ഭക്തവൃന്ദൈഃ
സമ്യക് ശ്രീശംഭുസൂനുഃ കലയതു കുശലം ശ്രീമയൂരാധിരൂഢഃ.
ലോകാംസ്ത്രീൻ പീഡയന്തം ദിതിദനുജപതിം താരകം ദേവശത്രും
ലോകേശാത്പ്രാപ്തസിദ്ധിം ശിതകനകശരൈർലീലയാ നാശയിത്വാ.
ബ്രഹ്മേന്ദ്രാദ്യാദിതേയൈ- ര്മണിഗണഖചിതേ ഹേമസിംഹാസനേ യോ
ബ്രഹ്മണ്യഃ പാതു നിത്യം പരിമലവിലസത്-പുഷ്പവൃഷ്ട്യാഽഭിഷിക്തഃ.
യുദ്ധേ ദേവാസുരാണാ- മനിമിഷപതിനാ സ്ഥാപിതോ യൂഥപത്വേ
യുക്തഃ കോദണ്ഡബാണാസി- കുലിശപരിഘൈഃ സേനയാ ദേവതാനാം.
ഹത്വാ ദൈത്യാൻപ്രമത്താൻ ജയനിനദയുതൈ- ര്മംഗലൈർവാദ്യഘോഷൈഃ
ഹസ്തിശ്രേഷ്ഠാധിരൂഢോ വിബുധയുവതിഭിർവീജിതഃ പാതു യുക്തഃ.
ശ്രീഗൗരീകാന്തപുത്രം സുരപതനയയാ വിഷ്ണുപുത്ര്യാ ച യുക്തം
ശ്രീസ്കന്ദം താമ്രചൂഡാ- ഭയകുലിശധരം ശക്തിഹസ്തം കുമാരം.
ഷഡ്ഗ്രീവം മഞ്ജുവേഷം ത്രിദിവവരസുമസ്രഗ്ധരം ദേവദേവം
ഷഡ്വക്ത്രം ദ്വാദശാക്ഷം ഗണപതിസഹജം താരകാരിം നമാമി.
കൈലാസോത്തുംഗശൃംഗേ പ്രമഥസുരഗണൈഃ പൂജിതം വാരിവാഹം
കൈലാസാദ്രീശപുത്രം മുനിജനഹൃദയാനന്ദനം വാരിജാക്ഷം.
ഗന്ധാഡ്യാം പാരിജാതപ്രഭൃതി- സുമകൃതാം മാലികാം ധാരയന്തം
ഗംഗാപത്യം ഭജേഽഹം ഗുഹമമരനുതം തപ്തജാംബൂനദാഭം.
ഭക്തേഷ്ടാർഥപ്രദാനേ നിരതമഭയദം ജ്ഞാനശക്തിം സുരേശം
ഭക്ത്യാ നിത്യം സുരർഷിപ്രമുഖ- മുനിഗണൈരർചിതം രക്തവർണം.
വന്ദ്യം ഗന്ധർവമുഖ്യൈർഭവ- ജലധിതരിം പീതകൗശേയവസ്ത്രം
വന്ദേ ശ്രീബാഹുലേയം മദനരിപുസുതം കോടിചന്ദ്രപ്രകാശം.
തപ്തസ്വർണാഭകായം മധുരിപുതനയാ- കാന്തമംഭോജനേത്രം
തത്ത്വജ്ഞം ചന്ദ്രമൗലിപ്രിയസുത- മിഭവക്ത്രാനുജം ശക്തിപാണിം.
ഗാംഗേയം കാർതികേയം സ്മരസദൃശവപും രത്നഹാരോജ്ജ്വലാംഗം
ഗാനപ്രേമം ശുഭാംഗം സ്മിതരുചിരമുഖം ചാരുഭൂഷം നമാമി.
ധ്യായേദ്ബാലാർകകാന്തിം ശരവനജനിതം പാർവതീപ്രീതിപുത്രം
ധ്യാനപ്രേമം കൃപാലും വരദമഘഹരം പുണ്യരൂപം പവിത്രം.
നിത്യാനന്ദം വരേണ്യം രജതഗിരിവരോത്തുംഗ- ശൃംഗാധിവാസം
നിത്യം ദേവർഷിവന്ദ്യം ഭവഹരമമലം വേദവേദ്യം പുരാണം.
Recommended for you
ഗണനായക സ്തോത്രം
ഗുണഗ്രാമാർചിതോ നേതാ ക്രിയതേ സ്വോ ജനൈരിതി। ഗണേശത്വേന ശം....
Click here to know more..ലക്ഷ്മീ ദ്വാദശ നാമ സ്തോത്രം
ശ്രീഃ പദ്മാ കമലാ മുകുന്ദമഹിഷീ ലക്ഷ്മീസ്ത്രിലോകേശ്വരീ ....
Click here to know more..വാസ്തുപുരുഷന്‍റെ അനുഗ്രഹം തേടി പ്രാര്‍ഥന
Click here to know more..
