Kamala Ashtakam

न्यङ्कावरातिभयशङ्काकुले धृतदृगङ्कायतिः प्रणमतां
शङ्काकलङ्कयुतपङ्कायताश्मशितटङ्कायितस्वचरिता।
त्वं कालदेशपदशङ्कातिपातिपतिसङ्काश वैभवयुता
शं काममातरनिशं कामनीयमिह सङ्काशयाशु कृपया।
आचान्तरङ्गदलिमोचान्तरङ्गरुचिवाचां तरङ्गगतिभिः
काचाटनाय कटुवाचाटभावयुतनीचाटनं न कलये।
वाचामगोचरसदाचारसूरिजनताचातुरीविवृतये
प्राचां गतिं कुशलवाचां जगज्जननि याचामि देवि भवतीम्।
चेटीकृतामरवधूटीकराग्रधृतपेटीपुटार्घ्यसुमनो-
वीटीदलक्रमुकपाटीरपङ्कनवशाटीकृताङ्गरचना।
खेटीकमानशतकोटीकराब्जजजटाटीरवन्दितपदा
या टीकतेऽब्जवनमाटीकतां हृदयवाटीमतीव कमला।
स्वान्तान्तरालकृतकान्तागमान्तशतशान्तान्तराघनिकराः
शान्तार्थकान्तवकृतान्ता भजन्ति हृदि दान्ता दुरन्ततपसा।
यां तानतापभवतान्तातिभीतजगतां तापनोदनपटुं
मां तारयत्वशुभकान्तारतोऽद्य हरिकान्ताकटाक्षलहरी।
यां भावुका मनसि सम्भावयन्ति भवसम्भावनापहृतये
त्वं भासि लक्ष्मि सततं भाव्ययद्भवनसम्भावनादिविधये।
जम्भारिसम्पदुपलम्भादिकारणमहं भाव्यमङ्घ्रियुगलं
सम्भावये श्रुतिषु सम्भाषितं वचसि सम्भाष्य तस्य तव च।
दूरावधूतमधुधारागिरोच्चकुचभारानताङ्गलतिका-
साराङ्गलिप्तघनसारार्द्रकुङ्कुमरसा राजहंसगमना।
वैराकरस्मरविकारापसंसरणवाराशिमग्रमनसः
श्रीराविरस्तु धुरि ताराय मे गुरुभिरारधिता भगवती।
श्रीवासधूपकनदावासदीपरुचिरावासभूपरिसरा
श्रीवासदेशलसदावापकाशरदभावाभकेशनिकरा।
श्रीवासुदेवरमणी वामदेवविधिदेवाधिपावनपरा
श्रीवासवस्तुनरदेवाहतस्तुतिसभावा मुदेऽस्तु सुतराम्।
भाषादिदेवकुलयोषामणिस्तवनघोषाञ्चितस्वसविधा
दोषाकुले जगति पोषाकुला सपदि शेषाहि शायिदयिता।
दोषालयस्य मम दोषानपोह्य गतदोषाभिनन्द्यमहिमा
शेषाशनाहिरिपुशेषादिसम्पद विशेषां ददातु विभवान्।

nyankaavaraatibhayashankaakule dhri'tadri'gankaayatih' pranamataam
shankaakalankayutapankaayataashmashitat'ankaayitasvacharitaa.
tvam kaaladeshapadashankaatipaatipatisankaasha vaibhavayutaa
sham kaamamaataranisham kaamaneeyamiha sankaashayaashu kri'payaa.
aachaantarangadalimochaantarangaruchivaachaam tarangagatibhih'
kaachaat'anaaya kat'uvaachaat'abhaavayutaneechaat'anam na kalaye.
vaachaamagocharasadaachaarasoorijanataachaatureevivri'taye
praachaam gatim kushalavaachaam jagajjanani yaachaami devi bhavateem.
chet'eekri'taamaravadhoot'eekaraagradhri'tapet'eeput'aarghyasumano-
veet'eedalakramukapaat'eerapankanavashaat'eekri'taangarachanaa.
khet'eekamaanashatakot'eekaraabjajajat'aat'eeravanditapadaa
yaa t'eekate'bjavanamaat'eekataam hri'dayavaat'eemateeva kamalaa.
svaantaantaraalakri'takaantaagamaantashatashaantaantaraaghanikaraah'
shaantaarthakaantavakri'taantaa bhajanti hri'di daantaa durantatapasaa.
yaam taanataapabhavataantaatibheetajagataam taapanodanapat'um
maam taarayatvashubhakaantaarato'dya harikaantaakat'aakshalaharee.
yaam bhaavukaa manasi sambhaavayanti bhavasambhaavanaapahri'taye
tvam bhaasi lakshmi satatam bhaavyayadbhavanasambhaavanaadividhaye.
jambhaarisampadupalambhaadikaaranamaham bhaavyamanghriyugalam
sambhaavaye shrutishu sambhaashitam vachasi sambhaashya tasya tava cha.
dooraavadhootamadhudhaaraagirochchakuchabhaaraanataangalatikaa-
saaraangaliptaghanasaaraardrakunkumarasaa raajahamsagamanaa.
vairaakarasmaravikaaraapasamsaranavaaraashimagramanasah'
shreeraavirastu dhuri taaraaya me gurubhiraaradhitaa bhagavatee.
shreevaasadhoopakanadaavaasadeeparuchiraavaasabhooparisaraa
shreevaasadeshalasadaavaapakaasharadabhaavaabhakeshanikaraa.
shreevaasudevaramanee vaamadevavidhidevaadhipaavanaparaa
shreevaasavastunaradevaahatastutisabhaavaa mude'stu sutaraam.
bhaashaadidevakulayoshaamanistavanaghoshaanchitasvasavidhaa
doshaakule jagati poshaakulaa sapadi sheshaahi shaayidayitaa.
doshaalayasya mama doshaanapohya gatadoshaabhinandyamahimaa
sheshaashanaahiripusheshaadisampada visheshaam dadaatu vibhavaan.

Ramaswamy Sastry and Vighnesh Ghanapaathi

Other stotras