వాసరా పీఠ సరస్వతీ స్తోత్రం

శరచ్చంద్రవక్త్రాం లసత్పద్మహస్తాం సరోజాభనేత్రాం స్ఫురద్రత్నమౌలిం .
ఘనాకారవేణీం నిరాకారవృత్తిం భజే శారదాం వాసరాపీఠవాసాం ..

ధరాభారపోషాం సురానీకవంద్యాం మృణాలీలసద్బాహుకేయూరయుక్తాం .
త్రిలోకైకసాక్షీముదారస్తనాఢ్యాం భజే శారదాం వాసరాపీఠవాసాం ..

దురాసారసంసారతీర్థాంఘ్రిపోతాం క్వణత్స్వర్ణమాణిక్యహారాభిరామాం .
శరచ్చంద్రికాధౌతవాసోలసంతీం భజే శారదాం వాసరాపీఠవాసాం ..

విరించీంద్రవిష్ణ్వాదియోగీంద్ర పూజ్యాం ప్రసన్నాం విపన్నార్తినాశాం శరణ్యాం .
త్రిలోకాధినాథాధినాథాం త్రిశూన్యాం భజే శారదాం వాసరాపీఠవాసాం ..

అనంతామగమ్యామనాద్యామభావ్యామభేద్యామదాహ్యామలేప్యామరూపాం .
అశోష్యామసంగామదేహామవాచ్యాం భజే శారదాం వాసరాపీఠవాసాం ..

మనోవాగతీతామనామ్నీమఖండామభిన్నాత్మికామద్వయాం స్వప్రకాశాం .
చిదానందకందాం పరంజ్యోతిరూపాం భజే శారదాం వాసరాపీఠవాసాం ..

సదానందరూపాం శుభాయోగరూపామశేషాత్మికాం నిర్గుణాం నిర్వికారాం .
మహావాక్యవేద్యాం విచారప్రసంగాం భజే శారదాం వాసరాపీఠవాసాం ..