Guru Ashtakam

Click below to listen to Gurvashtakam 

शरीरं सुरूपं तथा वा कलत्रं
यशश्चारु चित्रं धनं मेरुतुल्यम्।
मनश्चेन्न लग्नं गुरोरङ्घ्रिपद्मे
ततः किं ततः किं ततः किं ततः किम्।
कलत्रं धनं पुत्रपौत्रादिसर्वं
गृहं बान्धवाः सर्वमेतद्धि जातम्।
मनश्चेन्न लग्नं गुरोरङ्घ्रिपद्मे
ततः किं ततः किं ततः किं ततः किम्।
षडङ्गादिवेदो मुखे शास्त्रविद्या
कवित्वादिगद्यं सुपद्यं करोति।
मनश्चेन्न लग्नं गुरोरङ्घ्रिपद्मे
ततः किं ततः किं ततः किं ततः किम्।
विदेशेषु मान्यः स्वदेशेषु धन्यः
सदाचारवृत्तेषु मत्तो न चान्यः।
मनश्चेन्न लग्नं गुरोरङ्घ्रिपद्मे
ततः किं ततः किं ततः किं ततः किम्।
क्षमामण्डले भूपभूपालवृन्दैः
सदा सेवितं यस्य पादारविन्दम्।
मनश्चेन्न लग्नं गुरोरङ्घ्रिपद्मे
ततः किं ततः किं ततः किं ततः किम्।
यशो मे गतं दिक्षु दानप्रतापात्
जगद्वस्तु सर्वं करे यत्प्रसादात्।
मनश्चेन्न लग्नं गुरोरङ्घ्रिपद्मे
ततः किं ततः किं ततः किं ततः किम्।
न भोगे न योगे न वा वाजिराजौ
न कन्तामुखे नैव वित्तेषु चित्तम्।
मनश्चेन्न लग्नं गुरोरङ्घ्रिपद्मे
ततः किं ततः किं ततः किं ततः किम्।
अरण्ये न वा स्वस्य गेहे न कार्ये
न देहे मनो वर्तते मे त्वनर्घ्ये।
मनश्चेन्न लग्नं गुरोरङ्घ्रिपद्मे
ततः किं ततः किं ततः किं ततः किम्।
गुरोरष्टकं यः पठेत् पुण्यदेही
यतिर्भूपतिर्ब्रह्मचारी च गेही।
लभेद्वाञ्छितार्थं पदं ब्रह्मसंज्ञं
गुरोरुक्तवाक्ये मनो यस्य लग्नम्।

shareeram suroopam tathaa vaa kalatram
yashashchaaru chitram dhanam merutulyam.
manashchenna lagnam guroranghripadme
tatah' kim tatah' kim tatah' kim tatah' kim.
kalatram dhanam putrapautraadisarvam
gri'ham baandhavaah' sarvametaddhi jaatam.
manashchenna lagnam guroranghripadme
tatah' kim tatah' kim tatah' kim tatah' kim.
shad'angaadivedo mukhe shaastravidyaa
kavitvaadigadyam supadyam karoti.
manashchenna lagnam guroranghripadme
tatah' kim tatah' kim tatah' kim tatah' kim.
videsheshu maanyah' svadesheshu dhanyah'
sadaachaaravri'tteshu matto na chaanyah'.
manashchenna lagnam guroranghripadme
tatah' kim tatah' kim tatah' kim tatah' kim.
kshamaamand'ale bhoopabhoopaalavri'ndaih'
sadaa sevitam yasya paadaaravindam.
manashchenna lagnam guroranghripadme
tatah' kim tatah' kim tatah' kim tatah' kim.
yasho me gatam dikshu daanaprataapaat
jagadvastu sarvam kare yatprasaadaat.
manashchenna lagnam guroranghripadme
tatah' kim tatah' kim tatah' kim tatah' kim.
na bhoge na yoge na vaa vaajiraajau
na kantaamukhe naiva vitteshu chittam.
manashchenna lagnam guroranghripadme
tatah' kim tatah' kim tatah' kim tatah' kim.
aranye na vaa svasya gehe na kaarye
na dehe mano vartate me tvanarghye.
manashchenna lagnam guroranghripadme
tatah' kim tatah' kim tatah' kim tatah' kim.
gurorasht'akam yah' pat'het punyadehee
yatirbhoopatirbrahmachaaree cha gehee.
labhedvaanchhitaartham padam brahmasanjnyam
guroruktavaakye mano yasya lagnam.

Ramaswamy Sastry and Vighnesh Ghanapaathi

Other stotras