ശ്രീസൂക്ത സാര ലക്ഷ്മി സ്തോത്രം

ഹിരണ്യവർണാം ഹിമരൗപ്യഹാരാം ചന്ദ്രാം ത്വദീയാം ച ഹിരണ്യരൂപാം.
ലക്ഷ്മീം മൃഗീരൂപധരാം ശ്രിയം ത്വം മദർഥമാകാരയ ജാതവേദഃ.
യസ്യാം സുലക്ഷ്മ്യാമഹമാഗതായാം ഹിരണ്യഗോഽശ്വാത്മജമിത്രദാസാൻ.
ലഭേയമാശു ഹ്യനപായിനീം താം മദർഥമാകാരയ ജാതവേദഃ.
പ്രത്യാഹ്വയേ താമഹമശ്വപൂർവാം ദേവീം ശ്രിയം മധ്യരഥാം സമീപം.
പ്രബോധിനീം ഹസ്തിസുബൃംഹിതേനാഹൂതാ മയാ സാ കില സേവതാം മാം.
കാംസോസ്മിതാം താമിഹദ്മവർണാമാദ്രാം സുവർണാവരണാം ജ്വലന്തീം.
തൃപ്താം ഹി ഭക്താനഥ തർപയന്തീമുപഹ്വയേഽഹം കമലാസനസ്ഥാം.
ലോകേ ജ്വലന്തീം യശസാ പ്രഭാസാം ചന്ദ്രാമുദാമുത ദേവജുഷ്ടാം.
താം പദ്മരൂപാം ശരണം പ്രപദ്യേ ശ്രിയം വൃണേ ത്വോം വ്രജതാമലക്ഷ്മീഃ.
വനസ്പതിസ്തേ തപസോഽധിജാതോ വൃക്ഷോഽഥ ബില്വസ്തരുണാർകവർണേ .
ഫലാനി തസ്യ ത്വദനുഗ്രഹേണ മായാ അലക്ഷ്മീശ്ച നുദന്തു ബാഹ്യാഃ.
ഉപൈതു മാം ദേവസഖഃ കുബേരഃ സാ ദക്ഷകന്യാ മണിനാ ച കീർതിഃ.
ജാതോഽസ്മി രാഷ്ട്രേ കില മർത്യലോകേ കീർതിം സമൃദ്ധിം ച ദദാതു മഹ്യം.
ക്ഷുത്തൃട്കൃശാംഗീ മലിനാമലക്ഷ്മീം തവാഗ്രജാം താമുതനാശയാമി.
സർവാമഭൂതിം ഹ്യസമൃദ്ധിമംബേ ഗൃഹാച്ച നിഷ്കാസയ മേ ദ്രുതം ത്വം.
കേനാപ്യധർഷാമ്മഥ ഗന്ധചിഹ്നാം പുഷ്ടാം ഗവാശ്വാദിയുതാം ച നിത്യം.
പദ്മാലയേ സർവജനേശ്വരീം താം പ്രത്യാഹ്വയേഽഹം ഖലു മത്സമീപം.
ലഭേമഹി ശ്രീമനസശ്ച കാമം വാചസ്തു സത്യം ച സുകല്പിതം വൈ.
അന്നസ്യ ഭക്ഷ്യം ച പയഃ പശൂനാം സമ്പദ്ധി മയ്യാശ്രയതാം യശശ്ച.
മയി പ്രസാദം കുരു കർദമ ത്വം പ്രജാവതീ ശ്രീരഭവത്ത്വയാ ഹി.
കുലേ പ്രതിഷ്ഠാപയ മേം ശ്രിയം വൈ ത്വന്മാതരം താമുത പദ്മമാലാം.
സ്നിഗ്ധാനി ചാപോഽഭിസൃജന്ത്വജസ്രം ചിക്ലീതവാസം കുരു മദ്ഗൃഹേ ത്വം .
കുലേ ശ്രിയം മാതരമാശുമേഽദ്യ ശ്രീപുത്ര സംവാസയതാം ച ദേവീം.
താം പിംഗലാം പുഷ്കരിണീം ച ലക്ഷ്മീമാദ്രാം ച പുഷ്ടിം ശുഭപദ്മമാലാം.
ചന്ദ്രപ്രകാശാം ച ഹിരണ്യരൂപാം മദർഥമാകാരയ ജാതവേദഃ.
ആദ്രാം തഥാ യഷ്ടികരാം സുവർണാം താം യഷ്ടിരൂപാമഥ ഹേമമാലാം.
സൂര്യപ്രകാശാം ച ഹിരണ്യരൂപാം മദർഥമാകാരയ ജാതവേദഃ.
യസ്യാം പ്രഭൂതം കനകം ച ഗാവോ ദാസ്യസ്തുരംഗാൻപുരുഷാംശ്ച സത്യാം.
വിന്ദേയമാശു ഹ്യനപായിനീം താം മദർഥമാകാരയ ജാതവേദഃ.
ശ്രിയഃ പഞ്ചദശശ്ലോകം സൂക്തം പൗരാണമന്വഹം.
യഃ പഠേജ്ജുഹുയാച്ചാജ്യം ശ്രീയുതഃ സതതം ഭവേത്.