ಕಾಮಾಕ್ಷೀ ದಂಡಕ ಸ್ತೋತ್ರ

ಓಂಕಾರಾತ್ಮಕಭಾಸಿರೂಪ್ಯವಲಯೇ ಸಂಶೋಭಿ ಹೇಮಂ ಮಹಃ
ಬಿಭ್ರತ್ಕೇಲಿಶುಕಂ ತ್ರಯೀಕಲಗಿರಂ ದಕ್ಷೇಣ ಹಸ್ತೇನ ಚ.
ವಾಮೇ ಲಂಬಕರಂ ತ್ರಿಭಂಗಿಸುಭಗಂ ದೀನಾರ್ತನಮ್ರತ್ಪದಂ
ಸ್ವಾಂತೇ ದೀವ್ಯತು ಮೇ ಕಟಾಕ್ಷಶುಭದಂ ಮಂದಸ್ಮಿತೋದಾರಕಂ.
ದಕ್ಷಿಣೇ ಕಾಮಜಿದ್ಯಸ್ಯಾಃ ಚೂಡಾಯಾಂ ಕಾಮವಲ್ಲಭಃ.
ವಾಸಃ ಕಾಮಾಯುಧಸ್ಯಾಧಃ ಕಾಮಾಕ್ಷೀಂ ತಾಂ ನಮಾಮ್ಯಹಂ.
ಕಾಮಾಂಧಾ ತಿಲಕಂ ಯಸ್ಯಾಃ ಕಾಮಮಾಲೀ ಚ ಪುತ್ರಕಃ.
ಕಾಮಾಂಧೋಪಮವಾಣೀಂ ತಾಂ ಕಾಮಾಕ್ಷೀಂ ಪ್ರಣಮಾಮ್ಯಹಂ.
ಗಾಂಗಮಾತಾ ತು ಯಾ ದೇವೀ ಗಾಂಗಮಾಲಾವಿರಾಜಿತಾ.
ಗಾಂ ಗತಾ ರಕ್ಷಿತುಂ ಮರ್ತ್ಯಾನ್ ಗಾಂಗದೇಹಾಂ ನಮಾಮಿ ತಾಂ.
ಜಯೈಕಾಮ್ರೇಶ್ವರಾರ್ಧಾಂಗಿ ಜಯ ತಂಜಾವಿಲಾಸಿನಿ.
ಜಯ ಬಂಗಾರುಕಾಮಾಕ್ಷಿ ಜಯ ಸರ್ವಾರ್ಥದಾಯಿನಿ.
ಜಯ ಜನನಿ ಸುರಾಸುರಸ್ತೋಮಸಂಸೇವ್ಯಮಾನಾತಿಪುಣ್ಯಪ್ರದೇಶಪ್ರಮುಖ್ಯಾಮಧಿಷ್ಠಾಯ
ಕಾಂಚೀಂ ಸ್ವಮೂಲಸ್ವರೂಪೇಣ ಭಕ್ತೇಷ್ಟಸಂದಾನಚಿಂತಾಮಣೇ ಮಂಜುಸಂಭಾಷಣೇ
ಭಾಮಣೇ.
ಮೂಲದೇವೀತೃತೀಯಾಕ್ಷಿಸಂಜಾತತೇಜೋನುರೂಪಾಂ ಸುವರ್ಣಾಂ ಸುಮೂರ್ತಿಂ ವಿಧಾಯಾಂಬ
ವಣೀಪತಿಸ್ತ್ವಾಂ ಧ್ರುವೇ ಚೈಕದೇಶೇ ಪ್ರತಿಷ್ಠಾಪ್ಯ ಕಾಂಚ್ಯಾಂ
ವಿವಾಹೋತ್ಸವಂ ಚಾರು ನಿರ್ವೃತ್ಯ ಚೈಕಾಮ್ರನಾಥೇನ
ಕಾಮಾಕ್ಷಿ ಸಂಯೋಜಯಾಮಾಸ ಚಾಕಾಶಭೂಪಾಲಮೇವಾತ್ರ ಕರ್ತುಂ ಮಹಂ ತೇ ಸದಾ.
ಕಾಮಕೋಟೀ ಸುಪೀಟಾವಮರ್ದೇನ ನಷ್ಟೇಕ್ಷಣಃ ಪದ್ಮಭೂಶ್ಚಕ್ರಪೂಜಾಂ ತಥಾರಾಧನಂ ತೇ
ಸ್ವನುಷ್ಠಯ ಚಕ್ಷುಃ ಪ್ರಕಾಶಂ ಪ್ರಪೇದೇ ಭೃಶಂ.
ಯವನಜನಿತಘೋರಕರ್ನಾಟಕಾನೀಕಕಾಲೇ ನು
ದುರ್ವಾಸಸಶ್ಶಿಷ್ಯಮುಖ್ಯೈರ್ವರಸ್ಥಾನಿಕೈರಾಶು ಶೇಂಚಿಂ
ಪ್ರಪದ್ಯಾಂಬ ಸಂತಾನಭೂಪಾಲಸಂಪೂಜಿತಾಽಭೂಃ.
