മഹാലക്ഷ്മീ കവചം

അസ്യ ശ്രീമഹാലക്ഷ്മീകവചമന്ത്രസ്യ.
ബ്രഹ്മാ-ഋഷിഃ. ഗായത്രീ ഛന്ദഃ.
മഹാലക്ഷ്മീർദേവതാ.
മഹാലക്ഷ്മീപ്രീത്യർഥം ജപേ വിനിയോഗഃ.
ഇന്ദ്ര ഉവാച.
സമസ്തകവചാനാം തു തേജസ്വികവചോത്തമം.
ആത്മരക്ഷണമാരോഗ്യം സത്യം ത്വം ബ്രൂഹി ഗീഷ്പതേ.
ശ്രീഗുരുരുവാച.
മഹാലക്ഷ്മ്യാസ്തു കവചം പ്രവക്ഷ്യാമി സമാസതഃ.
ചതുർദശസു ലോകേഷു രഹസ്യം ബ്രഹ്മണോദിതം.
ബ്രഹ്മോവാച.
ശിരോ മേ വിഷ്ണുപത്നീ ച ലലാടമമൃതോദ്ഭവാ.
ചക്ഷുഷീ സുവിശാലാക്ഷീ ശ്രവണേ സാഗരാംബുജാ.
ഘ്രാണം പാതു വരാരോഹാ ജിഹ്വാമാമ്നായരൂപിണീ.
മുഖം പാതു മഹാലക്ഷ്മീഃ കണ്ഠം വൈകുണ്ഠവാസിനീ.
സ്കന്ധൗ മേ ജാനകീ പാതു ഭുജൗ ഭാർഗവനന്ദിനീ.
ബാഹൂ ദ്വൗ ദ്രവിണീ പാതു കരൗ ഹരിവരാംഗനാ.
വക്ഷഃ പാതു ച ശ്രീർദേവീ ഹൃദയം ഹരിസുന്ദരീ.
കുക്ഷിം ച വൈഷ്ണവീ പാതു നാഭിം ഭുവനമാതൃകാ.
കടിം ച പാതു വാരാഹീ സക്ഥിനീ ദേവദേവതാ.
ഊരൂ നാരായണീ പാതു ജാനുനീ ചന്ദ്രസോദരീ.
ഇന്ദിരാ പാതു ജംഘേ മേ പാദൗ ഭക്തനമസ്കൃതാ.
നഖാൻ തേജസ്വിനീ പാതു സർവാംഗം കരൂണാമയീ.
ബ്രഹ്മണാ ലോകരക്ഷാർഥം നിർമിതം കവചം ശ്രിയഃ.
യേ പഠന്തി മഹാത്മാനസ്തേ ച ധന്യാ ജഗത്ത്രയേ.
കവചേനാവൃതാംഗനാം ജനാനാം ജയദാ സദാ.
മാതേവ സർവസുഖദാ ഭവ ത്വമമരേശ്വരീ.
ഭൂയഃ സിദ്ധിമവാപ്നോതി പൂർവോക്തം ബ്രഹ്മണാ സ്വയം.
ലക്ഷ്മീർഹരിപ്രിയാ പദ്മാ ഏതന്നാമത്രയം സ്മരൻ.
നാമത്രയമിദം ജപ്ത്വാ സ യാതി പരമാം ശ്രിയം.
യഃ പഠേത് സ ച ധർമാത്മാ സർവാൻകാമാനവാപ്നുയാത്.