മഹാലക്ഷ്മീ ദണ്ഡക സ്തോത്രം

മന്ദാരമാലാഞ്ചിതകേശഭാരാം മന്ദാകിനീനിർഝരഗൗരഹാരാം.
വൃന്ദാരികാവന്ദിതകീർതിപാരാം വന്ദാമഹേ മാം കൃതസദ്വിഹാരാം.
ജയ ദുഗ്ധാബ്ധിതനയേ ജയ നാരായണപ്രിയേ.
ജയ ഹൈരണ്യവലയേ ജയ വേലാപുരാശ്രയേ.
ജയ ജയ ജനയിത്രി വേലാപുരാഭ്യന്തരപ്രസ്ഫുരത്സ്ഫാരസൗധാഞ്ചിതോദാരസാലാന്ത-
രാഗാരഖേലന്മുരാരാതിപാർശ്വസ്ഥിതേ. ക്ലൃപ്തവിശ്വസ്ഥിതേ. ചിത്രരത്നജ്വലദ്രത്നസാനൂപമപ്രത്നസൗവർണകോടീരകാന്തിച്ഛടാചിത്രിതാച്ഛാംബരേ. ദേവി ദിവ്യാംബരേ. ഫുല്ലസന്മല്ലികാമാലികാപ്രോല്ലസന്നീലഭോഗീശഭോഗപ്രതീകാശവേണ്യർധചന്ദ്രാലികേ. വൽഗുനീലാലകേ. കേശസൗരഭ്യലോഭഭ്രമത്സ്ഥൂലജംബൂഫലാഭാലിമാലാസമാകർഷണേഹോത്പതന്മൗലിവൈഡൂര്യസന്ദർശ നത്രസ്തലീലാശുകാലോകജാതസ്മിതേ. ദേവജാതസ്തുതേ. ഈശ്വരീശേഖരീഭൂതസോമസ്മയോത്സാദനാ-
ഭ്യുത്സുകത്വച്ഛിരഃസംശ്രിതപ്രാപ്തനിത്യോദയബ്രഘ്നശങ്കാകരസ്വർണകോടീരസന്ദർശനാനന്ദിതസ്വീയ-
താതാങ്കകാരോഹണാഭീപ്സുലബ്ധാന്തികാർകാത്മജാനിർഝരാശങ്കനീയാന്തകസ്തൂരികാചിത്രകേ. വാർധിരാട്പുത്രികേ. മാന്മഥശ്യാമലേക്ഷ്വാത്മധന്വാകൃതിസ്നിഗ്ധമുഗ്ധാദ്ഭുതഭ്രൂലതാ ചാലനാരബ്ധലോകാലിനിർമാണരക്ഷിണ്യസംഹാരലീലേഽമലേ. സർവദേ കോമലേ. സ്വപ്രഭാന്യക്കൃതേ സ്വാനുഗശ്രുത്യധഃകാരിണീകാന്തിനീലോത്പലേ ബാധിതും വാഗതാഭ്യാം ശ്രവഃസന്നിധിം ലോചനാഭ്യാം
ഭൃശം ഭൂഷിതേ. മഞ്ജുസംഭാഷിതേ.
കിഞ്ചിദു ദ്ബുദ്ധചാമ്പേയപുഷ്പപ്രതീകാശനാസാസ്ഥിതസ്ഥൂല-
മുക്താഫലേ. ദത്തഭക്തൗഘവാഞ്ഛാഫലേ. ശോണബിംബപ്രവാലാധരദ്യോതവിദ്യോതമാനോല്ലസ-
ദ്ദാഡിമീബീജരാജിപ്രതീകാശദന്താവലേ. ഗത്യധഃ ക്ലൃപ്തദന്താവലേ. ത്വത്പതിപ്രേരിതത്വഷ്ടസൃഷ്ടാദ്ഭുതാതീദ്ധഭസ്മാസുരത്രസ്ത ദുർഗാശിവത്രാണസന്തുഷ്ടതദ്ദത്തശീതാംശുരേഖായുഗാത്മത്വസംഭാവനാ-
യോഗ്യമുക്താമയപ്രോല്ലസത്കുണ്ഡലേ. പാലിതാഖണ്ഡലേ.