ತತಶ್ಚೋಡ್ಯಾರ್ಪಾಲಯಸ್ವಾಮಿನಾ ತ್ವಂ ಸಮಾರಾಧಿತಾಽಽಸೀಶ್ಚಿರಾಯಾಽಥ
ಗತ್ವಾ ಬಹೂನ್ ಗ್ರಾಮದೇಶಾನ್ಮುದಾ ಹಾಟಕಕ್ಷೇತ್ರಸಂಶೋಭಮಾನಾ ಸುದೀರ್ಘಾಸ್ಸಮಾಸ್ತತ್ರ
ನೀತ್ವಾಽಥ ತಂಜಾಪುರಾಧೀಶಭಾಗ್ಯಪ್ರಕರ್ಷೇಣ
ಸಂಪ್ರಾಪ್ಯ ತಂಜಾಂ ಚ ಪೂತಾಂ ಸುಹೃತ್ತೂಲಜೇಂದ್ರಾಖ್ಯರಾಜೇನಸಂಸ್ಥಾಪಿತಾಽಸ್ಮಿನ್
ಶುಭೇ ಮಂದಿರೇ ರಾಮಕೃಷ್ಣಾಲಯಾಭ್ಯಂತರಾಭಾಸಿ ತೇನ ಪ್ರದತ್ತಾಂ ಭುವಂ ಚಾಪಿ
ಲಬ್ಧ್ವಾಽತ್ರ ದುರ್ವಾಸಸಾಽಽದಿಷ್ಟಸೌಭಾಗ್ಯಚಿಂತಾಮಣಿಪ್ರೋಕ್ತಪೂಜಾಂ ನು ಕುರ್ವಂತಿ ತೇ ಸಾಧವಃ.
ಶರಭಮಹಿಪವರ್ಧಿತಾನೇಕಭಾಗಂ ಚ ತೇ ಮಂದಿರಂ
ಕಾಂಚೀಪೀಠಾಧಿನಾಥಪ್ರಕಾಂಡೈರಥೋ ಧರ್ಮಕರ್ತೃಪ್ರಮುಖ್ಯೈಶ್ಚ ದೇವಾಲಯಾನಲ್ಪವಿತ್ತವ್ಯಯೇನಾತಿನೂತ್ನೀಕೃತಂ ತತ್.
ಶ್ಶಾಂಕಾವತಂಸೇ ಸುಗತ್ಯಾ ಜಿತೋನ್ಮತ್ತಹಂಸೇ ರುಚಾತೀತಹಂಸೇ ನತಾಂಸೇ.
ತುಲಾಮೀನಮಾಸಾತ್ತಸತ್ಫಲ್ಗುನೀಋಕ್ಷ ಶೋಭಾದಿನೇಷ್ವತ್ರ ಜನ್ಮೋದ್ವಹಾದ್ಯುತ್ಸವಂ
ಶಾರದೇ ರಾತ್ರಿಕಾಲೇ ಪ್ರಮುಖ್ಯೋತ್ಸವಂ ಚಾತಿಸಂಭಾರಪೂರ್ವೇಣ ದಿವ್ಯಾಭಿಷೇಕೇಣ ಸಂಭಾವಂತ್ಯಂಬ.
ತೇ ಭಕ್ತವೃಂದಾಃ ಸದಾನಂದಕಂದೇ ಸುಮಾತಂಗನಂದೇ
ಅಚ್ಛಕುಂದಾಭದಂತೇ ಶುಭೇ ಗಂಧಮಾರ್ಜಾರರೇತೋಽಭಿಸಂವಾಸಿತೇ
ಜಾನಕೀಜಾನಿಸಂವಂದಿತೇ ಜಾಮದಗ್ನ್ಯೇನ ಸನ್ನಂದಿತ.
ಮಧುರಸುಕವಿಮೂಕಸಂಶ್ಲಾಧಿತೇ ಪೂಜ್ಯದುರ್ವಾಸಸಾರಾಧಿತೇ
ಧೌಮ್ಯಸದ್ಭಕ್ತಸಂಭಾವಿತೇ ಶಂಕರಾಚಾರ್ಯಸಂಸೇವಿತೇ
ಕಾಂಚಿಪೀಠೇಶ್ವರೈಃ ಪೂಜಿತೇ ಶ್ಯಾಮಶಾಸ್ತ್ರೀತಿವಿಖ್ಯಾತಸಂಗೀತರಾಟ್ಕೀರ್ತಿತೇ
ತಂಜಪೂರ್ವಾಸಿಸೌಭಾಗ್ಯದಾತ್ರೀಂ ಪವಿತ್ರೀಂ ಸದಾ ಭಾವಯೇ ತ್ವಾಂ ವರಾಕಾಃ.
ಕೃಪಾಸಾಂದ್ರದೃಷ್ಟಿಂ ಕುರುಷ್ವಾಂಬ ಶೀಘ್ರಂ ಮನಃ
ಶುದ್ಧಿಮಚ್ಛಾಂ ಚ ದೇಹ್ಯಾತ್ಮವಿದ್ಯಾಂ ಕ್ಷಮಸ್ವಾಪರಾಧಂ
ಮಯಾ ಯತ್ಕೃತಂ ತೇ ಪ್ರಯಚ್ಛಾತ್ರ ಸೌಖ್ಯಂ ಪರತ್ರಾಪಿ ನಿತ್ಯಂ
ವಿಧೇಹ್ಯಂಘ್ರಿಪದ್ಮೇ ದೃಢಾಂ ಭಕ್ತಿಮಾರಾತ್
ನಮಸ್ತೇ ಶಿವೇ ದೇಹಿ ಮೇ ಮಂಗಲಂ ಪಾಹಿ ಕಾಮಾಕ್ಷಿ ಮಾಂ ಪಾಹಿ ಕಾಮಾಕ್ಷಿ ಮಾಂ.