ಕಾಮಾಕ್ಷೀ ಸ್ತುತಿ
ಮಾಯೇ ಮಹಾಮತಿ ಜಯೇ ಭುವಿ ಮಂಗಲಾಂಗೇ
ವೀರೇ ಬಿಲೇಶಯಗಲೇ ತ್ರಿಪುರೇ ಸುಭದ್ರೇ.
ಐಶ್ವರ್ಯದಾನವಿಭವೇ ಸುಮನೋರಮಾಜ್ಞೇ
ಕಾಮಾಕ್ಷಿಮಾತರನಿಶಂ ಮಮ ದೇಹಿ ಸೌಖ್ಯಂ.
ಶೈಲಾತ್ಮಜೇ ಕಮಲನಾಭಸಹೋದರಿ ತ್ವಂ
ತ್ರೈಲೋಕ್ಯಮೋಹಕರಣೇ ಸ್ಮರಕೋಟಿರಮ್ಯೇ.
ಕಾಮಪ್ರದೇ ಪರಮಶಂಕರಿ ಚಿತ್ಸ್ವರೂಪೇ
ಕಾಮಾಕ್ಷಿಮಾತರನಿಶಂ ಮಮ ದೇಹಿ ಸೌಖ್ಯಂ.
ಸರ್ವಾರ್ಥಸಾಧಕ- ಧಿಯಾಮಧಿನೇತ್ರಿ ರಾಮೇ
ಭಕ್ತಾರ್ತಿನಾಶನಪರೇ-ಽರುಣರಕ್ತಗಾತ್ರೇ.
ಸಂಶುದ್ಧಕುಂಕುಮಕಣೈರಪಿ ಪೂಜಿತಾಂಗೇ
ಕಾಮಾಕ್ಷಿಮಾತರನಿಶಂ ಮಮ ದೇಹಿ ಸೌಖ್ಯಂ.
ಬಾಣೇಕ್ಷುದಂಡ- ಶುಕಭಾರಿತಶುಭ್ರಹಸ್ತೇ
ದೇವಿ ಪ್ರಮೋದಸಮಭಾವಿನಿ ನಿತ್ಯಯೋನೇ.
ಪೂರ್ಣಾಂಬುವತ್ಕಲಶ- ಭಾರನತಸ್ತನಾಗ್ರೇ
ಕಾಮಾಕ್ಷಿಮಾತರನಿಶಂ ಮಮ ದೇಹಿ ಸೌಖ್ಯಂ.
ಚಕ್ರೇಶ್ವರಿ ಪ್ರಮಥನಾಥಸುರೇ ಮನೋಜ್ಞೇ
ನಿತ್ಯಕ್ರಿಯಾಗತಿರತೇ ಜನಮೋಕ್ಷದಾತ್ರಿ.
ಸರ್ವಾನುತಾಪಹರಣೇ ಮುನಿಹರ್ಷಿಣಿ ತ್ವಂ
ಕಾಮಾಕ್ಷಿಮಾತರನಿಶಂ ಮಮ ದೇಹಿ ಸೌಖ್ಯಂ.
ಏಕಾಮ್ರನಾಥ- ಸಹಧರ್ಮ್ಮಿಣಿ ಹೇ ವಿಶಾಲೇ
ಸಂಶೋಭಿಹೇಮ- ವಿಲಸಚ್ಛುಭಚೂಡಮೌಲೇ.
ಆರಾಧಿತಾದಿಮುನಿ- ಶಂಕರದಿವ್ಯದೇಹೇ
ಕಾಮಾಕ್ಷಿಮಾತರನಿಶಂ ಮಮ ದೇಹಿ ಸೌಖ್ಯಂ.
Recommended for you
ಹರಿ ಪಂಚಕ ಸ್ತುತಿ
ರವಿಸೋಮನೇತ್ರಮಘನಾಶನಂ ವಿಭುಂ ಮುನಿಬುದ್ಧಿಗಮ್ಯ- ಮಹನೀಯದೇಹಿನಂ. ....
Click here to know more..ಸ್ವರ್ಣ ಗೌರೀ ಸ್ತೋತ್ರ
ವರಾಂ ವಿನಾಯಕಪ್ರಿಯಾಂ ಶಿವಸ್ಪೃಹಾನುವರ್ತಿನೀಂ ಅನಾದ್ಯನಂತಸಂಭವ....
Click here to know more..ಸೂಜುಗದ ಸೂಜು ಮಲ್ಲಿಗೆ
ಸೂಜುಗದ ಸೂಜು ಮಲ್ಲಿಗೆ ಮಾದೇವ ನಿಮ್ಮ ಮಂಡೆ ಮ್ಯಾಲೆ ದುಂಡು ಮಲ್ಲಿ....
Click here to know more..
