Add to Favorites

Other languages: EnglishTamilHindiTeluguKannada

സന്നദ്ധസിംഹസ്കന്ധസ്ഥാം സ്വർണവർണാം മനോരമാം.
പൂർണേന്ദുവദനാം ദുർഗാം വർണയാമി ഗുണാർണവാം.
കിരീടഹാരഗേരൈവേയ-
നൂപുരാംഗദകങ്കണൈഃ.
രത്നകാഞ്ച്യാ രത്നചിത്രകുചകഞ്ചുകതേജസാ.
വിരാജമാനാ രുചിരാംബരാ കിങ്കിണിമണ്ഡിതാ.
രത്നമേഖലയാ രത്നവാസോപരിവിഭൂഷിതാ.
വീരശൃംഖലയാ ശോഭിചാരുപാദസരോരുഹാ.
രത്നചിത്രാംഗുലീമുദ്രാ-
രത്നകുണ്ഡലമണ്ഡിതാ.
വിചിത്രചൂഡാമണിനാ രത്നോദ്യത്തിലകേന ച.
അനർഘ്യനാസാമണിനാ ശോഭിതാസ്യസരോരുഹാ.
ഭുജവീര്യാ രത്നചിത്രകണ്ഠസൂത്രേണ ചാങ്കിതാ.
പദ്മാക്ഷിണീ സുബിംബോഷ്ഠീ പദ്മഗർഭാദിഭിഃ സ്തുതാ.
കബരീഭാരവിന്യസ്തപുഷ്പ-
സ്തബകവിസ്തരാ.
കർണനീലോത്പലരുചാ ലസദ്ഭൂമണ്ഡലത്വിഷാ.
കുന്തലാനാം ച സന്തത്യാ ശോഭമാനാ ശുഭപ്രദാ.
തനുമധ്യാ വിശാലോരഃസ്ഥലാ പൃഥുനിതംബിനീ.
ചാരുദീർഘഭുജാ കംബുഗ്രീവാ ജംഘായുഗപ്രഭാ.
അസിചർമഗദാശൂല-
ധനുർബാണാങ്കുശാദിനാ.
വരാഭയാഭ്യാം ചക്രേണ ശംഖേന ച ലസത്കരാ.
ദംഷ്ട്രാഗ്രഭീഷണാസ്യോത്ഥ-
ഹുങ്കാരാർദ്ദിതദാനവാ.
ഭയങ്കരീ സുരാരീണാം സുരാണാമഭയങ്കരീ.
മുകുന്ദകിങ്കരീ വിഷ്ണുഭക്താനാം മൗക്തശങ്കരീ.
സുരസ്ത്രീ കിങ്കരീഭിശ്ച വൃതാ ക്ഷേമങ്കരീ ച നഃ.
ആദൗ മുഖോദ്ഗീതനാനാമ്നായാ സർഗകരീ പുനഃ.
നിസർഗമുക്താ ഭക്താനാം ത്രിവർഗഫലദായിനീ.
നിശുംഭശുംഭസംഹർത്രീ മഹിഷാസുരമർദ്ദിനീ.
താമസാനാം തമഃപ്രാപ്ത്യൈ മിഥ്യാജ്ഞാനപ്രവർത്തികാ.
തമോഭിമാനനീ പായാത് ദുർഗാ സ്വർഗാപവർഗദാ.
ഇമം ദുർഗാസ്തവം പുണ്യം വാദിരാജയതീരിതം.
പഠൻ വിജയതേ ശത്രൂൻ മൃത്യും ദുർഗാണി ചോത്തരേത്.

ദുർഗാ സ്തവം

Other stotras

Copyright © 2022 | Vedadhara | All Rights Reserved. | Designed & Developed by Claps and Whistles
| | | | |
Active Visitors:
3352790