അയി സുരുചിരനവ്യദൂർവാദലഭ്രാന്തിനിഷ്പാദകപ്രോല്ലസത്കണ്ഠഭൂഷാനിബദ്ധായതാനർഘ്യഗാരുത്മതാംശുപ്രജാപാത്യസാരംഗനാരീസ്ഥിരസ്ഥാപകാശ്ചര്യകൃദ്ദിവ്യമാധുര്യഗീതോജ്ജ്വലേ. മഞ്ജുമുക്താവലേ. അംഗദപ്രോതദേവേന്ദ്രനീലോപലത്വിട്ഛടാശ്യാമലീഭൂതചോലോജ്ജ്വലസ്ഥൂലഹേമാർഗലാകാരദോർവല്ലികേ. ഫുല്ലസന്മല്ലികേ. ഊർമികാസഞ്ചയസ്യൂതശോണോപലശ്രീപ്രവൃദ്ധാരുണച്ഛായമൃദ്വംഗുലീപല്ലവേ. ലാലിതാനന്ദകൃത്സല്ലവേ. ദിവ്യരേഖാങ്കുശാംഭോജചക്രധ്വജാദ്യങ്കരാജത്കരേ. സമ്പദേകാകരേ. കങ്കണശ്രേണികാബദ്ധരത്നപ്രഭാജാലചിത്രീഭവത്പദ്മയുഗ്മസ്ഫുരത്പഞ്ചശാഖദ്വയേ. ഗൂഢപുണ്യാശയേ. മത്പദാബ്ജോപകണ്ഠേ ചതുഃപൂരുഷാർഥാ വസന്ത്യത്ര മാമാശ്രയം കുർവതേ താൻ പ്രദാസ്യാമി ദാസായ ചേത്യർഥകം ത്വന്മനോനിഷ്ഠഭാവം ജഗന്മംഗലം സൂചയദ് വാ വരാഭീതിമുദ്രാദ്വയാ വ്യഞ്ജയസ്യംഗപാണിദ്വയേനാംബികേ. പദ്മപത്രാംബകേ.
ചാരുഗംഭീരകന്ദർപകേല്യർഥനാഭീസരസ്തീരസൗവർണസോപാനരേഖാഗതോത്തുംഗവക്ഷോജനാമാങ്കിതസ്വർണശൈലദ്വയാരോഹണാർഥേന്ദ്രനീലോപലാബദ്ധസൂക്ഷ്മാധ്വസംഭാവനായോഗ്യസദ്രോമരാജ്യാഢ്യദേഹേ രമേ. കാ ഗതിഃ ശ്രീരമേ. നിഷ്കനക്ഷത്രമാലാസദൃക്ഷാഭനക്ഷത്രമാലാപ്രവാലസ്രഗേകാവലീ-
മുഖ്യഭൂഷാവിശേഷപ്രഭാചിത്രിതാച്ഛോത്തരാസംഗസഞ്ഛിന്നവക്ഷോരുഹേ. ചഞ്ചലാഗൗരി ഹേ. കേലികാലക്വണത്കിങ്കിണീശ്രേണികായുക്തസൗവർണകാഞ്ചീനിബദ്ധസ്ഫുരത്സ്പഷ്ടനീവ്യാഢ്യശുക്ലാംബരേ. ഭാസിതാശാംബരേ. പുണ്ഡരീകാക്ഷവക്ഷഃസ്ഥലീചർചിതാനർഘ്യപാടീരപങ്കാങ്കിതാനംഗനിക്ഷേപകുംഭസ്തനേ. പ്രസ്ഫുരദ്ഗോസ്തനേ.
ഗുരുനിബിഡനിതംബബിംബാകൃതിദ്രാവിതാശീതരുക്സ്യന്ദനപ്രോതചന്ദ്രാവലേപോത്കരേ. സ്വർണവിദ്യുത്കരേ. ഭോഃ പ്രയച്ഛാമി തേ ചിത്രരത്നോർമികാം മാമികാം സാദരാദേഹ്യദോ മധ്യമം ഭൂഷയാദ്യൈതയാ ദ്രഷ്ടുമിച്ഛാമ്യഹം സാധ്വിതി ത്വത്പതിപ്രേരിതായാം മുദാ പാണിനാദായ ധൃത്വാ
രഹഃ കേശവം ലീലയാനന്ദയഃ സപ്തകീവാസ്തി തേ. സപ്തലോകീസ്തുതേ. ചിത്രരോചിർമഹാമേഖലാമണ്ഡിതാനന്തരത്നസ്ഫുരത്തോരണാലങ്കൃതശ്ലക്ഷ്ണകന്ദർപകാന്താരരംഭാതരുദ്വന്ദ്വസംഭാവനീയോരുയുഗ്മേ രമേ. സമ്പദം ദേഹി മേ. പദ്മരാഗോപലാദർശബിംബപ്രഭാച്ഛായസുസ്നിഗ്ധജാനുദ്വയേ ശോഭനേ ചന്ദ്രബിംബാനനേ. ശംബരാരാതിജൈത്രപ്രയാണോത്സവാരംഭജൃംഭന്മഹാകാഹലീഡംബരസ്വർണതൂണീരജംഘേ ശുഭേ. ശാരദാർകപ്രമേ. ഹംസരാജക്വണദ്ധംസബിംബസ്ഫുരദ്ധംസകാലങ്കൃതസ്പഷ്ടലേഖാങ്കുശാംഭോജചക്രധ്വജ-വ്യഞ്ജനാലങ്കൃതശ്രീപദേ. ത്വാം ഭജേ സമ്പദേ.
