Totakashtakam

विदिताखिलशास्त्रसुधाजलधे
महितोपनिषत्कथितार्थनिधे।
हृदये कलये विमलं चरणं
भव शङ्करदेशिक मे शरणम्।
करुणावरुणालय पालय मां
भवसागरदुःखविदूनहृदम्।
रचयाखिलदर्शनतत्त्वविदं
भव शङ्करदेशिक मे शरणम्।
भवता जनता सुहिता भविता
निजबोधविचारणचारुमते।
कलयेश्वरजीवविवेकविदं
भव शङ्करदेशिक मे शरणम्।
भव एव भवानिति मे नितरां
समजायत चेतसि कौतुकिता।
मम वारय मोहमहाजलधिं
भव शङ्करदेशिक मे शरणम्।
सुकृतेऽधिकृते बहुधा भवतो
भविता समदर्शनलालसता।
अतिदीनमिमं परिपालय मां
भव शङ्करदेशिक मे शरणम्।
जगतीमवितुं कलिताकृतयो
विचरन्ति महामहसश्छलतः।
अहिमांशुरिवात्र विभासि गुरो
भव शङ्करदेशिक मे शरणम्।
गुरुपुङ्गव पुङ्गवकेतन ते
समतामयतन्नहि कोऽपि सुधीः।
शरणागतवत्सल तत्त्वनिधे
भव शङ्करदेशिक मे शरणम्।
विदिता न मया विशदैककला
न च किञ्चन काञ्चनमस्ति गुरो ।
द्रुतमेव विधेहि कृपां सहजां
भव शङ्करदेशिक मे शरणम्।

viditaakhilashaastrasudhaajaladhe
mahitopanishatkathitaarthanidhe.
hri'daye kalaye vimalam charanam
bhava shankaradeshika me sharanam.
karunaavarunaalaya paalaya maam
bhavasaagaraduh'khavidoonahri'dam.
rachayaakhiladarshanatattvavidam
bhava shankaradeshika me sharanam.
bhavataa janataa suhitaa bhavitaa
nijabodhavichaaranachaarumate.
kalayeshvarajeevavivekavidam
bhava shankaradeshika me sharanam.
bhava eva bhavaaniti me nitaraam
samajaayata chetasi kautukitaa.
mama vaaraya mohamahaajaladhim
bhava shankaradeshika me sharanam.
sukri'te'dhikri'te bahudhaa bhavato
bhavitaa samadarshanalaalasataa.
atideenamimam paripaalaya maam
bhava shankaradeshika me sharanam.
jagateemavitum kalitaakri'tayo
vicharanti mahaamahasashchhalatah'.
ahimaamshurivaatra vibhaasi guro
bhava shankaradeshika me sharanam.
gurupungava pungavaketana te
samataamayatannahi ko'pi sudheeh'.
sharanaagatavatsala tattvanidhe
bhava shankaradeshika me sharanam.
viditaa na mayaa vishadaikakalaa
na cha kinchana kaanchanamasti guro .
drutameva vidhehi kri'paam sahajaam
bhava shankaradeshika me sharanam.

Ramaswamy Sastry and Vighnesh Ghanapaathi

Other stotras