ന്യങ്കാവരാതിഭയശങ്കാകുലേ ധൃതദൃഗങ്കായതിഃ പ്രണമതാം
ശങ്കാകലങ്കയുതപങ്കായതാശ്മശിതടങ്കായിതസ്വചരിതാ.
ത്വം കാലദേശപദശങ്കാതിപാതിപതിസങ്കാശ വൈഭവയുതാ
ശം കാമമാതരനിശം കാമനീയമിഹ സങ്കാശയാശു കൃപയാ.
ആചാന്തരംഗദലിമോചാന്തരംഗരുചിവാചാം തരംഗഗതിഭിഃ
കാചാടനായ കടുവാചാടഭാവയുതനീചാടനം ന കലയേ.
വാചാമഗോചരസദാചാരസൂരിജനതാചാതുരീവിവൃതയേ
പ്രാചാം ഗതിം കുശലവാചാം ജഗജ്ജനനി യാചാമി ദേവി ഭവതീം.
ചേടീകൃതാമരവധൂടീകരാഗ്രധൃതപേടീപുടാർഘ്യസുമനോ-
വീടീദലക്രമുകപാടീരപങ്കനവശാടീകൃതാംഗരചനാ.
ഖേടീകമാനശതകോടീകരാബ്ജജജടാടീരവന്ദിതപദാ
യാ ടീകതേഽബ്ജവനമാടീകതാം ഹൃദയവാടീമതീവ കമലാ.
സ്വാന്താന്തരാലകൃതകാന്താഗമാന്തശതശാന്താന്തരാഘനികരാഃ
ശാന്താർഥകാന്തവകൃതാന്താ ഭജന്തി ഹൃദി ദാന്താ ദുരന്തതപസാ.
യാം താനതാപഭവതാന്താതിഭീതജഗതാം താപനോദനപടും
മാം താരയത്വശുഭകാന്താരതോഽദ്യ ഹരികാന്താകടാക്ഷലഹരീ.
യാം ഭാവുകാ മനസി സംഭാവയന്തി ഭവസംഭാവനാപഹൃതയേ
ത്വം ഭാസി ലക്ഷ്മി സതതം ഭാവ്യയദ്ഭവനസംഭാവനാദിവിധയേ.
ജംഭാരിസമ്പദുപലംഭാദികാരണമഹം ഭാവ്യമംഘ്രിയുഗലം
സംഭാവയേ ശ്രുതിഷു സംഭാഷിതം വചസി സംഭാഷ്യ തസ്യ തവ ച.
ദൂരാവധൂതമധുധാരാഗിരോച്ചകുചഭാരാനതാംഗലതികാ-
സാരാംഗലിപ്തഘനസാരാർദ്രകുങ്കുമരസാ രാജഹംസഗമനാ.
വൈരാകരസ്മരവികാരാപസംസരണവാരാശിമഗ്രമനസഃ
ശ്രീരാവിരസ്തു ധുരി താരായ മേ ഗുരുഭിരാരധിതാ ഭഗവതീ.
ശ്രീവാസധൂപകനദാവാസദീപരുചിരാവാസഭൂപരിസരാ
ശ്രീവാസദേശലസദാവാപകാശരദഭാവാഭകേശനികരാ.
ശ്രീവാസുദേവരമണീ വാമദേവവിധിദേവാധിപാവനപരാ
ശ്രീവാസവസ്തുനരദേവാഹതസ്തുതിസഭാവാ മുദേഽസ്തു സുതരാം.
ഭാഷാദിദേവകുലയോഷാമണിസ്തവനഘോഷാഞ്ചിതസ്വസവിധാ
ദോഷാകുലേ ജഗതി പോഷാകുലാ സപദി ശേഷാഹി ശായിദയിതാ.
ദോഷാലയസ്യ മമ ദോഷാനപോഹ്യ ഗതദോഷാഭിനന്ദ്യമഹിമാ
ശേഷാശനാഹിരിപുശേഷാദിസമ്പദ വിശേഷാം ദദാതു വിഭവാൻ.
വേങ്കടേശ ഭുജംഗ സ്തോത്രം
മുഖേ ചാരുഹാസം കരേ ശംഖചക്രം ഗലേ രത്നമാലാം സ്വയം മേഘവർണം. ....
Click here to know more..ശ്രീ രാമ അഷ്ടോത്തര ശത നാമാവലി
ഓം ശ്രീരാമായ നമഃ . ഓം രാമഭദ്രായ നമഃ . ഓം രാമചന്ദ്രായ നമഃ . ഓ....
Click here to know more..എല്ലാവരേയും നിങ്ങളോട് സൗഹൃദമുള്ളവരാക്കാനുള്ള മന്ത്രം
ക്ലം ക്ലൗം ഹ്രീം നമഃ....
Click here to know more..