ദുർഗാ അഷ്ടക സ്തോത്രം
വന്ദേ നിർബാധകരുണാമരുണാം ശരണാവനീം.
കാമപൂർണജകാരാദ്യ- ശ്രീപീഠാന്തർനിവാസിനീം.
പ്രസിദ്ധാം പരമേശാനീം നാനാതനുഷു ജാഗ്രതീം.
അദ്വയാനന്ദസന്ദോഹ- മാലിനീം ശ്രേയസേ ശ്രയേ.
ജാഗ്രത്സ്വപ്നസുഷുപ്ത്യാദൗ പ്രതിവ്യക്തി വിലക്ഷണാം.
സേവേ സൈരിഭസമ്മർദരക്ഷണേഷു കൃതക്ഷണാം.
തത്തത്കാലസമുദ്ഭൂത- രാമകൃഷ്ണാദിസേവിതാം.
ഏകധാ ദശധാ ക്വാപി ബഹുധാ ശക്തിമാശ്രയേ.
സ്തവീമി പരമേശാനീം മഹേശ്വരകുടുംബിനീം.
സുദക്ഷിണാമന്നപൂർണാം ലംബോദരപയസ്വിനീം.
മേധാസാമ്രാജ്യദീക്ഷാദി- വീക്ഷാരോഹസ്വരൂപികാം.
താമാലംബേ ശിവാലംബാം സുപ്രസാദസ്വരൂപികാം.
അവാമാ വാമഭാഗേഷു ദക്ഷിണേഷ്വപി ദക്ഷിണാ.
അദ്വയാപി ദ്വയാകാരാ ഹൃദയാംഭോജഗാവതാത്.
മന്ത്രഭാവനയാ ദീപ്താമവർണാം വർണരൂപിണീം.
പരാം കന്ദലികാം ധ്യായൻ പ്രസാദമധിഗച്ഛതി.
Other stotras
Copyright © 2026 | Vedadhara | All Rights Reserved. | Designed & Developed by Claps and Whistles