നമ്രവൃന്ദാരികാശേഖരീഭൂതസൗവർണകോടീരരത്നാവലീദീപികാരാജിനീരാജിതോത്തുംഗഗാംഗേയസിംഹാസനാസ്തീർണസൗവർണബിന്ദ്വങ്കസൗരഭ്യസമ്പന്നതല്പസ്ഥിതേ. സന്തതസ്വഃസ്ഥിതേ. ചേടികാദത്തകർപൂരഖണ്ഡാന്വിതശ്വേതവീടീദരാദാനലീലാചലദ്ദോർലതേ. ദൈവതൈരർചിതേ. രത്നതാടങ്കകേയൂരഹാരാവലീമുഖ്യഭൂഷാച്ഛടാരഞ്ജിതാനേകദാസീസഭാവേഷ്ടിതേ. ദേവതാഭിഷ്ടുതേ. പാർശ്വയുഗ്മോല്ലസച്ചാമരഗ്രാഹിണീപഞ്ചശാഖാംബുജാധൂതജൃംഭദ്രണത്കങ്കണാഭിഷ്ടുതാഭീശുസച്ചാമരാഭ്യാം മുദാ ചീജ്യസേ. കർമഠൈരിജ്യസേ. മഞ്ജുമഞ്ജീരകാഞ്ച്യുർമികാകങ്കണശ്രേണികേയൂരഹാരാവലീകുണ്ഡലീമൗലിനാസാമണിദ്യോതിതേ. ഭക്തസഞ്ജീവിതേ
ജലധരഗതശീതവാതാർദിതാ ചാരുനീരന്ധ്രദേവാലയാന്തർഗതാ വിദ്യുദേഷാ ഹി കിം ഭൂതലേഽപി സ്വമാഹാല്യസന്ദർശനാർഥം ക്ഷമാമാസ്ഥിതാ കല്പവല്യേവ കിം ഘസ്രമാത്രോല്ലസന്തം രവിം രാത്രിമാത്രോല്ലസന്തം വിധും സംവിധായ സ്വതോ വേഘസാതുഷ്ടചിത്തേന സൃഷ്ടാ സദാപ്യുല്ലസന്തീ മഹാദിവ്യതേജോമയീ ദിവ്യപാഞ്ചാലികാ വേതി സദ്ഭിഃ സദാ തവര്യസേ. ത്വാം ഭജേ മേ
ഭവ ശ്രേയസേ. പൂർവകദ്വാരനിഷ്ഠേന നൃത്യദ്വരാകാരരംഭാദിവാരാംഗനാശ്രേണിഗീതാമൃതാകർണനായത്തചിത്താമരാരാധിതേനോച്ചകൈർഭാർഗവീന്ദ്രേണ സംഭാവിതേ. നോ സമാ ദേവതാ ദേവി തേ. ദക്ഷിണദ്വാരനിഷ്ഠേന സച്ചിത്രഗുപ്താദിയുക്തേന വൈവസ്വതേനാർച്യസേ. യോഗിഭിർഭാവ്യസേ. പശ്ചിമദ്വാരഭാജാ ഭൃശം പാശിനാ സ്വർണേദീമുഖ്യനദ്യന്വിതേനേഡ്യസേ. സാദരം പൂജ്യസേ.
ഉത്തരദ്വാരനിഷ്ഠേന യക്ഷോത്തമൈർനമ്രകോടീരജൂടൈർമനോഹാരിഭീ രാജരാജേന ഭക്തേന സംഭാവ്യസേ.
യോഗിഭിഃ പൂജ്യസേ. ലക്ഷ്മി പദ്മാലയേ ഭാർഗവി ശ്രീരമേ ലോകമാതഃ സമുദ്രേശകന്യേഽച്യുതപ്രേയസി. സ്വർണശോഭേ ച മേ ചേന്ദിരേ വിഷ്ണുവക്ഷഃ സ്ഥിതേ പാഹി പാഹീതി യഃ
പ്രാതരുത്ഥായ ഭക്ത്യാ യുതോ നൗതി സോഽയം നരഃ സമ്പദം പ്രാപ്യ വിദ്യോതതേ. ഭൂഷണദ്യോതിതേ.
ദിവ്യ കാരുണ്യദൃഷ്ട്യാശു മാം പശ്യ മേ
ദിവ്യകാരുണ്യദൃഷ്ട്യാശു മാം പശ്യ മേ ദിവ്യകാരുണ്യദൃഷ്ട്യാശു മാം പശ്യ മേ. മാം കിമർഥം സദോപേക്ഷസേ നേക്ഷസേ ത്വത്പദാബ്ജം വിനാ നാസ്തി മേഽന്യാ ഗതിഃ സമ്പദം ദേഹി മേ സമ്പദം ദേഹി മേ സമ്പദം ദേഹി മേ.
ത്വത്പദാബ്ജം പ്രപന്നോഽസ്മ്യഹം സർവദാ ത്വം പ്രസന്നാ സതീ പാഹി മാം പാഹി മാം പാഹി മാം പദ്മഹസ്തേ ത്രിലോകേശ്വരിം പ്രാർഥയേ ത്വാമഹം ദേവി തുഭ്യം നമോ ദേവി തുഭ്യം നമോ ദേവി തുഭ്യം നമഃ.